Isaia 63:16 - Baibuli Ekibono kya Katonda 2014

¹⁶ Bwenebwene n'iwe Iseife. Waire dhaadha waife Aburahamu tatwidhi, era nga ni Yakobo takyatula, iwe niiwe Iseife Omununuzi waife, okuva eira n'eira.

Isaia 63:16 ပူးပေါင်းရင်းမြစ်များ

1 Ebyomubyanda 29:10

Agho kyabazinga Daudi yaasaaka Musengwa Katonda ng'abantu boonaboona abeesoloiza bali agho. Yaakoba ati: “Wo Musengwa Katonda wa dhaadha waife Isiraeli, ogwaine osaakibwenga ebyanda n'ebyanda.

Yobu 14:21

Batabane be bwe batuuka ku kitiibwa, ebyo tabimanha; ni bwe batoolebwa ku kitiibwa, ebyo tabibona.

Okuvaayo 4:22

Era oidha kukoba kyabazinga oti, ‘Musengwa Katonda ati bw'akoba: Isiraeli n'omwana wange omuberi,

Omulangirizi 9:5

Bwenebwene abantu abalamu bamanha nga baja kufa, aye abafu baba bazira kye baidhi era nga bazira kye bakaasuubira kufuna, kuba baba tibakaidhukirwa naire.

Isaia 1:2

“Iwe eigulu wulira n'iwe ensi tega kutu, muwulirise bye nkoba. Abaana be nalera ni nkuza, bandheemeire.

Isaia 29:22

Musengwa Katonda eyanunula Aburahamu kyava n'ayogera ku b'endhu ya Yakobo ati: “Imwe abantu bange, timuliiramu kuswazibwa kabiri, era timuliiramu kusiiwuuka mu maiso lwa nsoni kubagema.

Isaia 41:14

Musengwa Katonda Omununuzi wo era Omutukuvu wo, iwe Isiraeli ninze nkoba ati: Otatya, waire ng'oli mugoogombe era omunafu ng'oti lugereegere. Nze ndidha kukuyamba.

Isaia 41:8

Aye iwe eighanga Isiraeli, oli mugheereza wange, oli mwidhukulu wa Yakobo, era niiwe ye nalondamu, iwe eizaire lya Aburahamu mukagwa wange.

Isaia 43:14

Musengwa Katonda Omununuzi waimwe era Omutukuvu wa Isiraeli akoba ati: “Olw'okwenda okubawonia ndisindika eigye okulumba Babiloni. Ndimenha eminhololo egisiba endhigi dh'ekibuga, era okwasiikana kw'abantu baayo okubaire okw'amasanhu, ndikufuulamu kulira maziga.

Isaia 44:6

Musengwa Katonda Afuga Amagye, Kyabazinga era Omununuzi wa Isiraeli, akoba ati: “Ninze entoolo era ninze enkomerero, era nze zenka, ninze Katonda. Ezirayo kyetebwa katonda okutoolaku nze zenka.

Isaia 45:11

Musengwa Katonda Omutukuvu wa Isiraeli era omutonzi we, akoba ati: “Imwe muzira bukumu bwa kumbuuza ebigema ku baana bange, waire okundagira eky'okukola.

Isaia 51:2

Mulowooze ku Aburahamu ni Sara, badhaadha baimwe abo imwe mwe mwasimuka. Ghe nayetera Aburahamu oyo yali aziraku mwana, naamugha enkabi yaazaala abaana, naamuleetera okuba n'abaidhukulu kamaala.

Isaia 54:5

Omutonzi wo mwene n'aliba balo, era eriina lye ni Musengwa Katonda Afuga Amagye. Omutukuvu wa Isiraeli n'aliba Omununuzi wo, era oyo ni Katonda w'ensi yoonayoona.

Isaia 60:16

Amaghanga ni bakyabazinga balikulabirira ng'oti n'inhina w'omwana bw'amulabirira. Era olimanha nga ninze Musengwa Katonda Omulokozi wo era Omununuzi wo, Katonda Owamaani owa Isiraeli.

Isaia 63:12

Musengwa Katonda oyo ali gha, eyakozesa obuyinza bwe, n'akola eby'amaani ng'abita mu Musa, n'ayawulamu amaadhi g'enhandha ng'abantu babona olwo eriina lya Musengwa Katonda oyo ni limanhikananga ebyanda n'ebyanda?”

Isaia 64:7

Ghazira aidha y'oli kukusaba ghazira asitukiramu kulumukira y'oli omuyambe. Iwe watwegisaaku era waatulekulira agho mu bibi byaife.

Isaia 64:8

Wo Musengwa Katonda, aye iwe niiwe Iseife. Ife tuli ng'eitosi eriwumba, ate iwe waaba ng'omuwumbi. Twenatwena niiwe watukola n'engalo dho.

Isaia 9:6

Kuba ife omwana atuzaaliirwa, omwana omulenzi atugheereibwa, aidha okubanga omufuzi waife. Aidha kwetebwanga “Omuwi w'Amagezi Eyeewuunhisa, Katonda ow'Obuyinza, Iseife aligho ebyanda n'ebyanda, Omulangira Aleeta Emiraala”.

Yeremia 3:19

“Musengwa Katonda era akoba ati: ‘Imwe Abaisiraeli, nze nayenda inho okubatwala ng'abaana abange, mbaghe ensi esanhusa era esingira irala okuboneka obulungi mu maghanga goonagoona, ebe yaimwe ku bwaimwe. Era naalowooza nti munandhetanga, Lata, mulobe kukyuka kunvaaku.

Yeremia 3:23

Okusinza kwe twasinzanga ku busozi, n'okwasiikana kwe twayasiikananga ku nsozi, bwenebwene byali bya kwerimba. Mu butuufu Musengwa Katonda waife ni yenka alokola Isiraeli.’

Yeremia 31:9

Abantu bange baliira nga bali kulira amaziga eno nga bwe basaba, nga nze ndi kubaiza ewaibwe. Ndibabisa eri obwiga obulimu amaadhi, era naababisa mu ngira entereevu baaloba kwekontola kugwa; kuba nze, ninze lata w'Abaisiraeli, era Efuraimu ni mutabane wange omuberi.”

Hosea 1:10

Abaisiraeli baliba bangi inho ng'oti musenho gwa ku nhandha ogutasoboka kubalibwa oba okupimwa. Mperaano Katonda abakoba ati: “Timuli bantu bange,” aye ekiseera kirituuka yaabakoba ati: “Muli baana ba Katonda omulamu.”

Malaki 1:6

Musengwa Katonda Afuga Amagye akoba bakabona ati: “Imwe bakabona, omwana ata mu ise ekinhagansi, n'omugheereza yaakita mu musengwa we. Kale ni oba nze ndi lata waimwe, lwaki timuntaamu kinhagansi? Era oba ndi musengwa waimwe, lwaki timuntya? Lwaki muunhooma, aye kabiri mwamala mwambuuza muti, ‘Tukunhooma tutya?’

Malaki 2:10

Twenatwena tuli n'iseife mulala, Katonda omulala oyo eyatutonda. Memale lwaki tuloba okwesigagana? Era lwaki tunhooma endagaano Katonda ye yakola ni badhaadha baife?

Matayo 6:9

Agho ni musabanga muti: ‘Iseife ali mu igulu, eriina lyo litiibwe.

Yoanne 8:41

Mukola bikolwa bya lata waimwe.” Baamukoba bati: “Ife tituli baghambule, tuli ni lata waife mulala ni Katonda mwene.”

Amateeka Agokubiri 14:1

Musa yaakoba Abaisiraeli ati: “Imwe muli bantu ba Musengwa Katonda waimwe. Kale ni muteesalasalanga ku mibiri gyaimwe, oba okumwa enviiri gha mberi ku mitwe gyaimwe ni giba ng'oti gya mpaata, ng'abantu abandi bwe bakola nga bali kulira abafu.

Amateeka Agokubiri 32:6

Obwo bwene, mutyo bwe mugwaine okubisa Musengwa Katonda, imwe abantu abasiru era abatategeera? Ti ni iseimwe eyabataagho? Ti n'eyabafuula eighanga?