Isaia 6:5 - Baibuli Ekibono kya Katonda 2014

⁵ Naakoba nti: “Nkagwireku era nfiire nze, kuba kiisi kye ndhogera tiikirongoofu, era n'abantu be ndimu bye boogera tiibirongoofu. Aye ate nze mwene mboine Kyabazinga Musengwa Katonda Afuga Amagye.”

Isaia 6:5 ပူးပေါင်းရင်းမြစ်များ

Amainhama 32:31

Endhuba yaja okuvaayo okumwakaku, ng'ali kuva e Penieli, ng'aghenhera olw'ekisambi kye.

Zabbuli 24:10

Naani oyo Kyabazinga omukologho? Musengwa Katonda Afuga Amagye ni Kyabazinga omukologho.

Okuvaayo 24:10

baabona Katonda wa Isiraeli. Ghansi gh'ebigere bye nga ghali ng'oti ni ghe baayaliira amabaale ag'omughendo ageetebwa saffiro, aga langi ya bbululu omutangaavu obukalamu ng'eigulu.

Okuvaayo 3:6

Era yeeyongera okumukoba ati: “Ninze Katonda wa lata wo, Katonda wa Aburahamu, Katonda wa Isaaka era Katonda wa Yakobo.” Musa yeeghemba mu maiso ng'ali kutya okulinga ku Katonda.

Okuvaayo 33:20

Aye toidha kumbona mu maiso, kuba omuntu tasobola kumbona mu maiso n'asigala nga mulamu.

Okuvaayo 4:10

Aye Musa yaakoba Musengwa Katonda ati: “Wo Musengwa Katonda, tibangaku mwogezi mulungi okuva eira n'eira. Waire ni mperaano kasookanga otoolera okwogera ninze, nkaali kufuuka mwogezi mulungi. Ndhogera mpola ng'ebigambo ndowoolereza bulowoolereze.”

Okuvaayo 6:12

Aye Musa yairamu Musengwa Katonda ati: “Bona eno, ate oba nga Abaisiraeli tibampuliriisa, memale kyabazinga anampulirisa atya? Nze tiri mwogezi mulungi.”

Okuvaayo 6:30

Aye Musa yaakoba ati: “Wo Musengwa Katonda, okiidhi bukalamu nga nze tiri mwogezi mulungi. Memale kyabazinga anampulirisa atya?”

Isaia 24:16

Tuliwulira enhembo okuva ensi y'ekoma nga dhisaaka ekitiisa ky'oyo Omutukuvu. Aye nze nkoba nti nga nkagwireku! Ndi kuseenena buseenene mwoyo era naagoogomba naawaagho. Abantu ab'enkwe baba bwa mukusalira banaibwe nkwe. Era enkwe dhaibwe dheeyongera bweyongere okuba embi.

Isaia 29:13

Agho Musengwa Katonda yaakoba ati: “Abantu bano baidha ye ndi bantaamu ekitiisa mu bibono bubono, aye ng'emyoyo gyaibwe gindi ghala. Ensinza ye bansinzaamu ejiira ku ndhegeresa na mateeka abantu bye bataagho, ni babigema obugeme mu mitwe gyaibwe ng'oti nkusu.

Isaia 33:17

Mulibona kyabazinga mu kitiisa kye, era mwabona n'ensi enene einho y'afuga.

Isaia 59:3

Muli n'omusango kuba mwogera eby'obuguya, era mwakola ebikolwa eby'obukambwe n'obutemo.

Isaia 64:6

Twenatwena twafuuka ng'oti n'abatali balongoofu, n'ebikolwa byaife byonabyona ebirungi, biri ng'oti n'ekivaalo ekikongeire eiko. Olw'ebibi byaife, twenatwena tuli ng'oti makaba maniavu, era empewo etufuuwa ere yaatutwalikiza irala.

Yeremia 1:6

Nze naakoba nti: “Aa, Musengwa Katonda wange, bona eno, nze tiidhi kwogera kuba nkaali muto inho.”

Yeremia 51:57

Nditamiiza abakungu baakyo, n'abantu baakyo abagezi, n'abafuzi baakyo, n'abaduumizi baakyo ab'amagye, n'abalwani baakyo ab'amaani. Balitenduka endoolo aye baaloba kwiramu kuzuuka. Nze Kyabazinga, Musengwa Afuga Amagye, ninze nkobye.

Ezekieli 12:2

“Iwe omuntu, oli mu bantu abadheemu, abali n'amaiso aye nga tibabona era abali n'amatu aye nga tibawulira, olw'okuba badheemu.

Ezekieli 33:31

Olwo nga baidha y'oli bya bulungi ng'abantu bange, era nga bawulira by'obakoba, aye baaloba kubikola. Booleka nga bwe bali n'okugonza okungi, mu bibono bubono bye boogera. Aye ng'emyoyo gyaibwe giri ku bya kufuna.

Danieli 9:20

Agho neeyongera okusaba, n'okwatula ebibi byange n'eby'abantu bange Abaisiraeli, n'okweghemba Musengwa Katonda wange, nga mmusaba aizeegho ekitiisa ky'olusozi lwe olutukuvu.

Habakkuku 3:16

Bwe mpulira ebyo byonabyona ndhugumira, n'ensaya dhantengera olw'okutya. Amagumba gange gaanafugha, n'ebigere byange byatengeeta ku itaka. Ndidha kusirika nteegerere olunaku Katonda lw'alituusa obuzibu ku abo abatulumba.

Okubala 17:12

Agho Abaisiraeli baakoba Musa bati: “Bona eno, tutuuse okuzikirira. Tufiire, tuwoiregho.

Abalamuzi 13:22

Manoa yaakoba mukazi we ati: “Bwenebwene twidha kufa, kuba tuboine Katonda!”

Abalamuzi 6:22

Olwo Gideoni yaamanha nga y'aboine abaire malaika wa Musengwa Katonda. Agho yaakoba ati: “Wo Musengwa Katonda wange, nkagwireku! Mboine malaika wo maiso ku maiso!”