Isaia 6:13 - Baibuli Ekibono kya Katonda 2014

¹³ Era ni bwe ghalisigalagho mu nsi eyo omuntu omulala omulala ku buli bantu eikumi, yeena alizikirizibwa kabiri, yaaba ng'oti n'ekikolo eky'omuti omukologho, ekisigalagho nga gutemeibwagho.” Ekikolo ekyo n'ekiba ensigo kwe gusibukira.

Isaia 6:13 ပူးပေါင်းရင်းမြစ်များ

Amainhama 22:18

Mu baidhukulu bo, amaghanga goonagoona ag'oku nsi mwe galigheerwa enkabi, kuba ogondeire ekiragiro kyange.”

Ezera 9:2

Abaisiraeli abo abantu ba Katonda abatukuvu baayonooneka, kuba beene ni batabane baibwe bafuna abakazi abamaghanga agandi. Aye ate abakungu n'abakulembeze, n'abasinze kwonooneka mu nsambo eyo.”

Ezera 9:8

Aye mperaano mu kiseera ekitono kiti, Musengwa Katonda waife atwoleike ekivunika, yaaleetera abandi ku ife okuwonagho era yaatugha okuba abagumu mu kifo kye kino ekitukuvu. Olwo Katonda waife oyo yaatuwonia obwiru, yaatugha obulamu obuyaaka.

Isaia 1:9

Ngoli Musengwa Katonda Afuga Amagye tiyatulekeraghooku bantu batono abaawonagho, twandibaire ng'oti n'ab'e Sodoma, era twafaanana ng'oti n'ab'e Gomorra mu ebyo ebyabatuukaku.

Isaia 11:1

Ng'olusaga bwe lusibukira ku kikonge ky'omuti ogutemeibwa, ni mu baidhukulu ba Yesse mutyo bwe mulisimukamu kyabazinga.

Isaia 4:3

Kiisi muntu yeenayeena aliba ng'asigairegho mu Sioni, ng'alondeibwa okusigala nga mulamu mu Yerusalemu, alyetebwa mutukuvu.

Ezekieli 6:8

“Aye ndirekaghooku abandi abaliwona okwitibwa, naabasansaaniza eyo mu maghanga,

Amosi 5:3

Kuba Musengwa Katonda akoba ati: “Ekibuga eky'omu Isiraeli ekirisindika abantu olukumi okulwana, kuliiraku kikumi kyonka n'ekyo ekirisindika abantu ekikumi, kuliiraku ikumi lyonka.”

Mika 5:6

Abo, nga bakozesa eby'okulwanisa byaibwe, baja kughangula ekiketezo ekyo Assiria, ensi ya Nimurodi, batuwonie Abassiria bwe baliba batabaire nsi yaife.

Zefania 3:12

Be ndirekagho mu imwe, n'abo abawombeefu n'abaavu abanaidhanga okunsaba okubeerwa.

Zekaria 13:8

Abantu ab'omu nsi yoonayoona baligabanizibwamu ebitundu bisatu. Abaliba mu bitundu ebibiri ku bisatu ebyo baliitibwa baazikirira. Kitundu kirala kyonka ku ebyo n'ekiribaamu abalisigalagho nga balamu.

Malaki 2:15

Katonda imwe tiyabatonda nga muli omwoyo mulala n'omubiri mulala ni bakazi baimwe? Yali na kigendererwa ki? Yayenda muzaale abaana abamutya. Kale mwegenderezenga ghalobe kubaagho atali mwesigwa eri mukazi we ow'omu buvubuka bwe.

Matayo 24:22

Nguli enaku edho tidhaakendeezebwaku, ghazira muntu yandiwonie. Aye ku lw'abalonde enaku edho dhirikendeezebwaku.

Mariko 13:20

Era nguli Musengwa tiyakendeeza ku nnaku edho, ghazira muntu yandiwonie. Aye ku lw'abalonde, be yalonda, yakendeeza ku nnaku edho.

Ab'e Roma 9:5

Abo ni beene badhaadha abakulu era beene ighanga omwava Kurisito ng'omuntu, Katonda afuga byonabyona asaakibwe ebyanda n'ebyanda. Amiina.

Amateeka Agokubiri 28:62

Ni bwe mulyeyongera obungi, ni muba ng'oti n'emuunienie edh'oku igulu, abaliwonagho muliba batono, kasita muliroba okuwulira Musengwa Katonda waimwe.

Amateeka Agokubiri 7:6

Kuba muli ighanga lya Musengwa Katonda waimwe. Yabalondamu okuba eighanga lye erirye ku bubwe mu maghanga goonagoona agali ku nsi.