Isaia 61:7 - Baibuli Ekibono kya Katonda 2014

⁷ Mulibanga mu nsi eyaimwe ku bwaimwe, obukombe bwaimwe bweyongerangaku obungi bwa mikuzi ebiri, mu kifo kyaimwe okwira agho okugemwanga obw'ensoni n'okunhoomebwa. Era eisanhu lyaimwe liribangagho ebyanda n'ebyanda.

Isaia 61:7 ပူးပေါင်းရင်းမြစ်များ

2 Bakyabazinga 2:9

Bwe baamala okusomoka, Eliya yaakoba Elisha ati: “Saba kye mbe nkukolere nga bakaali kuntwala kukuvaaku.” Elisha yairamu ati: “Nkusaba onganhe nfune omugabo gwa mikuzi ebiri ogw'omwoyo gwo.”

Yobu 42:10

Agho Yobu bwe yamala okusabira bakagwa be, Musengwa Katonda yaamwirizaagho obukombe bwe; nga bwe yali nabwo mu mainhama okubyamu emikuzi ebiri.

Zabbuli 126:5

Abo abasiga nga balira amaziga, ka bakungule nga bakuba emizira!

Zabbuli 16:11

Ondholeka engira entuusa mu bulamu; gh'oli n'aghali okusangaala okwidhuvu, mu mukono gwo omusaadha n'omuva okusagamba.

Isaia 35:10

Abo Musengwa Katonda b'alinunula balisituka bairayo e Yerusalemu nga bemba. Baliba mu masanhu era baaba mu kusagamba enaku dhoonadhoona, ng'enaku n'okusinda biwoiregho.

Isaia 40:2

Mwize amaani mu bantu b'omu Yerusalemu. Mubakobe muti mpegaano okudaazibwadaazibwa kukomye, era ebibi byaibwe bisoniyiibwa. Nze Musengwa Katonda namala okubagha ekibonerezo ekibajaamu olw'ebibi byaibwe.”

Isaia 51:11

Abo iwe Musengwa Katonda b'onunwire baliirayo e Yerusalemu nga bemba. Baliba mu masanhu na kusagamba enaku dhoonadhoona, ng'okunakughala n'okusinda biwoiregho.

Isaia 54:4

Leka kutya, kuba toliiramu kuswazibwa kabiri; leka na kutabulwa, kuba ensoni tidhiriiramu kukugema kabiri. Olyerabira ensoni edh'omu buto bwo edh'obutaba mwesigwa, weerabira n'enaku ey'okulekebwa agho otyo nga namwandu.

Isaia 60:15

Walekulirwa agho waakyayibwa, nga ghazira na muntu akubitamu. Aye ndikuleetera buliidho okubonekanga obulungi einho, era waaba kifo kya isanhu ebyanda n'ebyanda.

Isaia 60:21

Abantu bo boonaboona balikolanga ebituufu, era baatwala ensi yaaba yaibwe ebyanda n'ebyanda. Baliba lusaga nze mwene lwe neesimbira era omulimo nze mwene gwe neekolera, nsobole okugheebwanga ekitiisa.

Isaia 65:13

Kale ni, nze Musengwa Katonda nkoba nti, abo abansinza balirya era baanhwa, aye imwe endhala eribaluma n'endiwo yaabagema. Beene balisagamba, aye imwe muliswazibwa.

Zefania 3:19

Mu kiseera ekyo nja kubonereza abo ababatuntuza boonaboona; nja kuwonia abalema, era nsololeze ghalala abo abaatwalibwa mu bunhage. Okubairenga okuswala kwaibwe nja kukufuula kitiisa kyaibwe, era bamanhibwe ensi yoonayoona.

Zekaria 8:12

Baidha kusiganga emere nga bali mu miraala, emizabbibu gibalenga ebibala, eitaka lyeyongerenga okubaaku ebirime, n'amaadhi gagwenga. Ebyo byonabyona ndibigha abantu b'eighanga lino abaawonagho.

Zekaria 9:12

Imwe abali mu bunhage, mwire mu kifo kyaimwe eky'okwewogomamu. Mwire kuba mpegaano muli n'eisuubi. Olwaleero ndi kubakakasa nti ebyaimwe byonabyona ebyayonoonebwa mu kudaazibwadaazibwa kwaimwe, ndibibairizaagho naasinzaagho emikuzi ebiri.

Matayo 25:46

Ng'olwo bano baja ku kibonerezo ekitawaagho, aye abatuufu nga baja mu bulamu obutawaagho.”

2 Ab'e Korintho 4:17

Okudaagadaaga kuno okutonioli era okw'akaseera, kuli kututegekera ekitiisa ekinene era ekitawaagho ekisinga ebintu byonabyona.

Amateeka Agokubiri 21:17

Aye aidha kuganhanga okutwala omwana ow'omukazi omunobe, nga n'omuberi. Olwo aghenga omwana oyo omugabo gwe ogw'emikuzi ebiri, ku bintu bye byonabyona by'ali nabyo. Kuba oyo n'omwana we eyasooka okuva mu maani ge. N'olw'ekyo oyo n'agwaniire ebintu ebiri n'okugheebwa omwana omuberi.”

2 Ab'e Thessalonika 2:16

Musengwa waife Yesu Kurisito mwene, era ni Katonda Lata eyatugonza olw'ekisa kye n'atugha eisanhu eritawaagho n'okusuubira ebirungi,