Isaia 61:2 - Baibuli Ekibono kya Katonda 2014

² Yantuma okulangirira nti ekiseera kituuse, Musengwa Katonda agemerwe abantu be ekivunika, era yeesasuulize ku bazigu baibwe. Era yantuma okugumya abo boonaboona abalira olw'okuba mu nnaku.

Isaia 61:2 ပူးပေါင်းရင်းမြစ်များ

Isaia 1:24

Kale ni Musengwa Katonda Afuga Amagye, Katonda oyo owa Isiraeli Aghanga Ebintu Byonabyona, akoba ati: “Ha, imwe abazigu bange ndidha kubamaliraku obusungu bwange, era mbeesasuulizeeku imwe abantakania.

Isaia 13:6

Muwowoole amaziga kuba olunaku lwa Musengwa Katonda luli kumpi; olunaku oyo Aghanga Ebintu Byonabyona lw'alireeteraku okuzikirira.

Isaia 2:12

Kuba ghaligho olunaku, Musengwa Katonda oyo Afuga Amagye lw'aliikizaaku ghansi, abo abeekuluntaza ni beebona nga ba ghaigulu, n'abo abeekudumbaza ni beegulumiza.

Isaia 25:8

Musengwa Katonda alizikiriza okufa kwasaaniragho irala ebyanda n'ebyanda. Alyeya abantu be boonaboona amaziga, yaatoolagho n'okuswazibwa kwe baali nakwo mu nsi yoonayoona. Musengwa Katonda oyo mwene n'ayogeire.

Isaia 34:2

Musengwa Katonda asungughaliire amaghanga goonagoona, yaasungughalira n'amagye gaago goonagoona, era yaagaghaayo y'abazigu bagazikirize goonagoona.

Isaia 34:8

Ekyo n'ekiseera Musengwa Katonda ky'alyesasuuliza ku bazigu ba Sioni, n'ababonereza olw'ebyo bye baakola abantu be.

Isaia 35:4

Mukobe abo abawoiremu amaani muti: “Mube bagumu, mutatya. Mubone, Katonda waimwe ali kwidha okubalokola, yeesasuulize ku bazigu baimwe ng'ababonereza.”

Isaia 40:1

Katonda waimwe akoba ati: “Mugumye abantu bange, bwenebwene mubagumye.

Isaia 49:8

Musengwa Katonda era akoba abantu be ati: “Ekiseera eky'okusaasiriramu bwe kirituuka ndikusaasira, naakuyamba ku lunaku olw'okulokolwa. Ndikulwanirira naakukuuma, era naabita mu iwe okukola endagaano n'abantu boonaboona. Oliizaagho ensi buyaaka, abantu bairamu okubanga mu biketezo byaibwe ebyazika buti.

Isaia 51:12

Musengwa Katonda era akoba ati: Nze mwene, ninze mbagumya mu bizibu, kale lwaki mutya abantu obuntu, abalifa ni bawaagho ng'oti isubi?

Isaia 57:18

“Waire namala ira okubona nga bwe beebisa obubi, aye era ndibakyusa naabawonia, naabakulemberamu, era ebibi byaibwe naabisasulamu ebirungi olwo naasangula amaziga g'abo abalira.

Isaia 58:5

Mulowooza muti okwo n'okusiiba nze kwe nhenda ku lunaku omuntu lw'agwaine okwewombeekeraku einho? Muja mwakotesa emitwe ng'oti n'ekitoogo bwekikoteka. Era mweyalira ekutiya mu ivu, mwadhirambaalaku, okwoleka nga bwe munakughaire. Obwo ekyo kye mweta okusiiba ku lunaku nze Musengwa Katonda lwe nsiima?

Isaia 60:10

Musengwa Katonda akoba Yerusalemu ati: “Ab'amaghanga agandi balizimba ebimante byo ebikwezungulwire, ni bakyabazinga baibwe baakugheereza. Nze nakubonereza nga ndiku obusungu, aye mpegaano nkugemeirwa ekivunika, naakusaasira.

Isaia 66:14

Ekyo mulikibona mwasagamba mu myoyo ni mu mibiri, mwairamu obulamu n'amaani. Era kirimanhikana nga nze Musengwa Katonda nhamba abagheereza bange abampulira, aye naasungughalira abazigu bange.”

Yeremia 31:13

Abaghala balisangaala baakina, n'abasaadha abakulu n'abato baasagamba. Ndibagumya, naabaleetera okuseka enseko mu kifo ky'okulira amaziga, naabaleetera eisanhu mu kifo ky'enaku.

Yeremia 46:10

Luno n'olunaku lwa Musengwa Katonda afuga Amagye, olunaku olw'okwesasuuza nga yeesasuuliza ku bazigu be. Empiima ye eja kubalya eigute, era enhwe omusaayi gwaibwe okutuusa ku nkooye; kuba Musengwa Katonda oyo Afuga Amagye aja kubaghaayo ng'oti musengo, ere mu nsi eri ku luuyi olw'omukono omugooda olw'e buvandhuba kumpi n'omwiga Eufurate.

Mika 3:8

Aye nze, Musengwa Katonda andidhwiza omwoyo gwe, era yampa amaani n'obutatya, okukobera Abaisiraeli omuntu bw'agwaine okubisibwa mu butuufu, era n'okubakobera ebibi bye bakola.

Matayo 5:4

Ba nkabi abagegenga, kuba balyesiima.

Luka 4:19

n'okulangirira omwaka gwa Musengwa ogw'okulokolwa.”

Luka 6:21

Muli ba nkabi abayala buti, kuba muliigusibwa. Muli ba nkabi abagegenga buti, kuba mulisangaala.

2 Ab'e Korintho 6:2

Katonda akoba ati: “Nakuwulira mu kiseera kyange eky'okukugemerwa ekisa, era naakubeera ku lunaku lwange olw'okukulokola.” Bona eno! Kino n'ekiseera eky'okugemerwaku ekisa, olwaleero n'olunaku olw'okulokolebwa.

1 Ab'e Thessalonika 2:16

nga batwekiika emberi tulobe kukobera abamaghanga agandi ebibono eby'okubalokola. Ekyo buliidho kyaidhuuliriza ebibi bye bakola. Aye ekiviire mu ebyo ni Katonda okubamaliraku ekiruyi kye.