Isaia 60:1 - Baibuli Ekibono kya Katonda 2014

¹ Iwe Yerusalemu, situka oyake ng'oti ndhuba, kuba obutangaavu bwo butuuse, n'ekitiisa kya Musengwa Katonda kiri kwakira ku iwe.

Isaia 60:1 ပူးပေါင်းရင်းမြစ်များ

Zabbuli 102:16

Musengwa Katonda bw'alizimba Sioni n'akiizaagho alyoleka ekitiisa kye.

Zabbuli 87:3

Iwe ekibuga kya Katonda, ebintu eby'ekitiibwa kamaala bikwogerwaku.

Isaia 2:5

Kale ni, imwe baidhukulu ba Yakobo, mwidhe tutambulire mu butangaavu bwa Musengwa Katonda.

Isaia 24:23

Olwo omwezi guligema enzikiiza, n'endhuba yaaloba kwaka; kuba Musengwa Katonda Afuga Amagye n'aliba kyabazinga ku lusozi Sioni ni mu Yerusalemu. Era alyoleka ekitiisa kye eri abakulembeze b'abantu.

Isaia 28:5

Olunaku lwidha kutuuka, Musengwa Katonda Afuga Amagye mwene abe ng'oti n'engule y'ebimuli ey'ekitiisa, eri abantu be abaliwonagho.

Isaia 35:2

Eirungu liryemba lyakuba emizira. Liriboneka bulungi nga lisanhusa ng'oti n'ensozi dh'e Lebanoni, era lyaba igimu ng'oti n'enimiro edh'e Karumeli n'e Sharoni. Abantu boonaboona balibona ekitiisa kya Musengwa Katonda, baabona n'amaani n'obuyinza bwe.

Isaia 4:5

Musengwa Katonda omusana alitaagho ekire ku Lusozi Sioni ni ku boonaboona abaliba balwesololeizaaku. Ate obwire yaataagho omwosi n'okwaka okw'enimi edh'omuliro. Ekitiisa kya Katonda oyo kirimaamira ekibuga kyonakyona, kyakikuuma.

Isaia 42:6

“Nze Musengwa Katonda nakweta oleetere abantu okukolerwanga eby'amazima ebibagwaniire. Nakugema ku mukono naakukuuma. Era ndibita mu iwe naakola endagaano n'abantu boonaboona, era naaleetera amaghanga goonagoona obutangaavu.

Isaia 58:8

“Olwo mulimesunkana ng'oti n'endhuba eri kuvaayo, era mwawonezebwa mangu. Ebikolwa byaimwe ebirungi biribakulemberangamu, n'ekitiisa kyange nze Musengwa Katonda kyabavangaku einhuma nga kibakuuma.

Isaia 62:1

Ku lwa Sioni nze tiidha kusirika, ku lwa Yerusalemu tiidha kuwuumula naire, okutuusa nga kimaze okununulwa, n'obughanguzi bwakyo bwayaka ng'oti muliro.

Isaia 62:2

Yerusalemu, amaghanga galibona bw'onunwirwa, ni bakyabazinga boonaboona baabona ekitiisa kyo. Olituumibwa eriina eiyaaka, Musengwa Katonda mwene ly'alikugha.

Isaia 66:11

musobole okwonka mwigute amabeere ge agaidhwire, era mugabane ku kitiisa kye ekiswikiriire.”

Isaia 9:2

Abantu abaabanga mu nzikiiza, baboine obutangaavu bungi; abo abaabanga mu nzikiiza eri bedimudimu ng'oti n'ey'e magombe, ekimulika kibaakiire.

Ezekieli 43:4

Okumesunkana okw'ekitiisa kya Musengwa Katonda kwangira mu isinzizo nga kubitira mu mulyango ogwalingiriranga ku luuyi olw'e buvandhuba.

Malaki 4:2

Aye imwe abantaamu ekitiisa, ndireetera amaani gange agalokola okuvaayo, gaababuna ng'oti butangaavu obuva ku ndhuba erimu ekiwonia. Muliba ba idembe, mwaja nga mumaduka ng'oti bunhana buva mu kigo.

Matayo 4:16

Abantu abaabanga mu kizikiiza baboine obutangaavu obunene. N'abo ababaire mu nsi ey'olumbe n'ekinsense kyayo, ekimulika kibaakiire.”

Matayo 5:16

Ekimulika kyaimwe kyakire abantu kityo, babone ebikolwa byaimwe ebikalamu, baghe Iseimwe ow'omu igulu ekitiisa.

Luka 2:32

Ekimulika eky'okumulisa amaghanga ekitiisa, eky'abantu bo Abaisiraeli.”

Yoanne 1:9

Nga kino n'ekimuliikirira kyenekyene, ekyali nga kiri kwidha mu nsi okumuliikirira abantu boonaboona.

Yoanne 12:46

Nze naidha mu nsi ng'ekimuliikirira, kiisi andhikiriza alobe kusigala mu nzikiiza.

Yoanne 3:19

Guno n'omusango: Ekimuliikirira kyaidha mu nsi, aye abantu baagonza enzikiiza mu kifo ky'okugonza ekimuliikirira olw'okuba ebikolwa byaibwe bibi.

Yoanne 8:12

Yesu yaayongera yaakoba abantu ati: “Ninze ekimuliikirira eky'ensi kiisi annonereza taja kutambulira ghali nzikiiza era aja kuba n'obutangaavu obuleeta obulamu.”

Ab'Efeso 5:14

Kyebava bakoba bati: “Zuuka iwe atendwike, zuukira ove mu bafu, Kurisito aidha kukwakira.”

Ab'Efeso 5:8

kuba eira mwali mu nzikiiza, aye okuva lwe muli bantu ba Musengwa, muli ba butangaavu. Kale mutambule ng'abantu abali mu butangaavu,

Ab'e Filippi 2:15

olwo mubuleku omusango oba ekintu kyonakyona ekiboogezaaku obubi. Mube abaana ba Katonda abatuukiriire nga muli mu bantu ab'oluse luno ababi era abaayonooneka. Mubaakiremu ng'oti mataala mu nsi muno.

1 Petero 4:14

Oba nga babavumira eriina lya Kurisito muli ba nkabi, kuba kino kitegeeza nga Mwoyo wa Katonda ow'ekitiisa ali mu imwe.

Okwolekebwa 21:11

Kyali kiidhwire okumesunkana okw'ekitiisa kya Katonda. Okumesunkana kwakyo nga kuli ng'oti n'okw'eibaale ery'omughendo einho eryetebwa Yasipera, nga kibitamu amaiso.

Okwolekebwa 21:23

Era ekibuga ekyo tikyetaaga ndhuba, waire mwezi kukyakira, kuba ekitiisa kya Katonda n'obutangaavu bwakyo, era Entaama Ento n'entaala yaakyo.

Okwolekebwa 22:5

Obwire tibuliiramu kuziba, era tibalyetaaga butangaavu bwa ntaala oba obw'endhuba. Kuba Musengwa Katonda n'anaabanga obutangaavu bwaibwe, era balifuga ebyanda n'ebyanda.