Isaia 59:9 - Baibuli Ekibono kya Katonda 2014

⁹ Abantu bakoba bati: “Bwenebwene okukola amazima kutuli ghala, n'okukola ebituufu kutuziramu. Tunoonia obutangaavu, aye twabona bwa nzikiiza ndhereere eri bedimudimu.

Isaia 59:9 ပူးပေါင်းရင်းမြစ်များ

Yobu 19:8

Katonda asembye engira yange, nzira bwe mbitagho; ansibiire mu nzikiiza, tikaabona ye nja.

Yobu 30:26

Aye bwe nasuubira ebirungi, ate bibi n'ebyaidha. Bwe nateegerera obutangaavu, ate nzikiiza n'eyaidha.

Zabbuli 82:5

Muli na butamanha bwaga gha? Muli basiru ba nkula ki? Lwaki mukola eby'obukupya ebyereere? Abantu tibakaakola mazima mu nsi.

Ensambo 4:19

Aye obulamu obw'abakozi ab'ebibi buli ng'oti nzikiiza egemye bedimudimu; ni bwe bagwa tibamanha na kye beekontoireku.

Isaia 5:30

Olunaku olwo bwe lulituuka, baliwologomera mu Isiraeli, ng'oti n'enhandha bw'ewolomboka. Omuntu bw'aliringirira ensi eyo, alibona nzikiiza na nnaku byonka, ng'ebire bikingiriiza omusana, enzikiiza yaidha.

Isaia 59:11

Twenatwena twidhula okutya, twavuuma ng'oti bisolo bikambwe, era twalira ng'oti maghemba. Twegomba Katonda aidhe atuwonie okutuntuzibwa, aye ghazira kikolebwa naire. Era twegomba okulokolebwa, aye kwatuba ghala inho.

Isaia 59:14

Tubingagho amazima twaloba kugakoleraku, n'okukola ebituufu kwaloba kuseeta ghe tuli. Amazima tigakaakolebwa mu mpya dha bibuga, n'obwesimbu tibukaaliyo.

Isaia 59:8

Timwidhi kyetebwa miraala, era bye mukola tibijiira ku mazima. Mutambulira mu ngira engodegode, era kiisi adhibitamu taba na miraala naire.

Isaia 8:21

Era baidha kuyengeeteranga mu nsi nga beeraliikirivu inho, era nga balumwa endhala. Ng'endhala eri kubaluma, baidha kwesinwanga bakolime kyabazinga waibwe ni Katonda waibwe. Ni bwebaliringa ghaigulu batya,

Isaia 8:22

oba ni balinga ghansi ku itaka, tibalibona kintu kindi naire, okutoolaku enaku n'enzikiiza etiisa, egemye bedimudimu, era mu yeene eyo mwe balibabingira.

Yeremia 13:16

Mughe Musengwa Katonda waimwe ekitiisa ng'akaali kuleeta nzikiiza ni mwekontola ku nsozi. Era nga n'obutangaavu bwe mwasuubira akaali kubufuula nzikiiza eri bedimudimu.

Yeremia 14:19

Wo Musengwa Katonda, obwo Abayudaaya wabaviiraku irala, waakyagha abantu b'e Sioni? Lwaki watulumya n'otutaaku ebibwa otyo, ni tutasobola kuwonezebwa? Twasuubira okufuna emiraala, aye ghazira kalungi ke twafunamu. Era twasuubira okufuna ekiseera eky'okuwonezebwa, aye bona, twafuna bwa bitutiisa.

Yeremia 8:15

Twasuubira okufuna emiraala, aye ghazira kalungi ke twafunamu. Era twasuubira okufuna ekiseera eky'okuwonezebwa, aye bona eno, twafuna bwa bitutiisa.

Okulira 3:2

Yansindiikiriza yaanhingiza mu nzikiiza eri bedimudimu.

Okulira 4:14

Abalanzi abo ni bakabona abo baatambulatambulanga eyo batyo mu nguudo edh'ekibuga ng'oti batulu, nga boonoonefu olw'omusaayi gw'abantu be baitanga, era ng'olw'ekyo ghazira muntu agema ku bivaalo byaibwe.

Amosi 8:9

Ku lunaku olwo, ndiragira endhuba yaagwa mu kasana ghagati, era naasindika enzikiiza yaagema ku nsi.” Musengwa Katonda atyo bw'akoba.

Mika 1:12

Abantu ab'e Marothi beeraliikirivu nga tibaidhi oba banaafuna anaabayamba, kuba babona nga Musengwa Katonda aseesiisa ebizibu kumpi inho ni Yerusalemu.

Habakkuku 1:13

Amaiso go matukuvu tigagwaine kubona kibi, oba okulinga ku akola ekibi. Kale lwaki olingirira obulingirire abantu abo abateesigika? Lwaki osirika busirike ng'abakozi b'ebibi bazikiriza abantu ababasinga obulungi?

1 Ab'e Thessalonika 5:3

Abantu balikoba bati: “Ghaligho emiraala era ghazira kabi,” aye balija okubona bati ng'okuzikirira kubatuuseeku. Kulibazindula ng'oti n'ebisa eby'omwana bwe bizindula omukazi ali kumpi okuzaala, era tighaliba gha kuwonera.