Isaia 60:5 - Baibuli Ekibono kya Katonda 2014

⁵ Olibona ekyo waasangaala; omwoyo gwakupakukapakuka olw'eisanhu. Kuba obukombe obw'amaghanga balibukuleetera; ebintu ebingi einho baabibisa ku nhandha byafuuka bibyo.

Isaia 60:5 ပူးပေါင်းရင်းမြစ်များ

Zabbuli 119:32

Ndidha kwangughangaku okukola ng'ebiragiro byo bwe binkoba, ng'ogaziiya okutegeera kwange.

Zabbuli 34:5

Abo abadaazibwadaazibwa oyo ye beesiga era baasangaala, taja kubaleka kuswala.

Isaia 23:18

Ebirivanga mu kusuubula kwakyo, balibighangayo byaba bya Musengwa Katonda. Abantu abasinza Musengwa Katonda balibikozesanga okugula emere n'engoye bye beetaaga, mu kifo ky'okubitereka ni byebunga obwa agho.

Isaia 54:2

Kola ogaziye weema yo, ogaziye n'ensuubo dhaamu, oleeye n'emigugha gyayo, era onhweze n'enkondo dhaayo.

Isaia 60:11

Emiryango gyo giidha kubanga miigule, tigiidha kwigalwanga omusana n'obwire. Olwo abantu basobole okukuleeteranga obukombe bw'amaghanga gaibwe, nga bakyabazinga baibwe beene n'ababakulembeiremu mu nhiriri.

Isaia 61:6

Aye imwe, abantu balibeetanga bakabona ba Musengwa Katonda, era abagheereza ba Katonda waife. Mulikozesanga obukombe bw'amaghanga, bwabaleeteranga imwe okuteebwamu ekinhagansi.

Isaia 66:12

Musengwa Katonda akoba ati: “Bona, ndireetera ebirungi okuba mu Yerusalemu ebingi einho, nga bikuuluula bukuuluule ng'oti mwiga. Obukombe obw'amaghanga buliyoolookera omwo ng'oti n'omwiga ogwidhwire ni gubanda n'okubanda. Era imwe mulirabirirwa ng'oti mwana mughere inhina y'ayonsa, n'amulera era n'amutenga ku mubiri.

Yeremia 33:9

Ekibuga kino Yerusalemu kirindeetera eisanhu n'ekitiisa era kyaneesiimisa. Amaghanga goonagoona ag'omu nsi galitya era gaadhugumira nga baboine nga bwe nkolera abantu b'omu Yerusalemu ebirungi, era nga bwe mbaleetera ebintu okubajiira obukalamu.”

Hosea 3:5

Aye mu biseera eby'oluvainhuma abantu bange Abaisiraeli balikyuka, kabiri baira eri Musengwa Katonda waibwe n'eri Daudi kyabazinga waibwe. Baliiramu okutya Musengwa Katonda oyo, era baafunanga ebirungi ebiva y'ali.

Matayo 25:16

Eyafuna talanta eitaanu yaja mangu ago yaadhisuubuza, yaazaazaamu talanta edhindi itaanu.

Ebikolwa by'Abatume 10:45

Abakekete abaikiriza, boonaboona abaidha ni Petero okuva e Yoppa baayasaamirira, kuba n'abamaghanga agandi boona Katonda yabagha ekirabo ekya Mwoyo Mutukuvu.

Ebikolwa by'Abatume 11:17

Kale ni oba nga Katonda yabagha ekirabo n'ekirala nga twena bwe yakitugha bwe twaikiriza Musengwa Yesu Kurisito, ninze ani eyandighanze okulobera Katonda.”

Ebikolwa by'Abatume 24:17

“Nga ghabiseeghooku emyaka, naidha okuleetera ab'omu ighanga lyange obuyambi n'okughaayo ebirabo.

Ab'e Roma 11:25

Aboluganda, nhenda mumanhe ekyama kino mulobe kwesuuta kuba bagezi, kuba abandi ku Baisiraeli baidha kusigala nga bakalangafu ba myoyo okutuusa omughendo ogw'abamaghanga agandi lwe gulimala okwidha ye Katonda.

Ab'e Roma 15:26

kuba ab'omu Bikunsu by'Abaikiriza mu Kurisito eby'e Makedonia n'eby'omu Akaia, baasiima ku bwaibwe okuyamba abantu ba Katonda abaavu abali mu Yerusalemu.

2 Ab'e Korintho 10:15

Kale titwesaaka kusinga ghaatugererwa, ni twingira na mu mulimo gwa bandi, aye tusuubira tuti ng'okwikiriza kwaimwe bwe kuja nga kweyongera, era n'omulimo gwaife mu imwe bwe gunaaja nga gweyongera okugazigha, nga buliidho twekuumira agho aghaatugererwa.

Amateeka Agokubiri 33:19

Baidha kwetanga abamaghanga agandi ku lusozi lwaibwe, bagheerenga eyo emisengo emituufu. Baidha kufunanga eby'obukombe mu nhandha, ni mu musenho ku bukalu bw'enhandha.”

Okwolekebwa 21:24

Abantu abamaghanga goonagoona banaatambuliranga mu butangaavu bwakyo, era bakyabazinga ab'oku nsi banaaleetangamu eby'obukombe byaibwe.

Okwolekebwa 21:26

Ekitiisa n'eby'obukombe eby'amaghanga goonagoona birireetebwa mu kibuga ekyo.

1 Samueli 2:1

Hanna yaasaba ng'akoba ati: “Ndi kusagamba olwa Musengwa Katonda ky'ankoleire, Musengwa Katonda andhiziizaamu amaani. Nsekerera abazigu bange, naasagamba kuba iwe Musengwa Katonda omponiiza.