Isaia 6:2 - Baibuli Ekibono kya Katonda 2014

² Ghaigulu gha kyabazinga oyo, ghaali nga gheemereiregho ebitonde ebyetebwa serafimu, nga buli kirala kiri n'amaghagha mukaaga: abiri nga kigeeghembye mu maiso, abiri agandi kyageeghemba ku bigere, ate abiri agasigairegho kyagakozesa okuguluka.

Isaia 6:2 ပူးပေါင်းရင်းမြစ်များ

Amainhama 17:3

Aburamu yaakutama n'ekyeni kyatuuka ku itaka. Katonda yaamukoba ati:

1 Bakyabazinga 19:13

Eliya bwe yawulira akamiro ako, yeeghemba mu maiso ekivaalo kye, yaafuluma mu mpuku, yaayemerera ku mulyango gwayo. Olwo yaawulira amamiro nga gamukoba gati: “Eliya oli kukola ki ghano?”

1 Bakyabazinga 22:19

Mikaia yeeyongera okukoba ati: “Kale ni wulira Musengwa Katonda by'akoba: Mboine Musengwa Katonda oyo ng'atyaime ku kityamo kye eky'obwakyabazinga, ng'eigye lyonalyona ery'omu igulu lyemereire ku luuyi lwe olw'omukono omusaadha ni ku lw'omugooda.

1 Bakyabazinga 6:24

Eighagha eirala erya kerubi lyali ligheza mita ibiri n'obutundu bubiri mu buleeyi. Okuva ku ghasembayo ku ighagha eirala, okutuuka ku ghasembayo ku lindi, nga ghaligho obuleeyi bwa mita ina n'obutundu buna.

1 Bakyabazinga 6:27

Bikerubi ebyo yaabita ghagati mu Kifo Ekitukuvu Einho. Amaghagha gaabyo gaakolebwa nga mandhuluze, ng'eighagha ery'ekindi lituuka ku kimante eky'oluuyi olundi, n'ery'ekindi lyatuuka ku kimante eky'oluuyi olundi. Ate amaghagha gaabyo agandi nga gagemaganira ghagati gh'Ekifo Ekitukuvu Einho.

1 Bakyabazinga 8:7

kuba bikerubi ebyo byakolebwa nga byandhulwiza amaghagha gabyo, era nga ghansi gh'amaghagha ago n'aghali ekifo kye bataamu Sanduuku eyo n'emiti gyayo egy'okugibbeedesa.

Nehemia 9:6

Ezera yaakoba ati: “Wo Musengwa Katonda, niiwe wenka eyatonda eigulu, n'ebiri ghaigulu mu ibbanga byonabyona. Niiwe eyatonda ensi n'ebigirimu byonabyona. Waatonda n'enhandha n'ebigirimu byonabyona, era byonabyona waabigha obulamu. Ebiri mu igulu byonabyona bikusinza.

Yobu 1:6

Olunaku lwali lulala, abakwenda ab'omu igulu baidha okweyandhula mu maiso ga Musengwa Katonda. Ni Sitaani yeena yaidhiramu.

Yobu 15:15

Ate oba Katonda tiyeesiga waire bamalaika be! Era nga n'eigulu ti irongoofu mu maiso ge!

Yobu 4:18

Oba nga Katonda tiyeesiga waire abo abamugheereza mu igulu, era ni bamalaika be boona abanenia olw'ensobi dhaibwe,

Zabbuli 103:20

Musaake Musengwa Katonda imwe bamalaika be mwenamwena ab'amaani, abawulira ebiragiro bye era abagondera by'akoba.

Zabbuli 104:4

Ofuula empewo okuba abakwenda bo, n'enimi edh'omuliro waadhifuula okuba abagheereza bo.

Zabbuli 18:10

Yaika ng'ali ku kitonde ekiri n'amaghagha ekyetebwa kerubi, era nga kiri kuguluka naye, yaaziinhuukira mu mpewo.

Zabbuli 89:7

Niiwe Katonda atiibwa abatukuvu boonaboona abatyama mu igulu; era omukologho atiisa ebyo byonabyona ebimwezungulwire.

Okuvaayo 25:20

Ebifaananie ebyo mubikole nga mubirinzagainia, aye nga amaiso gaabyo galingiriire ku kisandikiza, era nga byandhulwiza amaghagha gaabyo nga gaghemba ku kisandikiza ekyo.

Okuvaayo 3:6

Era yeeyongera okumukoba ati: “Ninze Katonda wa lata wo, Katonda wa Aburahamu, Katonda wa Isaaka era Katonda wa Yakobo.” Musa yeeghemba mu maiso ng'ali kutya okulinga ku Katonda.

Okuvaayo 37:9

Ebifaananie ebyo yaabikola ng'abirinzagania, aye ng'amaiso galingiriire ku kisandikiza ekyo, era nga byandhulwiza amaghagha gaabyo gaaghemba ku kisandikiza ekyo.

Isaia 6:6

Agho ekindi ku bitonde kyaguluka, kyaidha ye ndi nga kiri n'eryanda eririku omuliro, lye kyatoola ku alutaari nga kikozesa entooleso.

Ezekieli 1:11

Bityo bwe byali nga biboneka mu maiso. Era buli kirala kyali kyandhulwiza amaghagha gaakyo, abiri nga gagemye ku nkomerero edh'amaghagha ga biinaakyo ebikiri eruuyi n'eruuyi, ate abiri agandi nga kigaghembye ku mubiri gwakyo.

Ezekieli 1:24

Bwe byaguluka ni bija, naawulira omuvuuma ogw'amaghagha gaabyo nga guli ng'oti mpiriito ya maadhi, kabiri ng'oti n'okutyabuka okw'amamiro ag'oyo Aghanga Ebintu Byonabyona, era ng'oti n'okuwowoigana okw'eigye. Ate bwe byalekera okuguluka, byaisa amaghagha gaabyo.

Ezekieli 1:4

Bwe nali nga nkaalingiriire, naabona empewo ey'amaani ng'ekunta okuva ku luuyi olw'omukono omugooda olw'e buvandhuba. Naabona n'ekire ekikologho nga kyezungulwirwa okumyansa, era nga kirimu n'omuliro oguli kwaka obutalekera. Ghagati mu muliro ogwo nga ghali kumirimiinha ng'oti kyuma kya kikomo ekizigule.

Ezekieli 1:6

aye nga buli kirala kiri n'obweni bwa mikuzi ena era kyaba n'amaghagha ana.

Ezekieli 1:9

Buli kirala kyali kyandhulwiza amaghagha gaakyo, kyaba nti buli nkomerero ey'eighagha lyakyo egema ku nkomerero edh'amaghagha ga biinaakyo ebikiri eruuyi n'eruuyi. Kale nga buli ye bija, bijiira ghalala nga bigemagaine aghazira kukyuka naire.

Ezekieli 10:16

Bikerubi ebyo bwe byagulukanga ni bija, nga n'enkede dhoona dhijiira ghalala nabyo. Bwe byayandhuluzanga amaghagha gaabyo ni biva ku itaka, nga n'enkede dhoona dhija nabyo.

Ezekieli 10:21

Buli kikerubi kyali n'obweni bwa mikuzi ena, kyabaaku n'amaghagha ana, era kyabaaku n'ekintu ekiboneka ng'oti mukono gwa muntu, nga kiri ghansi mu maghagha gaakyo.

Danieli 7:10

Ghamberi ghe nga ghali kuvaagho omuliro ogw'amaani ng'oti n'amaadhi bwe gawolomboka mu mwiga. Abantu enkumi n'enkumi nga bali kumugheereza, n'abantu emitwalo n'emitwalo baayemerera agho mu maiso ge. Okusala emisango kwatoolera, n'ebitabo byawumbululwa.

Danieli 9:21

Bwe nali nga nkaasaba naabona omuntu ole, Gaburieli, eyali mu kubonekerwa okwasooka. Yaaguluka yaidha ghe nali mu kiseera eky'okugheerayo emisengo egy'eigulo.

Zekaria 3:4

Malaika yaakoba abaali beemereire mu maiso ge ati: “Mumutoolemu ebivaalo ebyo ebiidhwire eikoodera.” Era yaakoba Yoshua ati: “Bona eno, nkutoireku ebibi byo byonabyona, era nja kukuvaaza ebivaalo eby'ekitiibwa.”

Luka 1:10

Abantu abeesoloza boonaboona baali ku luya nga basaba, mu saawa ey'okuniosa obubbaani.

Abaheburayi 1:7

Era bw'ayogera ku bamalaika akoba ati: “Katonda afuula bamalaika be empewo, abagheereza be yaabafuula enimi edh'omuliro.”

Okwolekebwa 14:6

Agho naabona malaika owundi ng'ali kuguluka, nga yeeruupye eyo mu igulu. Yali agheereibwa amawulire amalungi ag'ebyanda n'ebyanda agakobere abo abali ku nsi aba kiisi kika, aba kiisi lulimi, aba kiisi luse n'aba kiisi ighanga.

Okwolekebwa 4:8

Buli kirala ku bitonde ebiramu ebyo ebina nga kiri n'amaghagha mukaaga. Era nga ebitonde ebiramu ebyo biidhwire amaiso ku ngulu ni munda. Omusana n'obwire nga tibirekera kwemba biti: “Musengwa Katonda Aghanga Ebintu Byonabyona, mutukuvu, mutukuvu, era mutukuvu, n'eyaligho, n'aligho, era n'aliidha.”

Okwolekebwa 7:11

Bamalaika boonaboona baayemerera nga beezungulwire ekityamo eky'obwakyabazinga era nga beezungulwire ab'obukumu n'ebitonde ebiramu ebina (4), beeyala gha mberi gh'ekityamo, nga balinze ghansi, baasinza Katonda,

Okwolekebwa 8:13

Agho naabona era naawulira enkookooma, yaaguluka nga yeeruupiise ghaigulu ng'eyasiikana eti: “Mukagwireku! Mukagwireku! Mukagwireku imwe abali ku nsi, amagwala agandi asatu bwe ganaavuga bamalaika abasatu ge baja okufuuwa.”