Isaia 63:10 - Baibuli Ekibono kya Katonda 2014

¹⁰ Aye baamala beene baadheema, baanakughaza omwoyo gwe omutukuvu. Kale Musengwa Katonda oyo yaakyuka yaafuuka muzigu waibwe, era yaabalwanisa mwene.

Isaia 63:10 ပူးပေါင်းရင်းမြစ်များ

Amainhama 6:6

Agho yeidhusa ekyamutonza omuntu ku nsi, era enaku yaamuluma ku mwoyo.

2 Ebyomubyanda 12:2

Agho mu mwaka ogwokutaanu nga kyabazinga Rehoboamu oyo n'afuga Buyudaaya, Shishaki kyabazinga w'e Misiri yaidha yaalumba Yerusalemu olw'okuba baadheemera Musengwa Katonda.

Nehemia 9:26

Aye abantu bo abo baakudheemera, baalobanga kukuwulira, baava ku Mateeka go. Baita abalanzi bo abaabalabulanga okubakyusa baire y'oli. Baakola ebintu kamaala ebikuvumagania.

Nehemia 9:29

Waabalabulanga, basobole okukyuka bagondere amateeka go. Aye beekuluntaza, baaloba kugondera biragiro byo, baakola bukole bibi. Ate nga mu kutuukiriza ebiragiro omuntu mw'afunira obulamu. Aye baakolanga bwa mpwitu era baakalangusanga emyoyo gyaibwe, baaloba kukugondera.

Zabbuli 106:33

kuba baamuleetera okusungughala einho, kyaviiramu Musa oyo okwogera nga tasoose kulowooza.

Zabbuli 107:11

kuba baali badheemeire ebiragiro bya Katonda, baanhooma ebyo Ali Ghaigulu Yeene bye yabakoba.

Zabbuli 51:11

Otansuula ere kuva gh'oli, era otantoolaku mwoyo gwo omutukuvu.

Zabbuli 78:17

Aye ate baaja bwa mu maiso n'okwonoona y'ali baamudheemera eyo mu irungu, oyo Ali Ghaigulu Yeene.

Zabbuli 78:21

Kale Musengwa Katonda bweyawulira ebyo yaidhula ekiruyi, yaalumba abantu be ng'ali ng'oti muliro era obusungu bwe bweyongera okubaakiraku

Zabbuli 78:40

Emikuzi kamaala baamudheemeranga eyo mu irungu baamusungughazanga inho.

Zabbuli 78:49

Abantu abo yabamaliraku obusungu bwe nga yeesiniirwa ekibitiriire. Obusungu bwe obwo bwali ng'oti n'ekikunsu kya bamalaika be, abazikiriza.

Zabbuli 78:56

Aye baaleba Katonda era baamudheemera oyo Ali Ghaigulu Yeene baaloba kugondera biragiro bye,

Zabbuli 78:8

Balobe kuba ng'oti ni badhaadha baibwe, ab'oluse olw'empwitu era oludheemu oluse olw'abantu ab'emyoyo egitaagumira ku Katonda era abaalekera agho okumwikiriza.

Okuvaayo 15:24

Abantu beemuluguunhia nga babuuza Musa bati: “Olwo mperaano ife tunaanhwa ki?”

Okuvaayo 16:8

Era Musa yaabakoba ati: “Ogw'eigulo Musengwa Katonda aidha kubagha emamba ey'okulya, era enkyo abaghe emere mulye mwigute, kuba Musengwa Katonda oyo awuliire bye mumwemuluguunhiamu. Bwe mwemuluguunhia muba timuli kukoba ife, aye muba muli kukoba Musengwa Katonda, kuba katyo ife niife baani?”

Okuvaayo 23:21

Imwe mumuwulire, mugondere kiisi ky'abakoba. Mutamudheemera, taidha kubasonigha kwonoona kwaimwe, kuba ali kwidha mu liina lyange.

Okuvaayo 32:8

Amangu gano baviire ku biragiro bye nabagha. Baasaanuusiiza zaabu, beekolera ekifaananie eky'ente ento enume era baakisinza, baakigha omusengo nga bakoba mbu, ‘Isiraeli, ono ni katonda wo eyakutoola mu Misiri!’

Isaia 1:2

“Iwe eigulu wulira n'iwe ensi tega kutu, muwulirise bye nkoba. Abaana be nalera ni nkuza, bandheemeire.

Isaia 63:11

Agho baidhukira ebyaligho eira mu biseera bya Musa omugheereza wa Musengwa Katonda, baabuuza bati: “Musengwa Katonda ali gha, eyasomosa abakulembeze b'abantu n'abawonia enhandha? Musengwa Katonda oyo ali gha, eyasindika omwoyo gwe omutukuvu mu bantu be?

Isaia 65:2

Olunaku lwonalwona nayandhuluzanga emikono gyange okusangaaza abantu abadheemu, abeebisa mu nsambo etali nkalamu nga bajiira ku ebyo beene bye bayiiya okukola.

Yeremia 21:5

Nze mwene nja kukulwanisa n'amaani gange goonagoona, mu busungu obubitirivu, n'ekiruyi era n'obukambwe.

Yeremia 30:14

Abo be mwakolagananga nabo baabeerabira tibakaabafaaku naire. Nze nabalumba imwe ng'oti ndi bwa muzigu waimwe, naababonereza aghazira kusaasira naire, olw'ebibi byaimwe ebingi n'olw'emisango gyaimwe egitaloodheka.

Yeremia 32:30

Abantu b'omu Isiraeli n'ab'omu Buyudaaya, okuviira irala mu mainhama ag'ebyafaayo byaibwe, tibansiimya naire olw'ebikolwa byaibwe, era bansungughaza busungughaze mu bye bakola.

Okulira 1:18

Aye Musengwa mutuufu, kuba ninze eyadheemera ekibono kye. Aye bantu imwe muwulire mwenamwena, mubone nga bwe ndaagadaaga. Abaisuka bange n'abaguna boonaboona baabatwala mu bunhage.

Okulira 1:20

Wo Musengwa Katonda, bona eno ndi mu buzibu bwa maani era ntabwirwa mu mwoyo. Olw'obudheemu bwange ndi mughafu adaaga. Mu nguudo edh'omu kibuga abatemo bali kwita abantu bange, ate mu ndhu mba ng'oti ndi bwa mu magombe.

Ezekieli 16:43

Olw'okuba tiwaidhukira bya mu buto bwo, aye waakolanga ebinsungughaza, kyendiva ni nkwesasuulizaaku. Kale lwaki ku bikolwa byo bire ebindi byonabyona ebyenhinhalwa, wayongerezaaku n'obwenzi?” Musengwa Katonda atyo bw'akobye.

Ezekieli 2:3

nga gakoba gati: “Iwe omuntu, ndi kukutuma y'Abaisiraeli, eighanga eryo ery'abadheemu. Abantu abo banvaaku baakola ebibi ye ndi ng'oti ni badhaadha baibwe bwe baakola, era bakandheemera ni ye buli eno.

Ezekieli 2:7

Oidha kubakobera bye ndi kukutuma okubakobera, oba bawulirisa oba tibawulirisa.

Ezekieli 20:13

Aye abantu ab'eighanga Isiraeli bandheemera nga bali eyo mu irungu, baaloba kujiira ku mateeka gange era baava ku biragiro byange, ebireetera omuntu okuba omulamu ng'abituukiriiza. Era baayonoona olunaku lwange olwa Sabbato. Agho naayenda mbamalireku ekiruyi kyange nga bali eyo mu irungu, mbazikirize mbamaliriregho.

Ezekieli 20:21

“Aye abaana boona bandheemera, baaloba kujiira ku mateeka gange era baava ku biragiro byange, ebireetera omuntu okuba omulamu ng'abituukiriiza. Baayonoona n'olunaku lwange olwa Sabbato. Agho naayenda okubamaliraku ekiruyi kyange, mboolekeze obusungu bwange nga bali eyo mu nsi Misiri.

Ezekieli 20:8

Aye bandheemera, baaloba kuwulirisa bye nabakoba. Baaloba kusuula ere ebyenhinhalwa ebyabasikirizanga, waire okuva ku bisinzibwa ebitali nze Katonda eby'omu Misiri. Agho naayenda okubamaliraku ekiruyi kyange, mboolekeze obusungu bwange nga bali eyo mu nsi Misiri.

Ezekieli 6:9

baaba eyo mu bunhage. Abo balindidhukira nga bali eyo era baamanha nga bwe namenha emyoyo gyaibwe egitali myesigwa egyanvaaku, ni giira ku kusinza ebifaananie ebitali nze Katonda. Kale balituuka beene okwesinwa olw'ebibi byaibwe, n'olw'ebyenhinhalwa bye bakola.

Matayo 22:7

Kyabazinga yaanakughala, yaasindika amagye ge gaazikiriza abaisi abo era gaayokya n'ekibuga kyaibwe.

Ebikolwa by'Abatume 7:42

Aye Katonda yaabavaaku yaabaleka okusinzanga emuunienie edh'omu igulu nga bwe kyaghandiikibwa mu kitabo ky'abalanzi kiti, ‘Imwe abantu ba Isiraeli, ensolo dhe mwaitanga n'emisengo gye mwagheerezanga emyaka amakumi ana (40) mu irungu, timwabikolera nze.

Ebikolwa by'Abatume 7:51

“Imwe ab'empwitu, ab'emyoyo emikalangufu era abaloba okuwulira ekibono kya Katonda! Buliidho mutakania Mwoyo Mutukuvu. Nga badhaadha baimwe bwe baali, mwena bwe muli.

Ab'Efeso 4:30

Era mutanakughazanga Mwoyo Mutukuvu wa Katonda, kuba Mwoyo n'akamanhiso ke mwateebwaku okutuuka ku lunaku olw'okununulibwa.

Amateeka Agokubiri 1:26

“Aye imwe mwadheemera ekiragiro kya Musengwa Katonda waimwe, mwaloba okwingira mu nsi eyo.

Amateeka Agokubiri 9:7

“Mutagezangaku naire okwerabira nga bwe mwaleetera Musengwa Katonda waimwe okubasungughalira mu irungu. Okuviira irala ku lunaku lwe mwaviiraku mu Misiri, okutuusa lwe mwatuuka mu kifo kino, mubairenga nga mumudheemera.

Yoshua 22:15

Baatuuka e Gileadi eri Abareubeni, n'Abagadi, n'ekitundu ku Bamanasse ab'e Buvandhuba.