Isaia 60:13 - Baibuli Ekibono kya Katonda 2014

¹³ Abantu balireeta emiti egiva e Lebanoni, emisipuressi, emipulane, n'emyalumugi, baagizimbisa buyaaka eisinzizo lyange okuliwoomya, n'okugheesa ekibuga kyange ekitiisa.

Isaia 60:13 ပူးပေါင်းရင်းမြစ်များ

1 Ebyomubyanda 28:2

Agho kyabazinga Daudi yaayemerera, yaakoba ati: “Muwulire bye nkoba, imwe baganda bange era bantu bange. Nayenda inho okuzimbira Esanduuku y'Endagaano ya Musengwa Katonda endhu mw'enaabanga, kibenga ekifo Katonda waife mw'afugira. Era nali ntegeike okuzimba,

2 Ebyomubyanda 2:15

Kale ni tugheereze engaano, ni sayiri, n'omuzigo ogw'ebibala eby'emiti emyoliva, n'omwenge ogw'emizabbibu, bye wasuubiza.

Ezera 7:27

Agho Ezera yaakoba ati: “Tusaake Musengwa Katonda, Katonda wa badhaadha baife, eyata ekidhuubo ekyo mu mwoyo gwa kyabazinga okulungiya eisinzizo lya Musengwa Katonda oyo, eriri mu Yerusalemu.

Zabbuli 132:7

Agho twakoba tuti: “Ka tuje mu ndhu ya Musengwa Katonda, tuje tweyale gha bigere bye tumusinze.”

Zabbuli 96:6

Aidhwire ekitiisa era mufuzi; mu kifo kye ekitukuvu mwidhwire ebyoleka nga wa maani era nga mulungi.

Zabbuli 99:5

Musaake Musengwa Katonda waife, mumusinze nga muli mu maiso ag'ekityamo kye eky'obwakyabazinga, kuba mutukuvu!

Isaia 35:2

Eirungu liryemba lyakuba emizira. Liriboneka bulungi nga lisanhusa ng'oti n'ensozi dh'e Lebanoni, era lyaba igimu ng'oti n'enimiro edh'e Karumeli n'e Sharoni. Abantu boonaboona balibona ekitiisa kya Musengwa Katonda, baabona n'amaani n'obuyinza bwe.

Isaia 55:13

Emiti emisipuressi girimera aghabaire emiwa; n'eminaazi gyaira mu kifo ky'enkandwa. Ako kaliba kamanhiso akatalivaagho ebyanda n'ebyanda, ak'okwidhukirirangaku nze Musengwa Katonda bye nkola.”

Isaia 60:7

Abantu balikuleetera entaama dhoonadhoona edh'e Kedari n'edh'e Nebaiothi, baadhighaayo ng'omusengo. Balidhireetanga ku alutaari, Musengwa Katonda yaadhisiima. Era Musengwa Katonda oyo alyongeranga okufuula eisinzizo lye okuba ery'ekitiisa.

Isaia 66:1

Musengwa Katonda akoba ati: “Eigulu n'ekityamo kyange eky'obwakyabazinga, ate ensi, kwe nta ebigere byange. Kale mulinzimbira ndhu nabaki? Era kifo ki mwe ndiwuumulira?

Ezekieli 47:7

Naabona nga ku mbali ni ku mbali okw'omwiga ogwo kuliku emiti kamaala.