Isaia 63:11 - Baibuli Ekibono kya Katonda 2014

¹¹ Agho baidhukira ebyaligho eira mu biseera bya Musa omugheereza wa Musengwa Katonda, baabuuza bati: “Musengwa Katonda ali gha, eyasomosa abakulembeze b'abantu n'abawonia enhandha? Musengwa Katonda oyo ali gha, eyasindika omwoyo gwe omutukuvu mu bantu be?

Isaia 63:11 ပူးပေါင်းရင်းမြစ်များ

Nehemia 9:20

Wabagha omwoyo gwo omulungi gubagalagirenga eky'okukola. Tiwalekeraku kubaghanga mannu kulya, era waabaghanga amaadhi okubawonia endiwo.

Zabbuli 106:44

Aye waire nga beebisa batyo, tiyabatoolaku mwoyo. Bwebaalira yabafaaku.

Zabbuli 106:45

Ku lwaibwe yaidhukira endagaano ye era yaabairiramu olw'okugonza kwe okutakoma.

Zabbuli 106:9

Yakaabukira Enhandha Emyufu yaakala; yaasomosa abantu be okubita ku ntobo y'enhandha ng'ekaze ng'oti irungu.

Zabbuli 143:5

Ndidhukira ebiseera ebyabita, neefumintiriza ku ebyo byonabyona bye wakola, era neetegereza ebyo byonabyona by'ojiire ng'oleetagho.

Zabbuli 25:6

Wo Musengwa Katonda, oteerabira nga bw'obairenga ng'otusaasira era ng'otugonza inho, okuva eira n'eira.

Zabbuli 51:11

Otansuula ere kuva gh'oli, era otantoolaku mwoyo gwo omutukuvu.

Zabbuli 77:12

Ndidha kwetegerezanga emirimo gye yakola; neefumintirizenga ku by'amaani bye yakola.

Zabbuli 77:20

Wabisa abantu bo ku maadhi ng'omwayi bw'atambuza ebyayo bye, ng'okozesa Musa ni Aaroni.

Zabbuli 78:52

Agho yaakulemberamu abantu be okubatoola mu Misiri ng'omwayi bw'akulemberamu entaama dhe, yaababisa mu irungu ng'omwayi bw'atambuza ebyayo bye.

Okuvaayo 14:22

Abaisiraeli baingira mu nhandha nga batambulira ku itaka ikalu, ng'amaadhi geebunze ku mbali ni ku mbali ng'oti bimante.

Okuvaayo 14:30

Atyo Musengwa Katonda bweyawonia Abaisiraeli ng'abatoola mu buyinza bw'Abamisiri, era Abaisiraeli baabona emirambo gy'Abamisiri nga giri agho ku mbali okw'enhandha.

Isaia 43:16

Eira einho, Musengwa Katonda oyo n'eyatema oluguudo mu nhandha, yaakola engira mu maadhi amaleeyi.

Isaia 63:10

Aye baamala beene baadheema, baanakughaza omwoyo gwe omutukuvu. Kale Musengwa Katonda oyo yaakyuka yaafuuka muzigu waibwe, era yaabalwanisa mwene.

Isaia 63:15

Wo Musengwa Katonda, ng'oli eyo mu igulu y'oba mu butukuvu bwo ni mu kitiisa kyo, ganha otulingeku eno ghansi. Okutulumirwa kwo n'amaani go biri gha? Obwo tokaatugonza, waire okutusaasira?

Yeremia 2:6

Baaloba okwebuuzaaku naire bati, ‘Musengwa Katonda ali gha? Oyo n'eyatutoola mu nsi Misiri, yaatubisa mu irungu, mu nsi enkalu eidhwire ebiina, eziramu maadhi era ey'akabi, eziramu muntu agibitamu, era etabaamu bantu.’

Danieli 4:8

Aye oluvainhuma lwa byonabyona Danieli yaidha. Danieli oyo nga baamutuuma eriina Beluteshazzari erya katonda wange era ng'omwoyo ogwa bakatonda abatukuvu gumuliku. Agho naamukobera ekirooto nti,

Hosea 12:13

Musengwa Katonda yatuma omulanzi, yaaja yaatoola Abaisiraeli mu nsi Misiri era yaabalabirira.

Amosi 9:11

Musengwa Katonda akoba ati: “Olunaku lwidha kutuuka ndhizeegho obwakyabazinga bwa Daudi, nga bwe bwalinga mu biseera Daudi mwe yabeera kyabazinga kuba buti buli ng'oti n'endhu eyagwa. Kale nja kuzimba ebimante byayo buyaaka, ngiizeegho nga bwe yalinga eira.

Haggai 2:5

Nga muli kuva mu nsi Misiri, nabasuubiza okubanga aghalala n'imwe buliidho. Kale ni mulobe kutya.

Zekaria 4:6

Agho malaika oyo yankoba okutwalira Zerubbabeli obukwenda bwa Musengwa Katonda obukoba buti: “Olighangula ti lwa kuba wa maani, waire okuba ow'obuyinza, aye lwa Musengwa Katonda Afuga Amagye okukugha omwoyo gwe.

Okubala 11:17

Ndidha kwika ndhogere n'iwe agho, era ntoole ku mwoyo oguli ku iwe boona ngubateeku. Olwo babe nga bakubeeraku okwetwika obuvunaanizibwa obw'abantu abo, bulobe kubanga ku iwe wenka.

Okubala 11:25

Agho Musengwa Katonda yaikira mu kire yaayogera ni Musa, era yaatoola ku mwoyo ogwali ku Musa yaaguta ku bantu abo. Era omwoyo ogwo bwe gwabaidhaku baayogera eby'obulanzi. Aye baakoma ku olwo, tibaakikola mukuzi gundi.

Okubala 11:29

Aye Musa yaamwiramu ati: “Enkikidi ekugemye ku lwange? Kyandibaire kikalamu nguli Musengwa Katonda ata omwoyo gwe ku bantu be boonaboona baaba balanzi.”

Abaheburayi 13:20

Nsaba Katonda ow'emiraala, eyazuukiza Musengwa waife Yesu, eyafuuka Omwayi w'entaama omukulu, olw'okuyugha omusaayi gwe ogwataagho endagaano etawaagho,

Abalamuzi 6:13

Gideoni yaamukoba ati: “Isebo, nkweghembye ka mbuuzeeku: oba nga Musengwa Katonda ali n'ife, lwaki bino byonabyona bitutuukaku? Era ebyewuninkiriza bye yakolanga, badhaadha baife bye baatughayiranga, biri gha? Baatughayiranga bati Musengwa Katonda yabatoola mu Misiri. Aye mpegaano Musengwa Katonda atulekuliire agho, era atughaireyo mu buyinza bw'Abamidia.”