Isaia 59:16 - Baibuli Ekibono kya Katonda 2014

¹⁶ Yeewuunhia okubona nga ghaziragho muntu waire omulala ati, afaayo kuwolerezaagho abo abatuntuzibwa. Kale mwene alikozesa obuyinza bwe n'obutuufu bwe, yaanunula abantu be okubatuusa ku bughanguzi.

Isaia 59:16 ပူးပေါင်းရင်းမြစ်များ

Zabbuli 106:23

Kyeyava n'akoba ati aja kubazikiriza, okutuusa Musa omulonde we, bweyayemereragho mu maiso ge, n'abawolerezaayo, era n'aikaikania obusungu bwa Katonda eyali aja okubazikiriza.

Zabbuli 94:16

Naani eyambeeraku ng'ababi abo bantanwireku olutalo? Oba naani eyayemerera ku luuyi lwange ng'abakozi b'ebibi baanumbye?

Zabbuli 98:1

Mwenamwena mwembere Musengwa Katonda olwembo oluyaaka, kuba akoze ebyewuunhisa! Olw'obutukuvu bwe ayoleike ng'ali n'obuyinza n'amaani, ebimuleeteire obughanguzi.

Isaia 33:2

Wo Musengwa Katonda, tugemerwe ekivunika, kuba eisuubi lyaife liri mu iwe. Tukuumenga buli kaakyeire, era otulokolenga mu biseera ebizibu.

Isaia 33:3

Bw'osituka okutulwanirira, amaghanga gasansaana gaalumuka okuwowoigana kw'olutalo.

Isaia 40:10

Bwenebwene Musengwa Katonda wuuyo aidha ng'afuga n'amaani n'obuyinza. Wuuyo aidha n'ebirabo eby'okugabira abantu be, n'ebibonerezo eby'okwesasuuliza ku bazigu be.

Isaia 41:28

Bwe ningirira bakatonda b'amaghanga tibonamu alimu makulu, era tibonamu ye nsobola kubuuza n'andhiramu kumpa magezi.

Isaia 50:2

Lwaki tyayagaanagho muntu waire omulala ati lwe naidha okubawonia? Lwaki nayeta ni ghatabaagho anvugira? Omukono gwange n'ogufuuse omumpi einho, nga tigukaasobola kubatuukaku kubanunula? Oba amaani ag'okubawonia ge nzira? Mubone eno, nze nsobola okukaabukira enhandha yaakala, era naafuula aghabaire emiiga ghaaba irungu, ebyenhandha byamu byafa olw'okubulwa amaadhi era byawunha.

Isaia 51:5

Ndija mangu naabawonia, era ekiseera kyange eky'okulokola kiri kumpi. Mwene nze ninze ndifuga amaghanga. Era ensi edh'eghala dhinteegereire nga dhisuubirira mu nze okudhirokola.

Isaia 51:9

Wo Musengwa Katonda, situka otuyambe. Kozesa obuyinza bwo otuwonie, nga bwe wabukozesa mu biseera ebyabita, eira einho. Niiwe wafumita ogusota ogwetebwa Rahabu, era waagutematemamu.

Isaia 52:10

Musengwa Katonda alikozesa omukono gwe omutukuvu ogw'obuyinza, yaalokola abantu be ng'ensi yoonayoona eri kubona.

Isaia 53:1

Abantu bairamu bati: “Naani asobola okwikiriza bye tuwuliire? Era naani asobola okwikiriza ati omukono gwa Musengwa Katonda n'ogwakola ekyo?

Isaia 62:8

Musengwa Katonda yeerayiriire mu buyinza bwe ati: “Bwenebwene tiriirayo kuwaayo mere yaimwe ya mpeke kuliibwa bazigu baimwe. Abagwira tibalinhwa mwenge gwaimwe gwa mizabbibu gwe mwafaabiikanira.

Isaia 64:7

Ghazira aidha y'oli kukusaba ghazira asitukiramu kulumukira y'oli omuyambe. Iwe watwegisaaku era waatulekulira agho mu bibi byaife.

Yeremia 5:1

Imwe abantu b'omu Yerusalemu, muje eno n'ere nga mubitabita mu nguudo dh'ekibuga kyaimwe kino Yerusalemu. Muje nga mwetegereza buli kye mubona, mwagaaze mu mpya dh'ekibuga mubone oba nga munaabonayo omuntu waire omulala ati, akola ebituufu era ajiira ku mazima. Bwemunaamubona, ndidha kusonigha ekibuga kino.

Ezekieli 22:30

Nanoonia mu bantu abo aye tyafunamu waire mulala, asobola okuzimba obuyaaka ekimante waire okukuuma mu bifo ekimante ghe kyawomolwa ebituli, asobole okuwonia ensi eyo, ndobe kugizikiriza.

Mariko 6:6

Era yeewuunhia inho obutaikiriza bwaibwe. Yaabitabita mu byalo ebiriinaine agho ng'ayegeresa.