Isaia 62:10 - Baibuli Ekibono kya Katonda 2014

¹⁰ Imwe abantu bange ab'omu Yerusalemu mufulume, mufulume emiryango gy'ekibuga. Muje mutegeke abantu ghe banaabita mutemegho oluguudo. Mutemegho oluguudo mangu, mulumalemu ebibaalebaale. Mughanikire abantu ebendera ng'akamanhiso,

Isaia 62:10 ပူးပေါင်းရင်းမြစ်များ

Zabbuli 24:7

Mwigulegho endhigi bukalamu, mughaluzeeyo endhigi enkaire edh'eira, Kyabazinga omukologho aingire.

Zabbuli 68:4

Mwembere Katonda, mwembe enhembo edhisaaka eriina lye. Mumutegekere engira oyo aseeyeeya ku bire, eriina lye ni Musengwa Katonda, musagambire mu maiso ge.

Okuvaayo 17:15

Musa yaazimba alutaari yaagituuma eriina “Musengwa Katonda ni bendera yange.”

Isaia 11:10

Olunaku lwidha kutuuka, oyo asimuka mu Yesse abe akamanhiso eri amaghanga. Amaghanga ago galyesolokeza gh'ali, era ekifo mw'alifugira kiriba kya kitiisa.

Isaia 11:12

Musengwa Katonda alighanikira amaghanga bendera, yaagamanhisa nga bw'ali kusoloza abantu abaabingibwa mu Isiraeli ni mu Buyudaaya, abatoole eyo ye baabasansaaniza mu ndhuyi eina edh'ensi.

Isaia 11:16

Ghalibaagho oluguudo abantu be Abaisiraeli abaliwonagho mwe balibita nga bava mu Assiria, ng'oti ni bwe ghaaligho oluguudo Abaisiraeli mwe baabita nga bava mu Misiri.

Isaia 18:3

Mubakobe muti, ‘Imwe abantu mwenamwena abali mu nsi, mwekalirisenga mubone nga bendera esimbiibwa ku lusozi, era mutegenga kutu muwulire ng'eigwala lifuuye.’

Isaia 19:23

Olunaku olwo bwe lulituuka, ghalibaagho oluguudo oluva mu Misiri okuja mu Assiria. Abassiria baliidhanga mu Misiri, n'Abamisiri baajanga mu Assiria, era Abamisiri n'Abassiria balisinzizanga ghalala Musengwa Katonda.

Isaia 26:1

Ku lunaku olwo abantu balyemba olwembo luno mu Buyudaaya, bati: Ekibuga kyaife kigumu begulugulu. Katonda mwene n'eyakizimbaku ebimante ebigumu, era mwene n'akikuuma.

Isaia 26:2

Mwigulegho emiryango gyakyo, muleke abantu ab'eighanga eryesiga Katonda baingire, abantu abo abakola ebituufu.

Isaia 35:8

Ghalibaagho oluguudo olulyetebwa “Engira ey'Obutukuvu.” Buli atali mulongoofu talibita mu ngira eyo. Era abaligitambuliramu ni bwe baliba abasiru einho, tibaja kubulira mu ngira eyo.

Isaia 35:9

Eyo teribaayo mpologoma, waire okubaayo ensolo yoonayoona enswankuzi eriidha okutambulira mu ngira eyo. Aye abo Musengwa Katonda b'alinunula n'abaligibitamu.

Isaia 40:3

Ghaligho amamiro g'oyo alangirira ati: “Mutegeke Musengwa Katonda gh'anaabita mu nsi enkalukalu, mutereeze oluguudo lwa Katonda waife mu irungu.

Isaia 40:4

Buli kiiko kiriidhuzibwamu eitaka, buli lusozi na buli kasozi byasendebwa. Engira engodegode dhiritereezebwa, n'edh'ebikonko dhaanhirizibwa.

Isaia 48:20

Muve mu Babiloni, mulumuke muje! Mulangirire amawulire gano buli ghantu nga mukuba emizira, mugasansaanie gatuuke eyo yoonayoona ensi y'ekanga. Mukobe muti: “Musengwa Katonda anunwire omugheereza we Yakobo.”

Isaia 49:11

‘Ensozi dhange dhoonadhoona ndidhitaamu engira, dhaafuuka enguudo abantu bange mwe balitambuliranga.

Isaia 49:22

Musengwa Katonda akoba ati: “Ndikolera ab'amaghanga akamanhiso, naabalagira baaleeta batabane baimwe nga bababbeedeire mu bifuba byaibwe, era baaleeta ni baghala baimwe nga bababeese ku migongo gyaibwe.

Isaia 52:11

Muje, muje, muve mu Babiloni, imwe ababbeeda ebintu ebikozesebwa mu isinzizo lya Musengwa Katonda. Mutagema ku kintu kyonakyona ekitali kirongoofu. Muje mwekuume nga muli balongoofu.

Isaia 57:14

Musengwa Katonda era akoba ati: “Muteegho oluguudo, muteegho oluguudo mangu, mutegeke abantu bange ghe banaabita. Mutoole ebitimuguunha byonabyona mu ngira y'abantu bange.

Isaia 60:11

Emiryango gyo giidha kubanga miigule, tigiidha kwigalwanga omusana n'obwire. Olwo abantu basobole okukuleeteranga obukombe bw'amaghanga gaibwe, nga bakyabazinga baibwe beene n'ababakulembeiremu mu nhiriri.

Isaia 60:18

Obukambwe tibuliwulirwaku kabiri mu nsi yo, era ensi yo terizikirizibwa waire okufuuka ebifulukwafulukwa. Ebimante byo ebikwezungulwire olibyeta ‘Bulokozi bwa Musengwa Katonda,’ n'emiryango gyo waagyeta ‘Kusaaka Musengwa Katonda.’

Isaia 66:19

era naakola akamanhiso nga babona. Abo abaliwonagho ku abo, ndibatuma mu maghanga ni mu biketezo eby'oku nhandha eby'eghala ye batampulirangaku, waire okubona ku kitiisa kyange. Balija baalangirira ekitiisa kyange mu maghanga: e Tarushishi, e Puti, e Ludi eri abakugu mu kulasa obusaale, e Tubali, n'e Yavani.

Yeremia 18:15

Aye abantu bange baaneeyawulaku, baaniokeza obubbaani ebisinzibwa ebitali Katonda. Baajanga bwe beekontola mu nguudo dhe baatambulirangamu okuva eira, baalekerera enguudo enene; baatambulira mu bugira obw'omu nsiko.

Yeremia 4:6

Mughanike bendera nga mugiringiriiza e Sioni, mulumuke mwewonie aghazira kugayaala naire; kuba Musengwa Katonda aja kuleeta akabi n'okuzikirira okunene einho, okuva ku luuyi olw'omukono omugooda olw'e buvandhuba.

Ezekieli 26:2

“Iwe omuntu, mpulira abantu b'e Tiro nga boogera ku Yerusalemu bati, ‘Otyo, Yerusalemu ekyali omulyango ogw'obusuubuzi bw'amaghanga nga bwe bakimenhie ni kifuuka ebifulukwa, buti niife twize mu kifo kyakyo, tukombaghale.’

Matayo 22:9

Kale ni muje eyo mu maagaanana, be munaayagaana boonaboona mubeete ku mbaga.’

Abaheburayi 12:13

Mutambulirenga mu ngira enkalamu, aghenhera alobe kulemalira irala aye awone.