Isaia 60:21 - Baibuli Ekibono kya Katonda 2014

²¹ Abantu bo boonaboona balikolanga ebituufu, era baatwala ensi yaaba yaibwe ebyanda n'ebyanda. Baliba lusaga nze mwene lwe neesimbira era omulimo nze mwene gwe neekolera, nsobole okugheebwanga ekitiisa.

Isaia 60:21 ပူးပေါင်းရင်းမြစ်များ

2 Samueli 7:10

Ntegekeire abantu bange Abaisiraeli ekifo, mbate omwo babenga mu kifo ekyo nga kyaibwe ku bwaibwe, ghalobe kubaagho ekibatabula kabiri. Abantu ababi tibaja kwirayo kubadaazadaaza,

Zabbuli 37:11

Aye abo abawombeefu balitwala ensi, era baaba miraala ng'ebintu bibajiira bukalamu.

Zabbuli 37:18

Musengwa Katonda alabirira abaziraku musango, era omugabo gwaibwe gwa kutwala nsi ebyanda n'ebyanda.

Zabbuli 37:22

Abo Musengwa Katonda be yagha enkabi dhe baja kutwala ensi, aye abo be yakolimira baja kuwaagho.

Zabbuli 37:29

Abatuufu baja kutwala ensi era bagibeeku ebyanda n'ebyanda.

Zabbuli 92:13

Bali ng'oti n'emiti egyasimbwa mu ndhu ya Musengwa Katonda, era bakula bukalamu mu isinzizo lya Katonda waife.

Isaia 19:25

Musengwa Katonda Afuga Amagye alidhigha enkabi ng'akoba ati: “Misiri eighanga lyange, ni Assiria nze mwene lye natonda, ni Isiraeli lye nalondamu okuba eryange, gagheebwenga enkabi.”

Isaia 24:16

Tuliwulira enhembo okuva ensi y'ekoma nga dhisaaka ekitiisa ky'oyo Omutukuvu. Aye nze nkoba nti nga nkagwireku! Ndi kuseenena buseenene mwoyo era naagoogomba naawaagho. Abantu ab'enkwe baba bwa mukusalira banaibwe nkwe. Era enkwe dhaibwe dheeyongera bweyongere okuba embi.

Isaia 26:2

Mwigulegho emiryango gyakyo, muleke abantu ab'eighanga eryesiga Katonda baingire, abantu abo abakola ebituufu.

Isaia 29:23

Bwe mulibona ku ebyo bye ndibakolera, ni mubona ku baana be ndibagha, muligulumiza eriina lyange, mwayatula nga bwendi Omutukuvu wa Yakobo, era mwantaamu ekitiisa nze Katonda wa Isiraeli.

Isaia 43:21

Abo n'abantu bange, nze mwene be neeteeragho, bansaakenga.”

Isaia 43:7

Abantu abo boonaboona bange ku bwange, era beetebwa liina lyange. Ekyabantondesa ni mbataagho, n'okumpeesanga ekitiisa.”

Isaia 44:23

Iwe eigulu yemba, kuba Musengwa Katonda n'akoze ekyo. Imwe ebitundu ebiri eyo ghansi mu itaka, muleekaane. Imwe ensozi n'emiti gyonagyona egy'omu bibira, mwembe, kuba Musengwa Katonda yanunula baidhukulu ba Yakobo, era alyoleka ekitiisa kye mu Baisiraeli abo.

Isaia 45:11

Musengwa Katonda Omutukuvu wa Isiraeli era omutonzi we, akoba ati: “Imwe muzira bukumu bwa kumbuuza ebigema ku baana bange, waire okundagira eky'okukola.

Isaia 45:24

Balikoba bati mu nze Musengwa Katonda mwonka n'omuli obutuufu n'amaani. Aye abo boonaboona abankyagha, ensoni dhiribagema baaswazibwaswazibwa.

Isaia 45:25

Mu nze Musengwa Katonda, eizaire lyonalyona erya Isiraeli mwe lirifunira obughanguzi n'ekitiisa.”

Isaia 45:8

Iwe eigulu, toonhesa obutuufu buve ku igulu ng'oti maadhi, era ensi eyasame ebumire, bumerukemu eidembe n'amazima, bibe ku nsi. Nze Musengwa Katonda ninze ndidha okuleetera ekyo okubaagho.”

Isaia 49:3

Era yankoba ati: “Isiraeli, n'iwe omugheereza wange ye ndyolekeramu ekitiisa kyange.”

Isaia 51:2

Mulowooze ku Aburahamu ni Sara, badhaadha baimwe abo imwe mwe mwasimuka. Ghe nayetera Aburahamu oyo yali aziraku mwana, naamugha enkabi yaazaala abaana, naamuleetera okuba n'abaidhukulu kamaala.

Isaia 52:1

Iwe Sioni situka, situka oiremu obe wa maani. Iwe Yerusalemu ekibuga ekitukuvu, vaala ebivaalo byo ebiboneka obulungi; kuba bale abatatya Katonda n'abatali balongoofu tibakairayo kwingira mu iwe.

Isaia 54:17

Aye tighalibaagho bya kulwanisa bye baligheesa birisobola kukulumya. Era kiisi aliwoza n'iwe olimusinga. Ndidha kulwaniriranga abagheereza bange, era mbaleeterenga okughangula.” Musengwa Katonda atyo bw'akoba.

Isaia 57:13

Kale ni bwe munandiriranga mbayambe, ebisinzibwa byaimwe ebyo bye musoloza n'ebibe bibawonienga. Aye empewo obuwewo eribifuumuula yaabitwala. Ate nga abo abaneesiga nze, n'abalitwala ensi yaaba yaibwe era bansizizanga ku lusozi lwange olutukuvu.”

Isaia 61:11

Bwenebwene ng'eitaka bwe limeza ebimera, era ng'enimiro bw'ekuza bye bagisimbyemu, ni Musengwa Katonda atyo bw'alireetera obutuufu okumeruka mu bantu be, amaghanga goonagoona gaamutaamu ekitiisa.

Isaia 61:3

Era yantuma eri abo abali mu Sioni, mbavaaze engule ku mitwe gyaibwe mu kifo ky'eivu lye beebbaase. Era mbaleetere okusangaala mu kifo eky'okunakughala, mbaleetere n'olwembo olw'okusaaka mu kifo eky'okuba mu bughafu. Olwo babe ng'oti n'emiti emikologho Musengwa Katonda mwene gye yeesimbira; era bakolenga ebituufu ebireetera Musengwa Katonda oyo okugheebwa ekitiisa.

Isaia 61:7

Mulibanga mu nsi eyaimwe ku bwaimwe, obukombe bwaimwe bweyongerangaku obungi bwa mikuzi ebiri, mu kifo kyaimwe okwira agho okugemwanga obw'ensoni n'okunhoomebwa. Era eisanhu lyaimwe liribangagho ebyanda n'ebyanda.

Isaia 62:4

Toliiramu kabiri kwetebwa “Eyalekulirwa agho,” oba ensi yo okwiramu okwetebwa “Ekifulukwafulukwa.” Aye olyetebwa “Eyasiimibwa,” n'ensi yo yaayetebwa “Mufumbo”; kuba Musengwa Katonda akusiima, era ensi yo eriba ng'omukazi omufumbo.

Isaia 64:8

Wo Musengwa Katonda, aye iwe niiwe Iseife. Ife tuli ng'eitosi eriwumba, ate iwe waaba ng'omuwumbi. Twenatwena niiwe watukola n'engalo dho.

Isaia 65:9

Nditaagho ku baidhukulu ba Yakobo n'aba Yuda, baatwala ensi eyo erimu ensozi dhange. Abantu bange abo be nalondamu era abagheereza bange abo baligitwala yaaba yaibwe ku bwaibwe, era baagibangamu.

Yeremia 24:6

Ndidha kubalabiriranga, mmale mbaize mu nsi eno. Ndibazimba, mu kifo ky'okubasansula, era naabasimba, mu kifo ky'okubaiwululagho.

Yeremia 32:41

Ndidha kusangaalanga okubakolera ebirungi n'okubaleetera okutyama mu nsi eno nga batereire.

Ezekieli 11:17

“Kale bakobere oti nze Musengwa Katonda nkoba nti, Ndibatoolayo eyo mu maghanga, naabasolozaayo eyo mu nsi ye nabasansaaniza, naabairiza ensi yaibwe Isiraeli.

Ezekieli 34:29

Ndireetera enimiro dhaibwe okuba engimu, naamalagho endhala mu nsi eyo. Era amaghanga agandi tigaliiramu kubavumanga kabiri.

Ezekieli 37:25

Baliba mu nsi ye nagha Yakobo omugheereza wange, ensi badhaadha baibwe mwe baabanga. Beene, n'abaana baibwe, ni baidhukulu baibwe, omwo mwe baliba ebyanda n'ebyanda. Era kyabazinga ali ng'oti n'omugheereza wange Daudi, n'aja okubafuganga ebyanda n'ebyanda.

Ezekieli 47:7

Naabona nga ku mbali ni ku mbali okw'omwiga ogwo kuliku emiti kamaala.

Amosi 9:15

Ndidha kubafuula bataka mu nsi ye nabagha, era ezira aja kubasiguukulula kabiri.” Atyo Musengwa Katonda bw'akoba.

Obadia 1:17

“Aye ku lusozi Sioni eribaayo abaliwonagho era olusozi olwo luliba lutukuvu. Abantu ab'oku nda ya Yakobo baliba n'ensi nga yaibwe ku bwaibwe.

Zefania 3:13

Era abantu abo abaliwonagho mu Isiraeli tibalikola kisobu naire, tibalyogera bya buguya, oba okukozesa olulimi olubuzaabuza. Baidha kubanga bulungi nga bazira kye badhulirira, era nga ghazira kintu kyonakyona kibatiisa.”

Matayo 15:13

Yesu yaabakoba ati: “Buli kisimbe ekitasimbwa Lata wange ow'omu igulu kiriighibwagho.

Matayo 5:5

Ba nkabi abawombeefu, kuba baligheebwa ensi Katonda ye yasuubiza.

Yoanne 15:2

Kiisi lusaga oluli ku nze olutayama alukutulaku, ate kiisi lusaga olwama aluwoolera lwanhirira male lwayama inho.”

Ab'Efeso 1:12

mwe yatulondera. Ife abaasooka okuba n'eisuubi mu Kurisito, tubeegho nga tusaaka ekitiisa kya Katonda.

Ab'Efeso 1:6

Olwo tumusaake olw'okutwoleka ekisa mu kitiisa kye, kye yatugheera mu Mwana we omugonzi ng'ekirabo.

Ab'Efeso 2:10

Kuba ife tuli bitonde bya Katonda, twatondebwa mu Kurisito Yesu tukole ebikolwa ebikalamu Katonda bye yatutegekera okuva eira.

Ab'Efeso 2:7

Yakola ekyo okutwoleka mu byanda ebija okwidha ekisa kye ekitakeruka eri ife, ng'abita mu Kurisito Yesu.

2 Ab'e Thessalonika 1:10

Kino kiribaagho ku lunaku olwo lw'aliidha, abatuukirivu be ni bamugha ekitiisa, ni boonaboona abamwikiriza bamusaaka. Mwena muliba mu abo kuba mwaikiriza ebyo bye twabakobera.

2 Petero 3:13

Aye nga Katonda bwe yasuubiza, tuteegerera eigulu eiyaaka n'ensi empyaka omuliba obutuufu.

Okwolekebwa 21:27

Aye tikiringiramu kintu kitali kirongoofu, waire omuntu akola ebyenhinhalwa oba omuguya, okutoolaku abo bonka abaaghandiikibwa mu kitabo eky'obulamu eky'Entaama Ento.

Okwolekebwa 21:7

Oyo aghangula, alifuna ebyo. Nze ndiba Katonda we, mwene yaaba mwana wange.

Okwolekebwa 5:10

Wabafuula obwakyabazinga era waabafuula bakabona ba Katonda waife ab'okufuga ku nsi.”