Isaia 60:8 - Baibuli Ekibono kya Katonda 2014

⁸ Ebyo biki ebiri kuseeyeeya ng'oti bire, era ebiri kuguluka ng'oti njiibwa edhiri kwira mu bisu byadho?

Isaia 60:8 ပူးပေါင်းရင်းမြစ်များ

Isaia 45:22

Imwe abantu b'ensi yoonayoona okuva y'eva okutuuka y'ekanga, mukyuke mwire ye ndi mbalokole, kuba ninze Katonda zenka, ezirayo wundi.

Isaia 49:21

Agho olyebuuza mule oti, ‘Naani eyanzaalira abaana bano boonaboona? Nze nafiirwa abaana, naasigalagho mulala ati ng'oti n'ole atazaalangaku, era abazigu bantoolagho, bantwala mu bunhage. Kale, naani eyaleeta abaana bano, ate nga bwenebwene nze naasigalagho mulala nti? Abaana bano baava gha.’ ”

Isaia 60:4

Weezunguluze amaiso obone, abantu boonaboona nga bwe bali kwesololeza aghalala nga baidha y'oli. Batabane bo baliva eghala eyo baidha; ni baghala bo balibabbeeda baabaleeta y'oli.

Hosea 11:11

Baliidha nga baziinhuuka ng'oti nhonhi nga bava mu Misiri, nga baziinhuuka ng'oti ighemba nga bava mu Assiria. Era ndibaizaayo mu maka gaibwe. Nze Musengwa Katonda, ninze nkobye.”

Luka 13:29

Eriyo abaliva ku luuyi olw'e buvandhuba n'olw'e bugwandhuba abaliva ku luuyi olw'omukono omugooda olw'e buvandhuba ni ku luuyi olw'omukono omusaadha olw'e buvandhuba, baatyama ku mbaga mu Bwakyabazinga bwa Katonda.

Abaheburayi 12:1

Kale twena nga bwe tuli n'abadhulizi kamaala batyo abatwezungulwire, tusuule ere kiisi kintu ekituzitoogherera era n'ekibi ekitwesibyeku. Tungire n'obumalirivu mu ntaka edh'okulumuka edhiteereibwagho,

Okwolekebwa 7:9

Ebyo bwe byawa, naabona eikuukuubira ery'abantu abatabalika nga bava mu maghanga goonagoona, ni mu bika byonabyona, ni mu nse dh'abantu dhoonadhoona, ni mu nnimi dhoonadhoona. Baali nga beemereire gha mberi gh'ekityamo eky'obwakyabazinga, ni mu maiso ag'Entaama Ento, nga bavaire ebivaalo ebyeru era nga bagemye n'ensansa.