Isaia 59:21 - Baibuli Ekibono kya Katonda 2014

²¹ Nkoze n'imwe endagaano, era mbaghaire obuyinza bwange n'endhegeresa yange, bibenga byaimwe buliidho. Era okuva ni mpegaano mwidha kungonderanga era mwegeresenga abaana baimwe okumpuliranga ebyanda n'ebyanda.”

Isaia 59:21 ပူးပေါင်းရင်းမြစ်များ

Zabbuli 119:43

Nhamba okwogeranga amazima buli kiseera, kuba eisuubi lyange liri mu nsala yo.

Okuvaayo 4:15

Oidha kwogera naye omukobere eby'okukoba, era nze mwene ndiba n'iwe naakugalagira eby'okukoba. Era yeena ndiba naye naamugalagira yeena eby'okukoba era ndibagalagira mwembi eky'okukola.

Ensambo 7:3

Banga nabyo ekiseera kyonakyona ng'oti mpeta ku ngalo, era bitenga ku mwoyo gwo ng'oti bighandiike byaku.

Isaia 32:15

Aye ekiseera kirituuka, Katonda yaatuyughaku omwoyo gwe okuva ghaigulu. Olwo eribaire eirungu lyafuuka enimiro egimusa ebirime, ate ebaire enimiro egimusa ebirime yaatwalibwa okuba ng'ekibira.

Isaia 40:8

Waire nga kituufu ng'eisubi liniala n'ekimuli kyamagala, aye ekibono kya Katonda kibaagho ebyanda n'ebyanda.”

Isaia 42:1

Musengwa Katonda akoba ati: “Ono n'omugheereza wange ye mpa amaani, era ye nalondamu aneesiimisa. Namutaamu omwoyo gwange, aleetere amaghanga okusalanga mu mazima.

Isaia 44:3

Ndireeta amaadhi gaagwa mu nsi eziramu waire itondo lya maadhi, era naata emiiga mu itaka eryakala. Ndireeta omwoyo gwange gwaika ku baana baimwe, era naayugha enkabi dhange ku baidhukulu baimwe.

Isaia 49:8

Musengwa Katonda era akoba abantu be ati: “Ekiseera eky'okusaasiriramu bwe kirituuka ndikusaasira, naakuyamba ku lunaku olw'okulokolwa. Ndikulwanirira naakukuuma, era naabita mu iwe okukola endagaano n'abantu boonaboona. Oliizaagho ensi buyaaka, abantu bairamu okubanga mu biketezo byaibwe ebyazika buti.

Isaia 51:16

Nkutaire ebibono byange mu kanwa mwo, era ndidha kukukuumanga n'omukono gwange. Ninze eyabamba eigulu, ni ntaagho n'emisingi gy'ensi, era ni nkoba ab'omu Yerusalemu nti, ‘Niimwe abantu bange.’ ”

Isaia 54:10

Ensozi dhisobola okuvaagho, n'obusozi bwawaagho. Aye nze okugonza kwe nkugonzaamu tikuja kuvaagho, n'endagaano ey'emiraala ye nakola n'iwe teja kukoma.” Atyo bw'akoba Musengwa Katonda oyo akugemerwa ekivunika.

Isaia 55:11

Kale ni, n'ekibono kye ndhogera kityo bwe kinaabanga. Tikiirenga ye ndi nga kiri makaya, aye kiidha kukolanga ebyo bye nhenda, kituukirizenga bukalamu bye nnaabanga nkitumye.

Isaia 55:3

Mwidhe ye ndi mutege amatu; muwulirise bye nkoba musobole okufuna obulamu. Ndikola n'imwe endagaano etaliwaagho, ey'okugonza kwange okutakoma kwe nagonzangamu Daudi.

Isaia 57:19

Nze Musengwa Katonda nkoba nti ninze ndeetera abantu ab'okumpi n'eghala okuba mu miraala. Era ninze ndiwonia abantu bange.

Isaia 66:22

“Ng'eigulu eiyaaka n'ensi empyaka bye ndikola bwe birisigalagho mu maiso gange, n'eizaire lyaimwe lityo bwe lirisigalagho era n'eriina lyaimwe lyona lyasigalagho.

Yeremia 1:9

Agho Musengwa Katonda yaagolola omukono gwe, yangema ku munwa. Yankoba ati: “Bona eno, nkutaire mu kanwa mwo, ebibono byange by'onaayogera.

Yoanne 1:33

Era nali tiidhi nti n'oyo, aye oyo eyantuma okubatiza n'amaadhi yankoba ati, ‘Y'onaabona nga Mwoyo amwikaku era ng'amusigalaku, anaaba nga n'oyo abatiza ni Mwoyo Mutukuvu.’

Yoanne 17:8

Kuba ebibono bye wampa mbibakobeire era baabisangaalira. Bamanhie bati bwenebwene nava y'oli era baikiriza nga niiwe owantuma.

Yoanne 3:34

Oyo Katonda ye yatuma ayogera ebibono bya Katonda, kuba Katonda tagaba Mwoyo we mu bipimo.

Yoanne 4:14

aye kiisi anhwa ku maadhi ge mmugha, taliirayo kuba ndiwo. Amaadhi ago ge ndimugha, mu oyo galifuuka ensulo ey'amaadhi agagha obulamu era gaamugha obulamu obutawaagho.”

Yoanne 7:39

Agho Yesu yali ali kwogera ku Mwoyo abamwikiriza ye baali baja okufuna kuba mu kiseera ekyo Mwoyo yali akaali kugabibwa olw'okuba Yesu yali akaali kutuuka mu kitiisa kya Ise.

Yoanne 8:38

Nze ndhogera ku ebyo Lata by'andaga ate imwe mukola ebyo lata waimwe by'abakoba.”

Ab'e Roma 11:27

Era eno n'eriba endagaano nabo, bwe ndibatoolaku ebibi byaibwe.”

Ab'e Roma 8:9

Aye oba nga bwene Mwoyo wa Katonda ali mu imwe timufugibwa mubiri aye mufugibwa Mwoyo. Kiisi azira Mwoyo wa Kurisito ti wa Kurisito.

2 Ab'e Korintho 3:8

okugheebwa kwa Mwoyo tikulibaaku kumesunkana kusinga okwo?

Abaheburayi 10:16

“Eno n'endagaano ye ndikola nabo mu nnaku edhiidha,” Musengwa atyo bw'akoba. “Ndita amateeka gange mu myoyo gyaibwe, era ndigaghandiika mu bidhuubo byaibwe.”