Isaia 61:4 - Baibuli Ekibono kya Katonda 2014

⁴ Balizimba buyaaka ebifo eby'eira ebyayonooneka, era baizaagho buyaaka ebyo ebyali bifuuse ebifulukwafulukwa. Balirongoosa ebibuga ebyayonoonebwa ni bimala emyaka kamaala nga birekeibwa bw'agho bityo.

Isaia 61:4 ပူးပေါင်းရင်းမြစ်များ

Ezera 9:9

Tuli bairu, aye era Katonda waife tatulekuliire agho mu bwiru bwaife. Atwoleike nga bw'atugonza obutalekera, yaaleetera bakyabazinga b'e Perusia okutugonza, baatulekagho nga tukaali balamu. Olwo tusobole okuzimbira Katonda waife oyo eisinzizo lye eryali lyonooneibwa, era atukuumenga ng'atuwonia abazigu mu Buyudaaya ni mu Yerusalemu.

Zabbuli 46:8

Mwidhe mubone ebikulu Musengwa Katonda by'akoze; mubone ebyewuninkiriza by'akoze ku nsi.

Zabbuli 74:3

Tambula mu kyanhe aghaali eisinzizo, abazigu baife lye baazikiriza ni lisaanagho n'ebyalimu.

Isaia 52:9

Imwe ebifo bya Yerusalemu ebyayonoonebwa, mutimbuke mwembe enhembo; kuba Musengwa Katonda agumiiza abantu be, yaanunula Yerusalemu.

Isaia 58:12

Mulizimba buyaaka ebifo eby'eira ebyayonoonebwa, mwaizaagho emisingi egy'ebyanda eby'eira einho, era mwamanhibwa nga niimwe abaalongoosa ni mwiza obuyaaka endhu edhaayonoonebwa.”

Mika 7:11

Abantu ab'e Yerusalemu, ekiseera kiidha kutuuka musobole okuzimba ekimante okwezunguluza ekibuga kyaimwe. Era agho Yerusalemu kija kugazigha ensalosalo dhaakyo.

Zekaria 1:17

Malaika era yankoba okulangirira nti: “Musengwa Katonda Afuga Amagye akoba ati ebibuga bye biriiramu okuba obukalamu. Era akoba ati aliiramu okuyambanga Yerusalemu, yaakitwala ng'ekibuga ekikye ku bubwe.”