Isaia 59:3 - Baibuli Ekibono kya Katonda 2014

³ Muli n'omusango kuba mwogera eby'obuguya, era mwakola ebikolwa eby'obukambwe n'obutemo.

Isaia 59:3 ပူးပေါင်းရင်းမြစ်များ

Ensambo 6:17

okwebona ng'owa ghaigulu, okuba omuguya, okutemula abantu abaziraku musango,

Isaia 1:15

Agho ni, bwe munaayandhuluzanga emikono gyaimwe nga muneeghemba, tiidhanga kubalingaku; ni bwe munansabanga einho mutya, tiidhanga kubawulirisa; kuba engalo dhaimwe dhisaabaine musaayi.

Isaia 1:21

Kyewuunhisa okubona ng'ekibuga ekyalinga ekyesigwa, kifuuse ng'oti malaaya. Ate nga kyaidhulangamu abantu abakola amazima, era kyabangamu abantu abatuufu. Aye mperaano kirimu batemo beereere.

Isaia 28:15

Musengwa Katonda akoba ati: “Mwesuuta mbu mwakola endagaano n'okufa, era mbu mwataagho entegeeragana ghagati ghaimwe n'amagombe. Era mukoba muti akabi namuzisa bwe kaliidha, imwe tikalibatuukaku, kuba obulimba n'obuguya bye mufiire obulumukiro bwaimwe obubawonia.”

Isaia 3:8

Bwenebwene ekibuga Yerusalemu bakizikiriiza n'ensi Buyudaaya baagireetera okugwa; kuba byonabyona abantu bye bakola ni bye boogera, bivumirira Musengwa Katonda, byanhooma n'ekitiisa kye.

Isaia 30:9

Badheema buliidho era baajiira ku kuguyaguya, baaloba okugondera amateeka ga Musengwa Katonda.

Isaia 44:20

Omuntu oyo ali ng'oti n'ole alya eivu. Aba yeerimbye era ng'adaaliimye, nga takaasobola kuwonia bulamu bwe, waire okwebuuzaaku mule ati: “Ekifaananie kye ngemye mu ngalo dhange ti kya buguya bwereere?”

Isaia 59:13

Twakudheemera twakuvaaku iwe Musengwa Katonda, twaloba kukunonereza iwe Katonda waife. Twatuntuza banaife era twakudheemera. Bye tulowooza bikyamu, ni bye twogera bya buguya.

Isaia 6:5

Naakoba nti: “Nkagwireku era nfiire nze, kuba kiisi kye ndhogera tiikirongoofu, era n'abantu be ndimu bye boogera tiibirongoofu. Aye ate nze mwene mboine Kyabazinga Musengwa Katonda Afuga Amagye.”

Isaia 9:15

omutwe ogwo nga n'abantu abakaire era ab'ebitiibwa, ate omukira nga n'abalanzi abeegeresa eby'obuguya.

Yeremia 2:30

Waire nga nababonereza aye tikyavaamu muganhulo, kuba timwaganha kukangaivulwa naire. Mwatemula abalanzi baimwe nga muli ng'oti n'empologoma ezikiriza bwe yeeruga.

Yeremia 2:34

Ebivaalo byaimwe biriku ebimyamya by'omusaayi gw'abaavu abaziraku musango, era be mutagemangaku nga bali kwiba. “Aye waire ng'ebyo biri bityo,

Yeremia 22:17

Aye iwe weemalira mu bya kufuna mu bukyamu byonka, waita abantu abaziraku musango, era waatuntuza abantu b'ofuga n'obukambwe.”

Yeremia 7:8

“Aye kale muja mwesigulira ku bibono eby'obuguya ebitayamba naire.

Yeremia 9:2

Nguli ndi n'ekifo mu irungu mwe nsobola okuba, nandiviire mu bantu bange naaja naaba eyo; kuba boonaboona ti beesigwa naire, baafuuka kikuukuulu kya bantu ba nkwe.

Yeremia 9:7

Kale ni Musengwa Katonda oyo Afuga Amagye akoba ati: “Bona eno, ndidha kubasaanuusa ng'omuntu bw'asaanuusa ekyuma, era mbeekebeedhe; kuba nzira kindi kya kukolera bantu bange abo.

Ezekieli 13:8

Kale Musengwa Katonda akoba nti: “Olw'okuba okubonekerwa kwe mukoba mbu mufunie kuba kwa bulimba, n'ebyo bye mulanga byaba bya buguya, mbakyaye era buti nfuuse muzigu ye muli.

Ezekieli 22:2

“Iwe omuntu, onaasala omusango? Onaasalira ekibuga ekyo omusango ekiidhwire abatemo? Kale ni kimanhise ebyenhinhalwa byonabyona bye kikola.

Ezekieli 35:6

Agho ni, nze Musengwa Katonda ndayira nti nga bwendi omulamu, nkutegekeire kwitibwa era tolikuwona naire, kuba oli n'omusango ogw'obutemo.

Ezekieli 7:23

era baalireka nga liri bifulukwafulukwa. “Olw'okuba ensi yaimwe eidhwire ebikolwa eby'obutemo n'ekibuga kyaidhula ebikolwa eby'obukambwe,

Ezekieli 9:9

Katonda oyo yandhiramu ati: “Ebibi eby'eighanga Isiraeli ni Buyudaaya bibitiriire obungi. Ensi yaibwe eidhwire ebikolwa eby'obutemo, n'ekibuga kyaidhula obutajiira ku mazima. Bakoba bati, ‘Musengwa Katonda yalekulira agho ensi yaife, era tatubona.’

Hosea 4:2

Balayira bye bataatuukirize, balimba, batemula, baiba, era baakola obwenzi. Okwiza emisango kweyongera bweyongere, era obutemo bubaagho buli kiseera.

Hosea 7:13

Bakagwireku olw'okudaaliima ni banvaaku! Ka bazikirire olw'okundheemera! Nandibaire mbanunula, aye bandhogeraku eby'obuguya.

Hosea 7:3

Musengwa Katonda akoba ati: “Abantu beefuula okuba ng'abasanhusa kyabazinga, aye nga baguya buguye, era beefuula okuba ng'abasanhusa abafuzi baibwe, aye nga balimba bulimbe.

Mika 3:4

Aye ekiseera kiri kwidha, mulirire Musengwa Katonda, aye alobe kubafaaku. Mumusabe, aye alobe kubakolera kye muli kumusaba. Kuba ebikolwa byaimwe bibi.

Mika 6:12

Abakombe mu imwe batuntuza abaavu era mwenamwena mwidhwire buguya.

Mika 7:2

Mu Isiraeli muzira muntu mwesimbu akaasigairemu. Timukaali atya Katonda! Buli muntu aguniriire kakisa ka kutemula, era olw'ekyo buli muntu atega mwine olutuula.

Matayo 27:4

Yaabakoba ati: “Nayona okughaayo omusaayi ogw'omuntu azira musango.” Aye baamukoba bati: “Ebyo bibyo ife tibitugemaaku.”

1 Timotheo 4:2

Bino bisansaanizibwa abantu abaguya, abaafa emyoyo ng'oti n'egyasiriizibwa ekyuma ekyengereire.