Isaia 62:8 - Baibuli Ekibono kya Katonda 2014

⁸ Musengwa Katonda yeerayiriire mu buyinza bwe ati: “Bwenebwene tiriirayo kuwaayo mere yaimwe ya mpeke kuliibwa bazigu baimwe. Abagwira tibalinhwa mwenge gwaimwe gwa mizabbibu gwe mwafaabiikanira.

Isaia 62:8 ပူးပေါင်းရင်းမြစ်များ

Isaia 1:7

Ensi yaimwe bagizikiriiza, n'ebibuga byaimwe baabyokya omuliro byasiriira; abantu abagwira balumbye ensi yaimwe; baaginhaga era baazikiriza n'ebigirimu nga mubona muti.

Isaia 45:23

Neerayiriire mwene, era kye ndhogera tija kukitoolagho naire: Kiisi muntu alinkubira amakiryaivu, era kiisi lulimi lulyeyama mu liina lyange.

Isaia 54:9

“Nga bwe nalayira mu biseera bya Noa obutairamu kabiri kuleeta maadhi ga mwidhuzo kubanda ku nsi, ni leero ntyo bwe ndi kulayira obutairamu kabiri kukusungughaliranga na kukudhuukanga, waire okukubonerezanga.

Isaia 55:2

Lwaki mumalira empiiya dhaimwe ku ebyo ebitali mere? Lwaki mufaabiikanira ebyo ebitabaigusa? Mumpulirise bukalamu kye nkoba, olwo musobole okulyanga ebyo ebisinga kuba birungi, era mubenga basangaavu.

Isaia 59:16

Yeewuunhia okubona nga ghaziragho muntu waire omulala ati, afaayo kuwolerezaagho abo abatuntuzibwa. Kale mwene alikozesa obuyinza bwe n'obutuufu bwe, yaanunula abantu be okubatuusa ku bughanguzi.

Yeremia 31:5

Muliiramu kabiri okusimba amasamba ag'emizabbibu ku nsozi dh'e Samaria, era abo abaligasimba balirya ku bibala ebigavaamu.

Yeremia 5:17

Balirya emere yaimwe ni byonabyona bye muli kukungula. Balizikiriza emizabbibu gyaimwe n'emitiini gyaimwe, baasaaniagho embuzi dhaimwe n'ente dhaimwe, era baita batabane baimwe ni baghala baimwe. N'ebibuga byaimwe ebyezungulwirwa ebimante ebigumu bye mwesiga, balibizikiriza mu lutalo.”

Ezekieli 20:5

Era obakobe oti nze Musengwa Katonda ndi kubakoba nti: Olunaku lwe neeroboza eighanga Isiraeli, abaana ba Yakobo abo, nabeeyandhulira nga bali mu nsi Misiri, naabamanhisa nti ninze Musengwa Katonda waibwe.

Abalevi 26:16

ndibabonereza nti: ndireeta entiisa mu imwe. Omusuudha ogw'amaani n'endwaire edhitawonezeka biribatulughaza amaiso, byaleetera obulamu bwaimwe okuja nga buwaagho. Mulisiga ensigo aye tidhiribagasa, kuba abazigu baimwe balibaghangula baalya bye musize.

Amosi 9:14

Ndidha kwirizaagho abantu bange Abaisiraeli ebirungi. Baidha kwiramu okuzimba ebibuga byaibwe ebyazikirizibwa era babityamemu. Baidha kusimbanga amasamba ag'emizabbibu, era banhwenga omwenge ogugivaamu. Baidha kulimanga emere era bagirye.

Amateeka Agokubiri 28:30

“Mwidha kwandhulanga abakazi, aye abasaadha abandi n'abaidhanga okubatwala babe nabo. Mwidha kuzimbanga endhu, aye mulobe kudhibangamu. Era mwidha kusimbanga amasamba g'emizabbibu, aye mulobe kukungulanga ku bibala byago.

Amateeka Agokubiri 28:31

Ente dhaimwe dhiidha kwitibwanga nga mubona, aye timuulyenga ku mamba yaadho. Endogoyi dhaimwe baidha kudhibanhagangaku era tibaadhibairizenga. Entaama dhaimwe baidha kudhigabiranga abazigu baimwe, era imwe ghazira anaababeeranga.

Amateeka Agokubiri 28:33

Ab'eighanga erindi balinhaga emere ye mwafaabiikana okulima ku itaka lyaimwe era ni bye mwadaagirira ebindi byonabyona, aye nga imwe babatuntuza butuntuze na kubabisa bubi.

Amateeka Agokubiri 32:40

Ngololera omukono gwange y'eigulu, naalayira nti: ‘Nga bwendi omulamu ebyanda n'ebyanda,