Isaia 6:9 - Baibuli Ekibono kya Katonda 2014

⁹ Yankoba ati: “Ja okobe abantu abo oti, ‘Okuwulira muliwulira, aye timuja kutegeera naire, n'okubona mulibona, aye timuja kwekalirisa naire.’ ”

Isaia 6:9 ပူးပေါင်းရင်းမြစ်များ

Ensambo 28:5

Ababi tibategeera kukola mazima kye kitegeeza, aye abasinza Musengwa Katonda bakitegeera bukalamu.

Isaia 28:13

Kale ni, Musengwa Katonda ky'aliva n'abeegeresa eisomo ku isomo, ekiragiro ku kiragiro, n'akanhiriri ku kanhiriri. Olwo baje ekyeinhumainhuma bagwe enume y'ekigwo, olutuula lubagemye babatwale nga basibe.

Isaia 29:10

Musengwa Katonda abaleeteire okuwongera ng'oti n'abaja okutenduka endoolo enhingi einho. Imwe abalanzi, amaze okubaziba amaiso. N'imwe ababoni ababonekerwa, emitwe gyaimwe amaze okugighembaku.

Isaia 29:13

Agho Musengwa Katonda yaakoba ati: “Abantu bano baidha ye ndi bantaamu ekitiisa mu bibono bubono, aye ng'emyoyo gyaibwe gindi ghala. Ensinza ye bansinzaamu ejiira ku ndhegeresa na mateeka abantu bye bataagho, ni babigema obugeme mu mitwe gyaibwe ng'oti nkusu.

Isaia 29:14

Kale ni ndikola mu bantu bano ebyewuunhisa n'ebyewuninkiriza. Ndizikiriza amagezi g'abagezi, era naamaliragho irala okumanha okw'abeegerese.”

Isaia 42:20

Iwe Isiraeli oboine bingi, aye ofuniemu makulu ki? Oli n'amatu agawulira, aye kiki kyene ky'owuliiremu?”

Isaia 43:8

Katonda akoba ati: “Muleete abantu bange bawozesebwe abatulu abo ate nga bali n'amaiso, era abasigha ate nga bali n'amatu.

Yeremia 5:21

Muwulire kino imwe abantu abasiru era abatategeera. Muli n'amaiso aye timubona, era muli n'amatu aye timuwulira.

Ezekieli 12:2

“Iwe omuntu, oli mu bantu abadheemu, abali n'amaiso aye nga tibabona era abali n'amatu aye nga tibawulira, olw'okuba badheemu.

Hosea 1:9

Musengwa Katonda yaakoba Hosea ati: “Mutuume eriina ‘Tiibantubange,’ kuba imwe timukaali bantu bange, era zeena tikaali Katonda waimwe.”

Mariko 4:12

olwo babe, ng'okumoga bamoga aye nga tibabona, n'okuwulira baawulira aye nga tibategeera; kuba bandibaire bakyuka baasoniyibwa ebibi byaibwe.”

Luka 8:10

Yaakoba ati: “Imwe mwagheebwa okumanha ebyama eby'Obwakyabazinga bwa Katonda aye eri abandi biri mu nfumo, baabona nga tibabona, baawulira nga tibategeera.”

Yoanne 12:40

“Katonda abatuluwaiza, era yaakalangusa emyoyo, balobe kubona na maiso gaibwe, waire kutegeera na myoyo gyaibwe. Ti kulwa nga bagaluka baira ye ndi naabawonia.”

Ab'e Roma 11:8

nga bwe kyaghandiikibwa kiti: “Katonda yabagha emyoyo emisirusiru, yabagha amaiso agatabona n'amatu agatawulira okutuukiza irala ni ye buli eno.”

Amateeka Agokubiri 29:4

Aye n'okutuusa mpegaano, Musengwa Katonda akaali kubagha kutegeera ebyo amaiso gaimwe bye gabona, n'amatu gaimwe bye gawulira.