Isaia 63:17 - Baibuli Ekibono kya Katonda 2014

¹⁷ Wo Musengwa Katonda, lwaki otuleka okudaaliima ni tuva ku ngira y'otwoleka? Lwaki oleetera emyoyo gyaife okukalanguka ni tutakutya? Ganha oire ye tuli, ku lw'abantu bo abagheereza bo, abantu ababo ku bubwo ab'omu bika bya Isiraeli.

Isaia 63:17 ပူးပေါင်းရင်းမြစ်များ

Zabbuli 119:10

Nfuba inho okukugheereza n'omwoyo gwange gwonagwona, otandeka kuva ku biragiro byo.

Zabbuli 119:36

Nhamba okwendanga okukola by'okoba, okusinga okwendanga eby'obufuni.

Zabbuli 141:4

Otanganha kwendanga kukola bibi, n'okumala ebiseera byange nga ndi kutwalirizibwa mu kukola ebibi ghalala n'abo abakozi b'ebibi. Era otanganha kweyimbanga mu bibinuko byaibwe.

Zabbuli 80:14

Wo Katonda Afuga Amagye, kyusaamuuku. Ng'oli eyo mu igulu, linga ghansi otubone; labirira omuzabbibu guno,

Zabbuli 90:13

Wo Musengwa Katonda, oja kusungughala kutuusa li? Twiriremu ife abagheereza bo otusaasire.

Okuvaayo 11:10

Musa ni Aaroni baakola ebyewuunhio bino byonabyona nga kyabazinga abona. Aye Musengwa Katonda yaaleetera kyabazinga oyo okukalanguka omwoyo, yaaloba kutya era yaaloba kuleka Baisiraeli kuva mu nsi ye.

Okuvaayo 4:21

Era Musengwa Katonda yaakoba Musa ati: “Bw'otuuka e Misiri bona nti okolera mu maiso ga kyabazinga ebyewuunhio byonabyona nga bwendi kukugha obukumu okubikola, aye nja kukalangusa omwoyo gwe alobe kutya, era alobe kuleka bantu bange kuvaayo.

Isaia 19:25

Musengwa Katonda Afuga Amagye alidhigha enkabi ng'akoba ati: “Misiri eighanga lyange, ni Assiria nze mwene lye natonda, ni Isiraeli lye nalondamu okuba eryange, gagheebwenga enkabi.”

Isaia 29:13

Agho Musengwa Katonda yaakoba ati: “Abantu bano baidha ye ndi bantaamu ekitiisa mu bibono bubono, aye ng'emyoyo gyaibwe gindi ghala. Ensinza ye bansinzaamu ejiira ku ndhegeresa na mateeka abantu bye bataagho, ni babigema obugeme mu mitwe gyaibwe ng'oti nkusu.

Isaia 29:14

Kale ni ndikola mu bantu bano ebyewuunhisa n'ebyewuninkiriza. Ndizikiriza amagezi g'abagezi, era naamaliragho irala okumanha okw'abeegerese.”

Isaia 30:28

Omuuka gw'agheera guli ng'oti n'omwiga ogubanze ni gutaayaaya, ng'amaadhi gaagwo gatuuka mu nkoto, olwo gaaja nga geeyaagho amaghanga bwe gagazikiriza, era gaalekeza amaghanga okutuukiriza entegeka dhaago embi.

Isaia 6:10

Era yankoba ati: “Kalangusa emyoyo gy'abantu bano, osembe n'amatu gaibwe, otulughaze n'amaiso gaibwe; kuba tomanha bwe babona n'amaiso gaibwe, ni bawulira na matu gaibwe, era ni bategeera na myoyo gyaibwe, ni bakyuka ni mbawonia.”

Okulira 3:9

Buli ghe nhenda okubita azimbagho ekimante eky'amabaale amabaadhe amanene, era aleetera engira dhe mbitamu okuba enzibu.

Ezekieli 20:26

Naabaleka beeyonoona nga bagheereza eri emisambwa ebigheebwayo, era nga baghaayo y'emisambwa egyo abaana baibwe ababeri bookebwe mu muliro ng'emisengo. Ekyo nakikola nga nhenda mbabonereze era bamanhe nga ninze Musengwa Katonda.

Zekaria 1:12

Agho malaika oyo yaakoba ati: “Wo Musengwa Katonda Afuga Amagye, oligemerwa li ekisa Yerusalemu n'ebibuga eby'omu Buyudaaya, by'osungughaliire emyaka gino ensanvu?”

Okubala 10:36

Era bwe baalekeranga okugitambuza, ng'akoba ati: “Wo Musengwa Katonda, ira obe mu nkumi n'enkumi edh'Abaisiraeli.”

Yoanne 12:40

“Katonda abatuluwaiza, era yaakalangusa emyoyo, balobe kubona na maiso gaibwe, waire kutegeera na myoyo gyaibwe. Ti kulwa nga bagaluka baira ye ndi naabawonia.”

Amateeka Agokubiri 2:30

“Aye kyabazinga w'e Heshiboni, ayetebwa Sihoni, yaaloba kutuganha kubita mu nsi ye, kuba Musengwa Katonda waimwe yamukalangusa omwoyo. Yaamuleetera okudheema, olwo tughange okumughangula, n'okutwala ensi ye, mwe tukaali ni mpegaano.

Yoshua 11:20

Musengwa Katonda n'eyaleeteranga abantu abo, okukanaghala ni balwana n'Abaisiraeli. Olwo basalirwe omusango gubasinge, era bazikirizibwe aghazira kusaasirwa, nga Musengwa Katonda bwe yalagira Musa.