Isaia 6:10 - Baibuli Ekibono kya Katonda 2014

¹⁰ Era yankoba ati: “Kalangusa emyoyo gy'abantu bano, osembe n'amatu gaibwe, otulughaze n'amaiso gaibwe; kuba tomanha bwe babona n'amaiso gaibwe, ni bawulira na matu gaibwe, era ni bategeera na myoyo gyaibwe, ni bakyuka ni mbawonia.”

Isaia 6:10 ပူးပေါင်းရင်းမြစ်များ

Zabbuli 119:70

Abantu abo baziramu kategeera naire, aye nze mba musangaavu okujiira ku mateeka go.

Zabbuli 17:10

Abantu abo bazira kusaasira mu myoyo gyaibwe naire, era mu kanwa baidhwire kwesaakiriza.

Zabbuli 69:23

Amaiso gaibwe ka gazibibwe, balobe kubona, era emigongo gyaibwe gifunhibwe enaku dhoonadhoona.

Okuvaayo 10:27

Aye era Musengwa Katonda yaaleetera kyabazinga okukalanguka omwoyo, yaaloba kutya era yaaloba kubaleka ni baja.

Okuvaayo 11:10

Musa ni Aaroni baakola ebyewuunhio bino byonabyona nga kyabazinga abona. Aye Musengwa Katonda yaaleetera kyabazinga oyo okukalanguka omwoyo, yaaloba kutya era yaaloba kuleka Baisiraeli kuva mu nsi ye.

Okuvaayo 14:17

Ndidha kukalangusa emyoyo egy'Abamisiri balobe kutya, boona bangire mu nhandha nga bababingirira, aye kye nja okukola kyabazinga n'abalwani be boonaboona, n'ebigaali bye eby'omu lutalo, n'abavuzi be ab'embalaasi, kija kumpeesa ekitiisa.

Okuvaayo 7:3

Aye nja kukalangusa omwoyo gwe alobe kutya, waire nga ndikola obumanhiso n'ebyewuunhio emikuzi egigheraku mu Misiri.

Ensambo 16:30

Ole akunhiira eriiso aba ategeka kukola bikyamu, ate ole akusonkezaaku omunwa aba ategeka kukukola kabi.

Omulangirizi 3:3

Ekiseera eky'okwita, n'ekiseera eky'okuwonia. Ekiseera eky'okumenha, n'ekiseera eky'okuzimba.

Isaia 19:22

Musengwa Katonda alibonereza Abamisiri, aye ate b'abonereiza alimala yaabawonia. Balikyukira y'ali baamusaba, era yaawulira okusaba kwaibwe yaabawonia.

Isaia 28:13

Kale ni, Musengwa Katonda ky'aliva n'abeegeresa eisomo ku isomo, ekiragiro ku kiragiro, n'akanhiriri ku kanhiriri. Olwo baje ekyeinhumainhuma bagwe enume y'ekigwo, olutuula lubagemye babatwale nga basibe.

Isaia 29:10

Musengwa Katonda abaleeteire okuwongera ng'oti n'abaja okutenduka endoolo enhingi einho. Imwe abalanzi, amaze okubaziba amaiso. N'imwe ababoni ababonekerwa, emitwe gyaimwe amaze okugighembaku.

Isaia 29:14

Kale ni ndikola mu bantu bano ebyewuunhisa n'ebyewuninkiriza. Ndizikiriza amagezi g'abagezi, era naamaliragho irala okumanha okw'abeegerese.”

Isaia 29:9

Mwesirughaze mufuuke basirusiru! Mwetulughaze mufuuke batulu! Mutamiire nga timunhweire na ku mwenge! Mutagale nga timukombye ku kitamiiza naire!

Isaia 44:18

Abantu abo bazira kye baidhi era bazira kye balowooza kikalamu. Baaziba amaiso gaibwe n'emyoyo gyaibwe, baaloba kubona waire okutegeera.

Isaia 63:17

Wo Musengwa Katonda, lwaki otuleka okudaaliima ni tuva ku ngira y'otwoleka? Lwaki oleetera emyoyo gyaife okukalanguka ni tutakutya? Ganha oire ye tuli, ku lw'abantu bo abagheereza bo, abantu ababo ku bubwo ab'omu bika bya Isiraeli.

Yeremia 17:9

“Naani asobola okutegeera omwoyo gw'omuntu? Ezira kirimbalimba nga gwene; mubi inho ebitaloodheka.

Yeremia 5:21

Muwulire kino imwe abantu abasiru era abatategeera. Muli n'amaiso aye timubona, era muli n'amatu aye timuwulira.

Yeremia 6:10

Nze nairamu nti: “Ni baani be nnaayogera nabo ni bampulirisa mbalabule? Baakalangusa emyoyo gyaibwe, tibenda kuwulira by'okoba. Obukwenda bw'ontuma okubakobera babusekerera, baaloba kubusanhukira naire.

Okulira 3:65

Bateeku ekikolimo obooleke nga bw'oli omukambwe.

Zekaria 11:15

Agho Musengwa Katonda yankoba ati: “Kabiri fuuka mwayi wa ntaama, aye ku luno fuuka mwayi wa ntaama azira ky'agasa naire

Zekaria 7:11

“Aye abantu bange baakola bwa mpwitu, baaloba kuwulira waire okufaayo.

Matayo 13:15

kuba omwoyo ogw'abantu bano mukalangafu, amatu gaibwe gasembye, n'amaiso gaibwe bagazibye. Nkani bandiboine n'amaiso gaibwe, bandiwuliire n'amatu gaibwe, baategeera n'omwoyo, baakyukira ye ndi naabawonia.’

Yoanne 12:40

“Katonda abatuluwaiza, era yaakalangusa emyoyo, balobe kubona na maiso gaibwe, waire kutegeera na myoyo gyaibwe. Ti kulwa nga bagaluka baira ye ndi naabawonia.”

Ebikolwa by'Abatume 28:27

Kuba emyoyo gy'abantu bano gikalangwike n'amatu gaibwe bagasembye, n'amaiso gaibwe bagazibye, balobe okubona n'amaiso gaibwe okuwulira n'amatu gaibwe era okutegeera n'emyoyo gyaibwe, era n'okukyuka ni mbawonia.’ ”

Ebikolwa by'Abatume 3:19

Kale mwenenie, mukyuke memale ebibi byaimwe bisoniyibwe.

2 Ab'e Korintho 2:16

Eri abo ab'okuzikirira tuli kivundu ekiita, aye eri abo ab'okulokolebwa tuli kawoowo akaleeta obulamu. Kale naani asobola omulimo oti ni guno?

Amateeka Agokubiri 2:30

“Aye kyabazinga w'e Heshiboni, ayetebwa Sihoni, yaaloba kutuganha kubita mu nsi ye, kuba Musengwa Katonda waimwe yamukalangusa omwoyo. Yaamuleetera okudheema, olwo tughange okumughangula, n'okutwala ensi ye, mwe tukaali ni mpegaano.

Amateeka Agokubiri 29:3

Mwabona ebibamba bye yasindika, n'ebyewuunhio bye yakola, ghalala n'ebyewuninkiriza.

Amateeka Agokubiri 29:4

Aye n'okutuusa mpegaano, Musengwa Katonda akaali kubagha kutegeera ebyo amaiso gaimwe bye gabona, n'amatu gaimwe bye gawulira.

Amateeka Agokubiri 31:20

kuba mpegaano ndi kuja kubaingiza mu nsi engimu era erimu ebirungi kamaala ye nasuubiza badhaadha baibwe. Aye bwe balimala okulya ni baiguta era ni bageedha, balinvaaku baira ku misambwa baagisinza, nze bankyagha era baamenha endagaano yange.

Amateeka Agokubiri 32:15

Abantu ba Musengwa Katonda abo baakombaghala, aye baaba badheemu. Emere yaabageedhulusa, yaabazimbagatania. Baava ku Katonda omutonzi waibwe, baava ku mununuzi waibwe oyo ow'amaani.