Isaia 61:9 - Baibuli Ekibono kya Katonda 2014

⁹ Abaana baibwe balimanhikana mu maghanga, n'abaidhukulu baibwe baaba bamanhifu mu bantu boonaboona. Buli muntu anaababonanga alimanha ng'abo n'abantu, nze Musengwa Katonda be mpaire enkabi.”

Isaia 61:9 ပူးပေါင်းရင်းမြစ်များ

Amainhama 22:18

Mu baidhukulu bo, amaghanga goonagoona ag'oku nsi mwe galigheerwa enkabi, kuba ogondeire ekiragiro kyange.”

Amainhama 30:27

Labani yaamukoba ati: “Nganha nkukobere nti naja naalagulwa, bankobera bati Musengwa Katonda yampa enkabi olwa iwe.

Zabbuli 115:14

Nsaba Musengwa Katonda mwenamwena abaghe eizaire, imwe n'abaana baimwe.

Isaia 43:5

Otatya, kuba nze ndi ghalala n'iwe. Ndisoloza abantu bo nga mbatoola e buvandhuba n'e bugwandhuba, naabaiza ghalala.

Isaia 44:3

Ndireeta amaadhi gaagwa mu nsi eziramu waire itondo lya maadhi, era naata emiiga mu itaka eryakala. Ndireeta omwoyo gwange gwaika ku baana baimwe, era naayugha enkabi dhange ku baidhukulu baimwe.

Isaia 53:10

Musengwa Katonda akoba ati: “Ninze namuleetera okumunuubulanuubula, era naamuleetera okwetwika obughafu bwaimwe; kuba bw'aghaayo obulamu bwe ng'ekigheebwayo olw'ebibi, alibona abaidhukulu abamusimukamu, yaayongera ku nnaku dhe edh'oku nsi. Olwo bye nhenda byaba nga bituukirizibwa mu oyo.

Isaia 65:23

Emirimo gye balikola tibalidaagira bwereere. N'abaana be balizaala tibalituukibwaku kabi naire kuba nze Musengwa Katonda mwene ndibagha enkabi ghalala n'eizaire lyaibwe.

Isaia 66:22

“Ng'eigulu eiyaaka n'ensi empyaka bye ndikola bwe birisigalagho mu maiso gange, n'eizaire lyaimwe lityo bwe lirisigalagho era n'eriina lyaimwe lyona lyasigalagho.

Yeremia 31:7

Musengwa Katonda akoba ati: “Mwembe n'amaani nga musagamba ku lwa Isiraeli. Mukubire emizira eighanga erisinga agandi goonagoona obukologho. Mwembe olwembo lwaimwe olusaaka, mulangirire muti, ‘Musengwa Katonda alokoire abantu be Abaisiraeli abaawonagho.’

Zekaria 8:13

Imwe ab'omu Buyudaaya n'ab'omu Isiraeli, mwali mufuuse ekibono abamaghanga agandi kye baakozesanga okukolima. Aye buti ndidha kubanunula, olwo bakozesenga eriina lyaimwe okusabiranga abantu enkabi. Kale mutatya naire, mugume bugume.”

Malaki 3:12

Olwo abantu b'omu maghanga goonagoona balibeetanga ab'enkabi, kuba ensi yaimwe eriba yeesiimisa okubaamu.”

Okubala 22:12

Aye Katonda yaakoba Balaamu ati: “Otaja nabo, era otakolimira bantu Baisiraeli bale, kuba bali n'enkabi.”

Ebikolwa by'Abatume 3:26

Agho ni, Katonda bwe yalonda Omwana we, yasooka kumutuma ye imwe abaghe enkabi nga buli mulala akyuka yaaleka ebibi bye.”