Isaia 63:3 - Baibuli Ekibono kya Katonda 2014

³ Musengwa Katonda airamu ati: “Natyankirira amaghanga zenka ng'oti n'ole atyanka emizabbibu mu kikunhiro, aye mu bantu mwaloba kubaamu anhambaku. Nagatyankirira n'obusungu bwange, omusaayi gwago gwasambukira ku bivaalo byange byonabyona, byaidhula ebimyamya

Isaia 63:3 ပူးပေါင်းရင်းမြစ်များ

Amainhama 49:11

Aja yaasiba endogoyi ye ento mu isamba ly'emizabbibu, ku muzabbibu ogusinga bulungi. Yaayoza ebivaalo bye mu mwenge omumyufu ogw'emizabbibu.

2 Bakyabazinga 9:33

Yehu yaabakoba ati: “Mumusuule ghansi!” Baamusuula ghansi, omusaayi gwe gwasambukira ku kimante ni ku mbalaasi. Era embalaasi dhaamutyankirira.

Yobu 40:12

Bwenebwene lingirira buli mwepansi omumale amaani. Otyankirire ababi agho gheene ghe bali.

Zabbuli 60:12

Kasita Katonda n'aba ku luuyi olwaife twidha kuba ba maani; kuba oyo n'aja okutyankirira abazigu baife boonaboona.

Isaia 22:5

Kino kiseera kya kutya kungi, kutyankirirwa, na kusoberwa, ebyo nga Musengwa Katonda Afuga Amagye by'atutuusiisaaku mu Kiiko kino eky'Okubonekerwa. Ebimante by'ekibuga kyaife babiguumwireguumwire byagwa ghansi, abantu baakubira enduulu eyo mu nsozi nga benda babayambe.

Isaia 25:10

Musengwa Katonda alikuuma olusozi luno Sioni, aye Abamoabu balityankirirwa ng'oti n'eisubi bwe balityankirira mu busa okukolamu ebigimusa.

Isaia 28:3

Okwekuluntaza okw'abakulembeze abatamiivu, alikutyankirira n'ebigere.

Isaia 59:17

Alivaala obutuufu ng'ekivaalo eky'omu kifuba eky'ekyuma, yaavaala obulokozi ku mutwe gwe ng'enkuufiira ey'ekyuma. Era okwesasuuliza ku bazigu be kulimubaaku ng'oti kivaalo kya munda, n'obusungu bwamubaaku ng'oti kivaalo kya ku ngulu.

Isaia 63:6

Natyankatyanka mu busungu amaghanga, naagamanhiangula n'ekiruyi kyange, naayugha ku itaka omusaayi gw'abantu ogubagha obulamu.”

Okulira 1:15

Abalwani bange ab'amaani, Musengwa yabasuula ere ng'oti n'abatagasa. Yaataagho eigye okuunumba, okufafaagania abasaadha bange ab'amaani. Antyankiriire n'abantu bange ng'oti mizabbibu mu kikunhiro eky'omwenge ogw'emizabbibu.

Yoeli 3:13

Ekibi kyaibwe kye baakola kinene inho! Kale mubasale n'emiwolo ng'oti n'engaano etuuse okukungula. Mubatyankirire ng'oti n'emizabbibu egiidhwire mu kikunhiro eky'omwenge ogw'emizabbibu ni gibanda n'okubanda.”

Mika 7:10

Ekyo abazigu baife baidha kukibona baswale abo abaatuyeeyerezanga nga bakoba bati: “Musengwa Katonda waimwe ali gha?” Tulisangaala okubona nga batyankirirwa mu nguudo ng'oti bityanka!

Zekaria 10:5

Abantu b'omu Buyudaaya baliba ng'abalwani ab'omu lutalo ab'amaani, nga batyankirira abazigu baibwe mu bisoodo eby'omu nguudo. Balirwana baghangula n'abazigu baibwe ab'oku mbalaasi, kuba nze Musengwa Katonda ndi ghalala nabo.

Malaki 4:3

Ku lunaku lwe ndituukiriza ekibonerezo kye ntegeike, mulityankirira abakozi b'ebibi, kuba baliba ng'oti ivu buvu ghansi gh'ebigere byaimwe.