Isaia 63:14 - Baibuli Ekibono kya Katonda 2014

¹⁴ Omwoyo gwa Musengwa Katonda gwagha abantu ba Musengwa Katonda oyo okuwuumula, baaba ng'oti n'ente edhitwaliibwa mu kiiko ekigimu. Kale Musengwa Katonda atyo yaabakulemberamu era yaaleetera eriina lye okugheebwanga ekitiisa.

Isaia 63:14 ပူးပေါင်းရင်းမြစ်များ

2 Samueli 7:23

Kale ighanga ki erindi ku nsi, eriri ng'oti n'ery'abantu bo Abaisiraeli iwe Katonda be waja n'onunula babe abantu bo? Waabakolera ebintu ebikologho era ebitiisa, ebyaleetera eriina lyo okumanhika mu nsi yoonayoona, ng'obingayo abamaghanga agandi n'emisambwa gyaibwe mu biketezo bye baalimu, ng'abantu bo bali kumpi okutuukayo.

1 Ebyomubyanda 29:13

Agho ni Katonda waife, ife tukusiima era twasaaka eriina lyo ery'ekitiisa.

Nehemia 9:5

Agho Abalevi bano: Yeshua, Kadimieli, Bani, Hashabuneia, Hodia, Shebania, ni Pethahia, baakoba abantu bati: “Mwemerere musaake Musengwa Katonda waimwe; mumusaakenga ebyanda n'ebyanda. Eriina lye ery'ekitiisa lisaakibwenga, eriswikiriire okusaaka okw'abantu kwonakwona.”

Isaia 55:13

Emiti emisipuressi girimera aghabaire emiwa; n'eminaazi gyaira mu kifo ky'enkandwa. Ako kaliba kamanhiso akatalivaagho ebyanda n'ebyanda, ak'okwidhukirirangaku nze Musengwa Katonda bye nkola.”

Isaia 63:12

Musengwa Katonda oyo ali gha, eyakozesa obuyinza bwe, n'akola eby'amaani ng'abita mu Musa, n'ayawulamu amaadhi g'enhandha ng'abantu babona olwo eriina lya Musengwa Katonda oyo ni limanhikananga ebyanda n'ebyanda?”

Yeremia 32:20

Wakola ebyewuunhio n'ebyewuninkiriza mu Misiri, era ni ye buli eno okaabikola mu Isiraeli, ni mu maghanga agandi goonagoona. Kale kyaba nti buli ghantu bakwidhi.

Haggai 2:5

Nga muli kuva mu nsi Misiri, nabasuubiza okubanga aghalala n'imwe buliidho. Kale ni mulobe kutya.

Okubala 14:21

Aye bwenebwene nga bwendi omulamu, era ng'ensi bw'eidhula ekitiisa kyange,

Okubala 9:23

Baasimbanga weema dhaibwe era baavanga agho okuja aghandi, nga bajiira ku biragiro bya Musengwa Katonda bye yabaghanga ng'abita mu Musa.

Luka 2:14

“Ekitiisa kibe ye Katonda eyo ghaigulu yeene, n'emiraala gibe ku nsi ku bantu be b'agonza.”

Ab'Efeso 1:12

mwe yatulondera. Ife abaasooka okuba n'eisuubi mu Kurisito, tubeegho nga tusaaka ekitiisa kya Katonda.

Ab'Efeso 1:6

Olwo tumusaake olw'okutwoleka ekisa mu kitiisa kye, kye yatugheera mu Mwana we omugonzi ng'ekirabo.

Amateeka Agokubiri 32:12

Musengwa Katonda yenka n'eyabakulemberamu. Ghazira musambwa gwamugemeraku.

Yoshua 21:44

Musengwa Katonda yaabagha emiraala woonawoona mu kiketezo ekyo, era nga bwe yasuubiza badhaadha baibwe. Ku bazigu baibwe nga ghazira waire mulala ati asobola okubeegezaamu, kuba Musengwa Katonda ng'asobozesa Abaisiraeli okughangula abazigu baibwe abo boonaboona.

Yoshua 22:4

Buti Musengwa Katonda oyo Katonda waimwe, aghaire Baisiraeli banaimwe abo emiraala nga bwe yabasuubiza. Kale, mwireyo mu maka gaimwe, mu kiketezo kye mwamala okutwala nga buti kyaimwe, e buvandhuba wa Yorudani, Musa omugheereza wa Musengwa Katonda kye yabagha.

Yoshua 23:1

Nga ghabiseegho ekiseera kireeyi inho, era nga Musengwa Katonda amaze okugha Abaisiraeli emiraala, nga baliraanwa baibwe ti bakaabalumba, Yoshua yali akairiighe inho.