Isaia 60:22 - Baibuli Ekibono kya Katonda 2014

²² N'amaka agasingayo obutono galifuuka ekika ekiramba, era ekika ekisembayo obutono kirifuuka eighanga ery'amaani. Nze Musengwa Katonda ekyo ndikireetera okwangugha okubaagho, ng'ekiseera kyakyo kimaze okutuuka.”

Isaia 60:22 ပူးပေါင်းရင်းမြစ်များ

Isaia 10:22

Waire nga mpegaano Abaisiraeli bali kamaala ng'oti n'omusenho bwe guba ku mbali okw'enhandha, aye batono abaliwonagho ni baira. Katonda yasalagho bazikirizibwe, ng'ekyo n'ekibagwaniire.

Isaia 5:19

Bakoba bati: “Musengwa Katonda atere ayanguyeeku by'akola tusobole okubibona; Omutukuvu wa Isiraeli oyo akole mangu by'ategeka tusobole okubimanha.”

Isaia 51:2

Mulowooze ku Aburahamu ni Sara, badhaadha baimwe abo imwe mwe mwasimuka. Ghe nayetera Aburahamu oyo yali aziraku mwana, naamugha enkabi yaazaala abaana, naamuleetera okuba n'abaidhukulu kamaala.

Isaia 66:8

Naani eyaali awuliireku ekintu ng'oti n'ekyo, era naani eyaali akiboineku? Ensi esobola okuzaalibwagho mu lunaku olulala luti? Eighanga lisobola okumerukagho mu kaseera obuseera? Aye Sioni yali yaakalumwa ati, ng'azaala abaana be.

Danieli 2:35

Agho mu kiseera kyene ekyo, ekyuma ekigumu einho, n'eitosi, n'ekyuma eky'ekikomo, ni feeza, ni zaabu, byonabyona byamanhiangukira ghalala. Byafuuka ng'oti musinsi oguba mu bifo aghakubirwa engaano mu biseera eby'ekyeya. Empewo yaabifuuwa okubimaliriragho, ghaabulagho n'akamanhiso akalaga nga bibaireghooku. Aye eibaale eryakuba ekiwumbe ekyo lyafuukamu olusozi olukologho olwabuna ensi yoonayoona.

Danieli 2:44

Mu biseera eby'abafuzi abo, Katonda ow'eigulu alitaagho obwakyabazinga nga ghazira kisobola kubuzikiriza, era ng'ezira ighanga lisobola kubaghangula. Aye bulimaniangula obwakyabazinga obundi bwonabwona bwabusaaniagho, bwene bwabaagho ebyanda n'ebyanda.

Mika 4:7

Waire nga balema era nga baatwalibwa eghala einho okuva ewaibwe, ndidha kubafuula bakaawonagho era mbafuule eighanga ery'amaani. Era nze Musengwa Katonda mwene, ndidha kubafugiranga ku lusozi Sioni okuva n'olwo okutuusa ebyanda n'ebyanda.”

Habakkuku 2:3

Bighandiike kuba ekiseera kyabyo eky'okutuukirizibwa kikaali. Aye nga kiri kwidha mangu, era bye ndi kukwoleka biri n'okubaagho. Ni bwebiboneka okuba ng'oti biidha mpola, era biteegerere. Tibiriroba kubaagho, era biryangughaku.

Luka 18:7

Memale obwo Katonda bw'atalitawulula abalonde be abamusaba omusana n'obwire? Mbo bw'alirwa okubayamba?

Ebikolwa by'Abatume 2:41

Abo abaasangaalira ebibono bye, baabatizibwa, era ku lunaku olwo, ku baikiriza kweyongeraku abantu ng'enkumi isatu.

Ebikolwa by'Abatume 5:14

Aye abaikiriza mu Musengwa, abasaadha n'abakazi, baaja nga beeyongera.

Abaheburayi 10:36

Mwetaaga okuguminkiriza, memale musobole okukola Katonda ky'ayenda, n'okugheebwa ekyasuubizibwa.

2 Petero 3:8

Aye bakagwa, muteerabira nga mu maiso ga Musengwa olunaku olulala, n'emyaka olukumi (1,000), byaga, ghazira ndhawulo.

Okwolekebwa 7:9

Ebyo bwe byawa, naabona eikuukuubira ery'abantu abatabalika nga bava mu maghanga goonagoona, ni mu bika byonabyona, ni mu nse dh'abantu dhoonadhoona, ni mu nnimi dhoonadhoona. Baali nga beemereire gha mberi gh'ekityamo eky'obwakyabazinga, ni mu maiso ag'Entaama Ento, nga bavaire ebivaalo ebyeru era nga bagemye n'ensansa.