Isaia 63:15 - Baibuli Ekibono kya Katonda 2014

¹⁵ Wo Musengwa Katonda, ng'oli eyo mu igulu y'oba mu butukuvu bwo ni mu kitiisa kyo, ganha otulingeku eno ghansi. Okutulumirwa kwo n'amaani go biri gha? Obwo tokaatugonza, waire okutusaasira?

Isaia 63:15 ပူးပေါင်းရင်းမြစ်များ

1 Bakyabazinga 8:27

“Aye obwo bwenebwene iwe Katonda oghanga okuba ku nsi? Ate oba waire mu igulu lyene, erisingayo okuba ghaigulu tosugamu, memale onaasuga otya mu isinzizo lino lye nzimbye!

2 Ebyomubyanda 30:27

Agho bakabona n'Abalevi baasituka, baasabira abantu enkabi. Katonda yaawulira amamiro gaibwe, yaasiima okusaba kwaibwe mu kifo kye ekitukuvu y'aba mu igulu.

Zabbuli 123:1

Wo Musengwa Katonda, ningiriire ku iwe eyo mu igulu, y'oli ku kityamo eky'obwakyabazinga.

Zabbuli 25:6

Wo Musengwa Katonda, oteerabira nga bw'obairenga ng'otusaasira era ng'otugonza inho, okuva eira n'eira.

Zabbuli 33:14

Ng'ali ku kityamo kye eky'obwakyabazinga, alingirira abantu boonaboona ababa ku nsi.

Zabbuli 68:5

Oyo ni Katonda aba mu kifo kye ekitukuvu, ni lata w'abo abazira balata baibwe era n'akuuma banamwandu.

Zabbuli 77:10

Agho naakoba nti: “Ekisinga okuunuma, n'okubona ng'oyo Ali Ghaigulu Yeene takaali ku luuyi lwaife.”

Zabbuli 80:14

Wo Katonda Afuga Amagye, kyusaamuuku. Ng'oli eyo mu igulu, linga ghansi otubone; labirira omuzabbibu guno,

Zabbuli 80:15

gwe wasimba iwe mwene, n'ogukuza nga gwa maani.

Zabbuli 89:49

Musengwa Katonda, okugonza kwo okutakoma okw'eira kwalaga gha? Ebyo bye wasuubiza Daudi byaja gha?

Isaia 16:11

Kyenva ni ngegenga olwa Moabu, era ni ndira enaku olwa Kiriheresi.

Isaia 26:11

Wo Musengwa Katonda, iwe ogalwire omukono gwo okubabonereza, aye era ekyo tibakibona naire. Kale iwe babonereze obaswaze nga bwe weesoomera okukola abazigu bo. Balage nga bw'olumirwa abantu bo.

Isaia 37:32

Ghaja kubaagho abaliwonagho mu Yerusalemu, n'abandi abaliva ku lusozi Sioni. Musengwa Katonda amaliriire okutuukiriza ekyo.

Isaia 42:13

Musengwa Katonda avaayo, yaaja okulumba ng'omulwani ow'amaani. Ayoleka obukambwe ng'omwisirukale, yaakaabuka ng'ataireku n'enduulu edh'omu lutalo, yaayolesa amaani amabitirivu ag'okulwanisa abazigu be.

Isaia 49:15

Musengwa Katonda oyo yaabairamu ati: Omukazi asobola okwerabira omwana we ayonka, yaaloba kugemerwa kisa mwana we oyo ye yazaala? Aye waire ng'omukazi asobola okwerabira, nze tiribeerabira naire.

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Isaia 59:17

Alivaala obutuufu ng'ekivaalo eky'omu kifuba eky'ekyuma, yaavaala obulokozi ku mutwe gwe ng'enkuufiira ey'ekyuma. Era okwesasuuliza ku bazigu be kulimubaaku ng'oti kivaalo kya munda, n'obusungu bwamubaaku ng'oti kivaalo kya ku ngulu.

Isaia 63:9

Yaabalumirwa mu kudaazibwadaazibwa kwaibwe kwonakwona, era yaabawonia mwene, se ti malaika we. Era olw'okugonza kwe n'okusaasira kwe by'ali nabyo, yaabanunula era yaabalabiriranga okuva eira n'eira.

Isaia 64:12

Wo Musengwa Katonda, bwenebwene ozira ky'ofaayo naire ku ebyo byonabyona ebibairegho? Bwenebwene oja kusirika busirike, otuleke tudaazibwedaazibwe ebitaloodheka tutyo?

Isaia 66:1

Musengwa Katonda akoba ati: “Eigulu n'ekityamo kyange eky'obwakyabazinga, ate ensi, kwe nta ebigere byange. Kale mulinzimbira ndhu nabaki? Era kifo ki mwe ndiwuumulira?

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Yeremia 31:20

Iwe Isiraeli, niiwe mutabane wange andeetera okusangaala, omwana ye nsinga kugonza. Waire ni bwe nkunenia, era nsigala nga nkaakulowooza, naakulumirwa omwoyo, era nakugemerwa ekivunika.

Okulira 3:50

okutuusa Musengwa ali mu igulu lw'alinga ghansi naabona abantu be bwe bali kudaagadaaga.

Hosea 11:8

Abaisiraeli nsobola ntya okubaghaayo? Nsobola ntya okubalekulira agho? Nsobola ntya okubazikiriza ng'oti bwe nakola Adama? Nsobola ntya okubabisa ng'oti bwe nabisa Zeboiimu? Omwoyo gwange tigunganha kukikola; kuba mbagonza inho ebitaloodheka.

Yoeli 2:18

Agho Musengwa Katonda yaalumirwa ensi ye, era yaasaasira abantu be.

Luka 1:78

Olw'okusaasira okunene okwa Katonda waife ali ng'oti n'endhuba evaayo, aliva ghaigulu yaidha yaatukyalira.

Amateeka Agokubiri 26:15

linga ghansi ng'oli mu igulu mu kifo kyo ekitukuvu, owe enkabi abantu bo Abaisiraeli, era owe enkabi n'ensi engimu era erimu ebirungi kamaala y'otughaire, nga bwe wasuubiza badhaadha baife.’

Ab'e Filippi 2:1

Okuba mu Kurisito kibagumya? Okugonza kwe kubagha amaani? Mwisa ekirala ni Mwoyo wa Kurisito? Buli muntu agemerwa mwine ekisa era yaamusaasira?

1 Yoanne 3:17

Omuntu yeenayeena ali n'ebirungi eby'omu nsi muno n'abona muganda we ng'ali mu bwetaavu aye n'atamulumirwa naire, okugonza kwa Katonda kusobola kutya okuba mu muntu oyo?