Isaia 60:17 - Baibuli Ekibono kya Katonda 2014

¹⁷ Ndikuleetera zaabu mu kifo eky'okukuleetera ekyuma eky'ekikomo, naakuleetera feeza mu kifo eky'okukuleetera ekyuma ekigumu einho; naakuleetera ekyuma eky'ekikomo mu kifo eky'okukuleetera omuti, era naakuleetera ekyuma ekigumu einho mu kifo eky'okukuleetera amabaale. Ndireetera abakulabirira okubanga ab'emiraala aghazira kukunhigiriza; era naaleetera abo abakusalira amakatala, baakukoleranga ebituufu.

Isaia 60:17 ပူးပေါင်းရင်းမြစ်များ

1 Bakyabazinga 6:30

Ghansi mu Kifo Ekitukuvu Einho ni mu isinzizo lyonalyona, yaalimbyagho zaabu woonawoona.

Zabbuli 147:14

Akuuma ensalosalo edh'ekiketezo kyaimwe nga dhirimu emiraala, era yaabagha emere enkalamu yeene nga ya mwero.

Zabbuli 72:3

Ensi eveemu amakungula amalungi, n'obutuufu bwo bweyoleke.

Isaia 1:26

Ndidha kubairizaagho abakulembeze abakalamu ng'oti ni bale abaasooka, mbairizeegho n'abawi b'amagezi abakalamu ng'oti ni bale be mwasooka nabo. Olwo Yerusalemu baliiramu okukyetanga ekibuga eky'abantu abatuufu era ekibuga eky'abantu abeesigwa.”

Isaia 30:26

Ku lunaku Musengwa Katonda lw'alinhigiraku ebinuubule n'ebibwa by'abantu be, n'abawonia enguma dhe yabataaku, omwezi gulyaka ng'oti ndhuba. Ate okwaka kw'endhuba kulyeyongeramu amaani emikuzi musanvu ng'okwaka okw'omu lunaku olulala kuli ng'oti kwa nnaku musanvu.

Isaia 55:13

Emiti emisipuressi girimera aghabaire emiwa; n'eminaazi gyaira mu kifo ky'enkandwa. Ako kaliba kamanhiso akatalivaagho ebyanda n'ebyanda, ak'okwidhukirirangaku nze Musengwa Katonda bye nkola.”

Isaia 60:16

Amaghanga ni bakyabazinga balikulabirira ng'oti n'inhina w'omwana bw'amulabirira. Era olimanha nga ninze Musengwa Katonda Omulokozi wo era Omununuzi wo, Katonda Owamaani owa Isiraeli.

Isaia 60:18

Obukambwe tibuliwulirwaku kabiri mu nsi yo, era ensi yo terizikirizibwa waire okufuuka ebifulukwafulukwa. Ebimante byo ebikwezungulwire olibyeta ‘Bulokozi bwa Musengwa Katonda,’ n'emiryango gyo waagyeta ‘Kusaaka Musengwa Katonda.’

Danieli 11:20

“Ghalisitukagho kyabazinga owundi yaasikira oyo, era yaatuma omukungu we okuja okubinika abantu emisolo olw'okwenda okukombaghaza obwakyabazinga bwe. Aye mu kiseera ekitali kireeyi kyabazinga oyo balimwita aghazira nkaayana oba olutalo.”

Haggai 2:8

Feeza yeenayeena ni zaabu yeenayeena ebiri ku nsi, byange.

Zekaria 12:8

Mu kiseera ekyo nze Musengwa Katonda ndikuuma abantu b'omu Yerusalemu, kyaba nti ole aliba nga n'asembayo kuba munafu mu abo, alifuuka wa maani ng'oti ni Daudi bwe yali. Era baidhukulu ba Daudi oyo n'abalibakulemberamu ng'oti ni malaika wa Musengwa Katonda, era ng'oti ni Katonda mwene.

Abaheburayi 11:40

Kuba Katonda yatutegekera ekisinga obukalamu, abo balobe kufuulibwa batuukiriire okutuusa nga twena tubeeyimbyeku.

2 Petero 3:13

Aye nga Katonda bwe yasuubiza, tuteegerera eigulu eiyaaka n'ensi empyaka omuliba obutuufu.