Isaia 6:4 - Baibuli Ekibono kya Katonda 2014

⁴ Amamiro gaabyo gaatengeesa emisingi egy'emiryango gy'eisinzizo, era eisinzizo lyaidhula omwosi.

Isaia 6:4 ပူးပေါင်းရင်းမြစ်များ

2 Ebyomubyanda 5:13

Agho abembi n'ab'ebivuga baakwania amamiro, nga basaaka era nga beebaza Musengwa Katonda. Baagemagania ghalala mu lwembo amamiro gaibwe, n'ag'amagwala, n'ebide, n'ebivuga ebindi, bati: “Musaake Musengwa Katonda kuba mulungi, okugonza kwe tikukoma, kubaagho byanda na byanda.” Agho ekire kyagema woonawoona mu isinzizo,

Zabbuli 18:8

Omwosi gwamuva mu nhindo, ate enimi edh'omuliro n'amanda agaaka, byamuva mu kanwa.

Okuvaayo 40:34

Agho ekire kyaidha kyaghemba ku Weema ey'Okwagaananirangamu ni Musengwa Katonda, era ekitiisa kya Musengwa Katonda kyaidhula Eweema eyo.

Ezekieli 1:24

Bwe byaguluka ni bija, naawulira omuvuuma ogw'amaghagha gaabyo nga guli ng'oti mpiriito ya maadhi, kabiri ng'oti n'okutyabuka okw'amamiro ag'oyo Aghanga Ebintu Byonabyona, era ng'oti n'okuwowoigana okw'eigye. Ate bwe byalekera okuguluka, byaisa amaghagha gaabyo.

Ezekieli 10:5

Omuvuuma ogw'amaghagha ga bikerubi gwawulirwa n'ere mu luya olw'okuliya, nga guli ng'oti n'amamiro ga Katonda Aghanga Ebintu Byonabyona bwe gawulirwa, bw'aba ng'ayogeire.

Ezekieli 41:16

baali nga baabirimbyaku embaawo okuva ghansi okutuuka agho nga ku madinisa. Era amadinisa ago gaali maghembe gaaku.

Ezekieli 44:4

Agho omusaadha yambisa mu mulyango ogw'oku luuyi olw'omukono omugooda, yantwala emberi w'eisinzizo. Okuja okulinga nti nga mbona okumesunkana okw'ekitiisa kya Musengwa Katonda kubunie eisinzizo. Agho naakuba amakiryaivu era naakutama n'ekyeni kyatuuka ku itaka.

Amosi 9:1

Nabona Musengwa Katonda ng'ayemereire ku mbali kw'alutaari, era yaalagira ati: “Kuba emitwe egy'empagi edh'eisinzizo okutuusa lwe linaatengeeta. Era menha emitwe egy'empagi edho dhikube emitwe egy'abantu boonaboona. Abo abataafe mu nsambo eyo, ndidha kubasindika bafiire mu lutalo. Ku abo ezira aja kulumukagho waire okuwonagho.

Okwolekebwa 11:19

Eisinzizo lya Katonda ery'omu igulu lyaigulwagho n'Esanduuku ey'Endagaano ye, yaaboneka mu isinzizo omwo. Agho ghaabaagho okumyansa okw'eigulu, n'okududumuka, n'okutyabuka okw'olukuba, n'ensi okutengeeta, n'omugozi omungi.

Okwolekebwa 15:8

Eisinzizo lyaidhula omwosi oguva ku kitiisa kye, ni ku bukumu bwe nga ghazira asobola kwingira mu isinzizo okutuusa ebibamba omusanvu ebya bamalaika omusanvu nga biwoire.