Isaia 60:19 - Baibuli Ekibono kya Katonda 2014

¹⁹ Omusana toidha kwetaaganga ndhuba kukumuliikirira, waire obwire okwetaaganga omwezi okukwakira. Nze Musengwa Katonda mwene, ninze nnaabanga eitaala lyo ebyanda n'ebyanda; okumesunkana okw'ekitiisa kyange kunaakwakirangaku.

Isaia 60:19 ပူးပေါင်းရင်းမြစ်များ

Zabbuli 3:3

Ate nga iwe Musengwa Katonda, niiwe engabo mwe neewogoma, niiwe ompeesa ekitiisa, naatambula nga ndi mugumu.

Zabbuli 36:9

Kuba niiwe oli n'ensulo ey'obulamu, era mu butangaavu bwo mwe tubonera obutangaavu bwene.

Zabbuli 4:2

Bantu imwe, mulirekera li okusiiga eriina lyange enziro? Mulirekera li okugonza ebiziramu muganhulo, n'okujiira ku buguya?

Zabbuli 62:7

Katonda yenka n'amponia era yampa ekitiibwa; oyo n'omukuumi wange, ali ng'eibaale eikologho.

Zabbuli 84:11

kuba Musengwa Katonda oyo n'endhuba etumuliikirira ye tuja era n'atuwonia ng'oti ngabo. Atusaasira era yaatugha ekitiisa. Abo abakola by'ayenda ghazira kirungi ky'abaima.

Zabbuli 84:12

Wo Musengwa Katonda Afuga Amagye, nga beesiimye abakwesiga.

Isaia 2:5

Kale ni, imwe baidhukulu ba Yakobo, mwidhe tutambulire mu butangaavu bwa Musengwa Katonda.

Isaia 24:23

Olwo omwezi guligema enzikiiza, n'endhuba yaaloba kwaka; kuba Musengwa Katonda Afuga Amagye n'aliba kyabazinga ku lusozi Sioni ni mu Yerusalemu. Era alyoleka ekitiisa kye eri abakulembeze b'abantu.

Isaia 28:5

Olunaku lwidha kutuuka, Musengwa Katonda Afuga Amagye mwene abe ng'oti n'engule y'ebimuli ey'ekitiisa, eri abantu be abaliwonagho.

Isaia 30:26

Ku lunaku Musengwa Katonda lw'alinhigiraku ebinuubule n'ebibwa by'abantu be, n'abawonia enguma dhe yabataaku, omwezi gulyaka ng'oti ndhuba. Ate okwaka kw'endhuba kulyeyongeramu amaani emikuzi musanvu ng'okwaka okw'omu lunaku olulala kuli ng'oti kwa nnaku musanvu.

Isaia 41:16

Olibisensa, empewo yaabifuumuula yaabitwala, ni kiwunga yaabisansaania. Olwo waasagambira mu nze Musengwa Katonda, era wansaaka nze Omutukuvu wa Isiraeli.

Isaia 45:25

Mu nze Musengwa Katonda, eizaire lyonalyona erya Isiraeli mwe lirifunira obughanguzi n'ekitiisa.”

Isaia 51:11

Abo iwe Musengwa Katonda b'onunwire baliirayo e Yerusalemu nga bemba. Baliba mu masanhu na kusagamba enaku dhoonadhoona, ng'okunakughala n'okusinda biwoiregho.

Isaia 60:1

Iwe Yerusalemu, situka oyake ng'oti ndhuba, kuba obutangaavu bwo butuuse, n'ekitiisa kya Musengwa Katonda kiri kwakira ku iwe.

Isaia 9:2

Abantu abaabanga mu nzikiiza, baboine obutangaavu bungi; abo abaabanga mu nzikiiza eri bedimudimu ng'oti n'ey'e magombe, ekimulika kibaakiire.

Zekaria 2:5

Musengwa Katonda akoba ati mwene n'aliba ekimante eky'omuliro okwezungulula ekibuga ng'akikuuma, era ati mwene n'aliba ekitiibwa ky'ekibuga ekyo.”

Zekaria 2:9

“Mubone eno, nze Musengwa Katonda mwene ninze ndibalwanisa imwe, naabaghaayo mu ngalo edh'abaali abagheereza baimwe, era baabanhagulula.” Ebyo bwe birimala okubaagho, mulimanha nga Musengwa Katonda Afuga Amagye n'eyantuma.

Luka 2:32

Ekimulika eky'okumulisa amaghanga ekitiisa, eky'abantu bo Abaisiraeli.”

Amateeka Agokubiri 10:21

Mumusaakenga, oyo ni Katonda waimwe. Mweboneraku n'amaiso gaimwe eby'amaani era ebitiisa bye yabakolera.

Okwolekebwa 21:23

Era ekibuga ekyo tikyetaaga ndhuba, waire mwezi kukyakira, kuba ekitiisa kya Katonda n'obutangaavu bwakyo, era Entaama Ento n'entaala yaakyo.

Okwolekebwa 22:5

Obwire tibuliiramu kuziba, era tibalyetaaga butangaavu bwa ntaala oba obw'endhuba. Kuba Musengwa Katonda n'anaabanga obutangaavu bwaibwe, era balifuga ebyanda n'ebyanda.