Isaia 59:2 - Baibuli Ekibono kya Katonda 2014

² Aye mumanhe nti ebibi byaimwe byene n'ebireetera Katonda waimwe okubalekulira agho, yaaloba kubalingaku, waire okuwulirisa bye mumusaba.

Isaia 59:2 ပူးပေါင်းရင်းမြစ်များ

Ensambo 15:29

Musengwa Katonda aba ng'oti ali ghala inho okuwulira ababi nga bamusaba, aye awulirisa mangu okusaba okw'abatuufu.

Isaia 1:15

Agho ni, bwe munaayandhuluzanga emikono gyaimwe nga muneeghemba, tiidhanga kubalingaku; ni bwe munansabanga einho mutya, tiidhanga kubawulirisa; kuba engalo dhaimwe dhisaabaine musaayi.

Isaia 50:1

Musengwa Katonda era akoba ati: “Imwe abantu bange mulowooza muti nababinga, ng'oti n'omusaadha bw'abinga mukazi we? Bwe kiba kityo, memale embaluwa ey'okubabinga eri gha? Oba, mulowooza muti nabatunda mube bairu ng'oti n'omuntu bw'atunda abaana be? Aye naani eyali ammandha memale mmubaguze? Busa naire, mwatwalibwa mu bwiru lwa bibi byaimwe, era ebyonoono byaimwe n'ebyababinza.

Isaia 57:17

Abantu abo nabasungughalira olw'ebibi byaibwe n'okwegomba kwaibwe okubi. Kye nava ni mbabonereza era ni mbalekulira agho nga tikaabalingaku naire. Aye beene beeyongera okunvaaku, era beekalangulira mu mpisa dhaibwe embi.

Isaia 58:4

Okusiiba kwaimwe kubaleetera bukambwe, mwasoola era mwalwana, mwafuntagana bwa bifunsi.’ “Mulowooza muti bwe musiiba mu nsambo ng'oti n'eyo, nze nsobola okuwulirisa okusaba kwaimwe?

Yeremia 5:25

Aye ebibi byaimwe bibaleetera obutafuna bintu ebyo; okwonoona kwaimwe okwo kubafiiriza ebirungi ebyo.

Okulira 1:8

Abantu ab'omu Yerusalemu abo baayonoona inho mu maiso ga Katonda, baamufuukira ekyenhinhalwa. Abaabatangamu ekitiisa baatoolera okubanhooma nga bababona ng'oti n'omuntu ali amadu. Bwenebwene bali mu nnaku era beebwalabwala olw'ensoni.

Ezekieli 39:29

Ndiyugha omwoyo gwange ku b'eighanga Isiraeli, era tiriiramu kabiri kubalekulira agho. Nze Musengwa Katonda ninze nkobye.”

Mika 3:4

Aye ekiseera kiri kwidha, mulirire Musengwa Katonda, aye alobe kubafaaku. Mumusabe, aye alobe kubakolera kye muli kumusaba. Kuba ebikolwa byaimwe bibi.

Yoshua 7:11

Abaisiraeli n'abaakola ekibi, baadheemera ekiragiro kye na balagira, baatwala ku bintu ebyali biri n'okuzikirizibwa. Baabiiba, baaguya bati byaibwe, era baabita ghalala n'ebyaibwe.

1 Samueli 4:3

Abalwani Abaisiraeli abaawonagho bwe baira ghe baasimba weema dhaibwe, abakulu baibwe beebuuzagania bati: “Olwaleero lwaki Musengwa Katonda atughaireyo Abafilisiti ni batughangula obwaga agho? Ka tuje tuleete Esanduuku ey'Endagaano ya Musengwa Katonda okuva e Shilo, Musengwa Katonda aidhe abe ghalala n'ife, atuwonie abazigu baife.”