Isaia 59:5 - Baibuli Ekibono kya Katonda 2014

⁵ Enkwe dhe musala dhiba dha kabi ng'amagi g'omusota ogw'obusagwa. Kiisi igi ly'omenha livaamu musota gwa busagwa, era buli alya ku igi ng'oti n'eryo afa bufe. Bye mukola tibyesigika ng'oti n'olutuula lwa nabumbuli.

Isaia 59:5 ပူးပေါင်းရင်းမြစ်များ

Yobu 8:14

Ekintu kye beesiga kikutuka ng'oti wuuzi; ekibayinula kinafu ng'oti n'olutuula lwa nabumbuli.

Ensambo 23:32

Ku nkomerero gukudhumika ng'oti n'omusota ogw'obusagwa.

Isaia 14:29

“Imwe Abafilisiti mwenamwena, mulobe kusanhuka inho waire ng'omwigo ogwabakuba mwenamwena gumenheike; kuba aghabairenga omusota ogwabuliidho, ghaidha kwiragho kiyiri. Era mu igi ly'ekiyiri mulivaamu omusota oguguluka ng'oti nhonhi.

Isaia 34:15

Ebiwigulu birizimba eyo ebisu byabyo, byabiikira eyo amagi, byagagonera, byagaalula, era n'ebito byakulira eyo. N'ensega dhoona ensaadha n'enkazi, dhiryesolokezanga eyo.

Matayo 12:34

Imwe eizaire ery'emisota, musobola mutya okwogera ebikalamu nga muli babi! Ebiidhwire mu mwoyo, omunwa ti bye gwogera?

Matayo 3:7

Bwe yabona Abafarisaayo kamaala n'Abasaddukaayo nga baidha y'ali okubatizibwa, yaabakoba ati: “Imwe eizaire ery'emisota naani eyabalabula okulumuka ekibonerezo ekiri kwidha?