Isaia 59:14 - Baibuli Ekibono kya Katonda 2014

¹⁴ Tubingagho amazima twaloba kugakoleraku, n'okukola ebituufu kwaloba kuseeta ghe tuli. Amazima tigakaakolebwa mu mpya dha bibuga, n'obwesimbu tibukaaliyo.

Isaia 59:14 ပူးပေါင်းရင်းမြစ်များ

1 Bakyabazinga 21:10

Olwo muleete mu maiso ge abantu babiri abazira kye bagasa, bamulumirize bati, ‘Wavuma Katonda era waavuma ni kyabazinga.’ Memale olwo mumutoolegho, mumutwale mumukube amabaale afe.”

1 Bakyabazinga 21:11

Agho abantu b'omu kibuga Yezireeli, abakulembeze n'abakungu, baakola nga Yezebeli bwe yabalagira mu mbaluwa dhe yabagheereza.

Zabbuli 119:150

Abankiriga banseetaku nga benda okunkola akabi, abantu abo tibagema mateeka go.

Omulangirizi 3:16

Era nabona nga ku nsi, mu kifo aghandibaire okukola amazima oyagaanagho bikolwa bibi, ni mu kifo aghandibaire obutuufu woona waayagaanagho bikolwa bibi.

Isaia 1:21

Kyewuunhisa okubona ng'ekibuga ekyalinga ekyesigwa, kifuuse ng'oti malaaya. Ate nga kyaidhulangamu abantu abakola amazima, era kyabangamu abantu abatuufu. Aye mperaano kirimu batemo beereere.

Isaia 46:12

Imwe abantu ab'empwitu mumpulirise, imwe abali eghala einho n'okulokolebwa:

Isaia 5:23

Beedheereza abantu abaliku emisango baabaleetera okugisinga olw'enguzi, aye abaziraku musango baaloba okubakolera ekituufu ekibagwaniire.

Isaia 5:7

Isiraeli n'eisamba eryo ery'emizabbibu erya Musengwa Katonda Afuga Amagye; abantu b'omu Buyudaaya n'ekirime kye yasimba nga musangaavu. Yabasuubiramu okukola amazima, aye baakola bwa butemo. Yabasuubiramu okukola ebituufu, aye baakola bwa biriza bantu maziga!

Isaia 59:11

Twenatwena twidhula okutya, twavuuma ng'oti bisolo bikambwe, era twalira ng'oti maghemba. Twegomba Katonda aidhe atuwonie okutuntuzibwa, aye ghazira kikolebwa naire. Era twegomba okulokolebwa, aye kwatuba ghala inho.

Isaia 59:4

Ghaziragho muntu awoza musango mu butuufu ng'ali kukolera ku mazima. Aye muwoza ebiziragho, mwayogera eby'obuguya, memale mwasinga omusango. Mutegeka okukola ebibi era mwamala mwabikola, mwayonoonera irala.

Isaia 59:9

Abantu bakoba bati: “Bwenebwene okukola amazima kutuli ghala, n'okukola ebituufu kutuziramu. Tunoonia obutangaavu, aye twabona bwa nzikiiza ndhereere eri bedimudimu.

Yeremia 5:31

Abalanzi balanga bya buguya, ni bakabona bafuga nga bajiira ku balanzi bye balagira, n'imwe abantu bange mwena mwaloba kukitakaniaku naire. Aye mulikola ki ng'enkomerero etuuse?”

Yeremia 7:28

Oidha kubakoba oti eighanga lyaibwe tirimpulira nze Musengwa Katonda waalyo era tiriganha kugalagirwa. Tirikaali na mazima, waire okugoogeraku obwogere.’”

Danieli 8:12

Kaatoolagho ensinza entuufu, kaataagho ensinza etakania okughaayo ebigheebwayo ebyokebwa ebya buli lunaku. Olwo kaakolanga buli kye kaayendanga, era ebintu byakajiiranga bukalamu.

Hosea 7:1

“Buli lwe ngezaaku okuwonia abantu bange Abaisiraeli, nga nhenda ebintu biiremu okubajiira obukalamu, neeyongera bwa kubona obwonoonefu bwaibwe n'ebikolwa ebibi bye bakola: Baguyaguya abantu, baamenha endhu dh'abantu baibamu, era baanhagulula abantu ku ngira.

Amosi 5:11

Mutuntuza abaavu, era mwabakaka babaghe imwe engaano yaibwe. Kale ni waire mwazimba endhu edh'amabaale amabaadhe edh'omulembe, timulidhisulamu. Waire mwasimba amasamba ag'emizabbibu agasanhusa, timuja kunhwa ku mwenge gwamu

Amosi 5:7

Abantu imwe mukagwireku, kuba mufuulaniafuulania amazima, obutuufu mwabusuula ere.

Amosi 6:12

Embalaasi dhisobola okulumukira ku mabaale ag'oku nsozi? Omuntu asobola okulima mu nhandha n'embago ey'ente? Aye imwe amazima mugafiiremu butwa, n'obutuufu mwabufuulaniafuulania.

Habakkuku 1:4

Amateeka tigakaakola era abantu tibakaajiira ku butuufu bwa nsonga. Abakozi ab'ebibi basinga abatuufu emisango lwa kusaliriza kwa balamuzi. Mu nsambo eyo bavuluga obutuufu obw'ensonga.