Isaia 60:12 - Baibuli Ekibono kya Katonda 2014

¹² Aye eighanga n'obwakyabazinga ebiriroba okukugheereza, biryonoonebwayonoonebwa era byasaanizibwagho irala.

Isaia 60:12 ပူးပေါင်းရင်းမြစ်များ

Amainhama 27:29

Abantu aba buli nsambo bakugheerezenga, n'amaghanga kamaala gakukubirenga amakiryaivu! Ofugenga baganda bo, era abaana ba inhoko bakukubirenga amakiryaivu! Kiisi akukolimira akolimirwenga, era kiisi akusabira enkabi, yeena agheebwenga enkabi!”

Zabbuli 108:13

Kasita Katonda aba ku luuyi lwaife twidha kughangula; kuba oyo n'aja okutyankirira abazigu baife boonaboona.

Zabbuli 2:12

mumukubire amakiryaivu nga mutengera, tiikulwa nga asungughala, mwazikirira; kuba asungughala mangu. Ba nkabi abo boonaboona Musengwa Katonda b'akuuma.

Isaia 14:2

Amaghanga kamaala galiyamba Abaisiraeli okwirayo mu nsi yaibwe, Musengwa Katonda ye yabagha. Era abamaghanga agandi balifuuka bairu ba Baisiraeli abo, baabagheerezanga. Olwo abo abaatwala Abaisiraeli nga banhage baaba nga bafuulibwa okuba abanhage ab'Abaisiraeli abo. Era Abaisiraeli abo balifuganga abo abaabatuntuzanga.

Isaia 41:11

Bona eno, abo boonaboona abakuliku enzigu, ensoni dhiribagema baaswala. Abo abakulwanisa balizikirira baasaanagho.

Isaia 54:15

Omuntu yeenayeena alikutanulaku olutalo, ti ninze ndiba nga mmuganhie akole atyo. Buli alikutanulaku olutalo olimughangula yaagwa ere.

Yeremia 12:17

Aye eighanga lyonalyona eritalingondera nja kulitoola mu nsi yaalyo, ng'oti n'omuntu bw'aiwululagho ekisimbe n'emizi gyakyo. Era nja kulizikiriza. Nze Musengwa Katonda, ninze nkobye.”

Danieli 2:34

Bwe wali okaakiringirira, eibaale lyamogoka lyonka aghazira muntu aligemyeku, lyakuba ebigere eby'ekiwumbe ekyo eby'ekyuma ekigumu einho n'eitosi, lyabimanhiangula.

Danieli 2:35

Agho mu kiseera kyene ekyo, ekyuma ekigumu einho, n'eitosi, n'ekyuma eky'ekikomo, ni feeza, ni zaabu, byonabyona byamanhiangukira ghalala. Byafuuka ng'oti musinsi oguba mu bifo aghakubirwa engaano mu biseera eby'ekyeya. Empewo yaabifuuwa okubimaliriragho, ghaabulagho n'akamanhiso akalaga nga bibaireghooku. Aye eibaale eryakuba ekiwumbe ekyo lyafuukamu olusozi olukologho olwabuna ensi yoonayoona.

Danieli 7:18

Aye abatukuvu b'oyo Ali Ghaigulu Yeene, baligheebwa obwakyabazinga bwaba bwaibwe ebyanda n'ebyanda.”

Danieli 7:27

Olwo obwakyabazinga, n'obukumu, n'ekitiisa, ebiri ghansi gh'eigulu, balibigha abatukuvu b'oyo Ali Ghaigulu Yeene. Obwakyabazinga bwaibwe buliba bwa byanda na byanda, era abafuzi boonaboona ab'ensi balibagonderanga baabagheereza.”

Zekaria 9:10

Musengwa Katonda akoba ati: “Nditoola mu Isiraeli ebigaali eby'omu lutalo, naatoola ni mu Yerusalemu embalaasi. Obulaso obukozesebwa mu lutalo bulizikirizibwa. Kyabazinga oyo alireetagho emiraala mu maghanga. Alifuga ekiketezo ekiva ku nhandha okutuuka ku nhandha, n'okuva ku mwiga Eufurate okutuusa ensi y'ekanga.”

Matayo 21:44

Yeenayeena agwa ku ibaale lino amenhekamenheka, aye eibaale lino ye ligwaku limumaniangula.]”

Luka 19:27

Ate abo abazigu bange abataayenda mbafuge, mubaleete ghano mubaite nga mbona.’ ”