Isaia 59:8 - Baibuli Ekibono kya Katonda 2014

⁸ Timwidhi kyetebwa miraala, era bye mukola tibijiira ku mazima. Mutambulira mu ngira engodegode, era kiisi adhibitamu taba na miraala naire.

Isaia 59:8 ပူးပေါင်းရင်းမြစ်များ

Zabbuli 125:5

Aye abo abaleka ebiragiro byo ni badaaliima, babonereze ghalala n'abakozi ab'ebibi. Emiraala gibe mu Isiraeli.

Ensambo 2:13

abalekerera okukola ebituufu, ni baira ku kukola ebibi.

Ensambo 2:15

Bagodobanu mu ngeri dhaibwe, era tibeesigika.

Ensambo 21:8

Abantu ababi baba bakuyikuyi, aye abalungi bakola ebituufu.

Ensambo 28:18

Omuntu omwesigwa aidha kubanga bukalamu, aye atali mwesigwa aja kugwa mangu inho.

Ensambo 3:17

Amagezi galeetera omuntu okuba mu bulamu obukalamu, era gaamuleetera okububaamu mu miraala.

Isaia 48:22

Musengwa Katonda akoba ati: “Abakozi b'ebibi tibaja kuba na miraala naire.”

Isaia 5:7

Isiraeli n'eisamba eryo ery'emizabbibu erya Musengwa Katonda Afuga Amagye; abantu b'omu Buyudaaya n'ekirime kye yasimba nga musangaavu. Yabasuubiramu okukola amazima, aye baakola bwa butemo. Yabasuubiramu okukola ebituufu, aye baakola bwa biriza bantu maziga!

Isaia 59:11

Twenatwena twidhula okutya, twavuuma ng'oti bisolo bikambwe, era twalira ng'oti maghemba. Twegomba Katonda aidhe atuwonie okutuntuzibwa, aye ghazira kikolebwa naire. Era twegomba okulokolebwa, aye kwatuba ghala inho.

Isaia 59:9

Abantu bakoba bati: “Bwenebwene okukola amazima kutuli ghala, n'okukola ebituufu kutuziramu. Tunoonia obutangaavu, aye twabona bwa nzikiiza ndhereere eri bedimudimu.

Isaia 65:2

Olunaku lwonalwona nayandhuluzanga emikono gyange okusangaaza abantu abadheemu, abeebisa mu nsambo etali nkalamu nga bajiira ku ebyo beene bye bayiiya okukola.

Yeremia 5:1

Imwe abantu b'omu Yerusalemu, muje eno n'ere nga mubitabita mu nguudo dh'ekibuga kyaimwe kino Yerusalemu. Muje nga mwetegereza buli kye mubona, mwagaaze mu mpya dh'ekibuga mubone oba nga munaabonayo omuntu waire omulala ati, akola ebituufu era ajiira ku mazima. Bwemunaamubona, ndidha kusonigha ekibuga kino.

Matayo 23:23

“Mukagwireku Abanamateeka n'Abafarisaayo, abakuusa imwe, kuba mughaayo ekitundu kirala kirala ku buli bitundu ikumi eky'obuwoowo obuwoomesa eiva, nga buno: eduosimo, anetho, ni kumino. Aye mwaleka ebisinga obukulu ebiri mu Mateeka, bino: Okukolera banaimwe ebibagwaniire, ekisa, n'okwikiriza. Ebyo mugwaine okubikola ate ni bire obutabireka.

Luka 1:79

Okwakira abo abatyaime mu nzikiiza ni mu kinsense eky'olumbe, n'okutereeza ebigere byaife mu ngira ey'eidembe.”

Ab'e Roma 3:17

Tibaidhi kuleetera bantu miraala,