Isaia 60:3 - Baibuli Ekibono kya Katonda 2014

³ Amaghanga galiidha eri obutangaavu bwo, ni bakyabazinga baidha eri okumesunkana kwo.

Isaia 60:3 ပူးပေါင်းရင်းမြစ်များ

Amainhama 49:10

Yuda n'anaagemanga omwigo ogw'obwakyabazinga, era baidhukulu be n'abanaafuganga, okutuusa mwene bwakyabazinga lw'aliidha. Era oyo abantu ye banaawuliranga.

Zabbuli 102:16

Musengwa Katonda bw'alizimba Sioni n'akiizaagho alyoleka ekitiisa kye.

Zabbuli 102:22

ng'abantu beesoloiza okuva mu bwakyabazinga obw'endhawulo n'ensi edh'endhawulo, okusinza Musengwa Katonda.

Zabbuli 138:4

Wo Musengwa Katonda, bakyabazinga boonaboona ab'oku nsi baidha kukusaakanga, kuba baawulira bye wakoba.

Zabbuli 2:10

Agho ni imwe bakyabazinga muwulire okulabulwa kuno, era imwe abafuzi ab'oku nsi mwege.

Zabbuli 22:27

Okuva ku ndhuyi dhoonadhoona edh'ensi amaghanga galiidhukira Musengwa Katonda. Galikyuka gaira y'ali; ebika byonabyona birimusinza;

Zabbuli 68:29

ng'oli mu isinzizo lyo e Yerusalemu bakyabazinga ye bakutonerera ebirabo.

Zabbuli 72:11

Bakyabazinga boonaboona beeyale mu maiso ge; abantu abamaghanga goonagoona babe bagheereza be.

Isaia 11:10

Olunaku lwidha kutuuka, oyo asimuka mu Yesse abe akamanhiso eri amaghanga. Amaghanga ago galyesolokeza gh'ali, era ekifo mw'alifugira kiriba kya kitiisa.

Isaia 42:6

“Nze Musengwa Katonda nakweta oleetere abantu okukolerwanga eby'amazima ebibagwaniire. Nakugema ku mukono naakukuuma. Era ndibita mu iwe naakola endagaano n'abantu boonaboona, era naaleetera amaghanga goonagoona obutangaavu.

Isaia 45:14

Musengwa Katonda era akoba Isiraeli ati: “Obukombe bwa Misiri n'ebintu by'Ethiopia eby'okusuubula birifuuka bibyo. N'abantu b'e Seba abawaigufu balifuuka bairu bo, baakunonereza nga bali ku ndhegere, era baidha y'oli okukukubira amakiryaivu nga baatula bati, ‘Bwenebwene Katonda ali n'iwe wenka, era oyo ni Katonda yenka, ezirayo wundi.

Isaia 45:22

Imwe abantu b'ensi yoonayoona okuva y'eva okutuuka y'ekanga, mukyuke mwire ye ndi mbalokole, kuba ninze Katonda zenka, ezirayo wundi.

Isaia 49:12

Mubone eno, abantu bange baliva ghala eyo: abandi baliva ku luuyi olw'omukono omugooda olw'e buvandhuba, abandi baava e bugwandhuba, n'abandi baava mu kiketezo ky'e Sinimu.’

Isaia 49:23

Bakyabazinga balibalabirira imwe ng'oti ni baiseimwe beene, ni bainhebantu ba bakyabazinga abo baabalabirira ng'oti ni bainhaimwe beene.” Balibakubira amakiryaivu, baakutama n'ebyeni byatuuka ku itaka, baakomba enkungu ku bigere byaimwe. Olwo mwamanha nga ninze Musengwa Katonda era mwamanha muti abaneesiga tibaliswazibwa.

Isaia 56:8

Musengwa Katonda, oyo asoloza abantu be Abaisiraeli abaabingibwa mu nsi yaibwe, akoba ati alisolozaayo n'abandi, boona baidha beeyongera ku abo abaamala eira okusolozebwa.

Isaia 60:10

Musengwa Katonda akoba Yerusalemu ati: “Ab'amaghanga agandi balizimba ebimante byo ebikwezungulwire, ni bakyabazinga baibwe baakugheereza. Nze nakubonereza nga ndiku obusungu, aye mpegaano nkugemeirwa ekivunika, naakusaasira.

Isaia 60:16

Amaghanga ni bakyabazinga balikulabirira ng'oti n'inhina w'omwana bw'amulabirira. Era olimanha nga ninze Musengwa Katonda Omulokozi wo era Omununuzi wo, Katonda Owamaani owa Isiraeli.

Isaia 62:2

Yerusalemu, amaghanga galibona bw'onunwirwa, ni bakyabazinga boonaboona baabona ekitiisa kyo. Olituumibwa eriina eiyaaka, Musengwa Katonda mwene ly'alikugha.

Isaia 66:12

Musengwa Katonda akoba ati: “Bona, ndireetera ebirungi okuba mu Yerusalemu ebingi einho, nga bikuuluula bukuuluule ng'oti mwiga. Obukombe obw'amaghanga buliyoolookera omwo ng'oti n'omwiga ogwidhwire ni gubanda n'okubanda. Era imwe mulirabirirwa ng'oti mwana mughere inhina y'ayonsa, n'amulera era n'amutenga ku mubiri.

Amosi 9:12

Olwo Abaisiraeli baghangule ebiketezo by'ensi Edomu ebisigairegho, ghalala n'amaghanga agandi goonagoona agaali gamanhiibwa nga gange, nga gafugibwa Baisiraeli.” Atyo Musengwa Katonda bw'akoba, aja okutuukiriza ekyo.

Zekaria 2:11

Mu kiseera ekyo, abantu abamaghanga kamaala baliidha ye Musengwa Katonda baafuuka bantu be. Musengwa Katonda alibanga ghalala n'imwe, era imwe mulimanha nga oyo n'eyantuma ye muli.

Matayo 28:19

Kale ni muje mu maghanga goonagoona, abantu mubafuule beegeresebwa, nga mubabatiza mu liina lya Lata n'erya Mwana, n'erya Mwoyo Mutukuvu

Luka 24:47

era nti okwenenia n'okusoniyibwa ebibi, biri n'okukoberwa amaghanga goonagoona mu liina lye, okuviira irala ni mu Yerusalemu.

Yoanne 12:32

Bwe ndighanikibwa okuva ku nsi abantu boonaboona ndibaseesa ye ndi.”

Ebikolwa by'Abatume 13:47

kuba ekyo Musengwa kye yatulagira, bwe yatukoba ati, ‘Nkutairegho obe ekimuliikirira eri abamaghanga agandi, obe obulokozi bw'ensi yoonayoona.’ ”

Ebikolwa by'Abatume 15:17

Abantu abandi boonaboona n'abamaghanga agandi boonaboona, be nayeta okuba abantu bange, basobole okunoonia Musengwa.

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”

Okwolekebwa 21:24

Abantu abamaghanga goonagoona banaatambuliranga mu butangaavu bwakyo, era bakyabazinga ab'oku nsi banaaleetangamu eby'obukombe byaibwe.