Isaia 59:11 - Baibuli Ekibono kya Katonda 2014

¹¹ Twenatwena twidhula okutya, twavuuma ng'oti bisolo bikambwe, era twalira ng'oti maghemba. Twegomba Katonda aidhe atuwonie okutuntuzibwa, aye ghazira kikolebwa naire. Era twegomba okulokolebwa, aye kwatuba ghala inho.

Isaia 59:11 ပူးပေါင်းရင်းမြစ်များ

Zabbuli 119:150

Abankiriga banseetaku nga benda okunkola akabi, abantu abo tibagema mateeka go.

Zabbuli 119:155

Abakozi b'ebibi tibaja kulokolebwa, kuba tibakola by'olagira.

Zabbuli 38:8

Banteinteine inho era amaani gampoire; mu mwoyo nzira idembe, mba bwagho naawologoma n'obulumi.

Zabbuli 55:2

Nkusaba ompulirise era ombeere; okweraliikirira kunseeneinia.

Zabbuli 85:9

Mu butuufu bwene mwetegefu okulokola abo abamugha ekitiisa, olwo ekitiisa kye kibe nga kibonebwa mu nsi yaife.

Isaia 38:14

Nabanga agho nga nsinda ng'oti nhonhi. Amaiso ganduyirira olw'okulingiriranga eigulu. Wo Musengwa Katonda, idha omponie obuzibu bwe ndimu.

Isaia 51:20

Abantu bo baziriike bali agho beegolomoire mu maagaanana aga buli luguudo. Bali ng'oti mpongo egwire mu lutuula lw'omuyiizi. Musengwa Katonda abanoziiza n'obusungu bwe, Katonda oyo abakangaiviire n'amaani.

Isaia 59:14

Tubingagho amazima twaloba kugakoleraku, n'okukola ebituufu kwaloba kuseeta ghe tuli. Amazima tigakaakolebwa mu mpya dha bibuga, n'obwesimbu tibukaaliyo.

Isaia 59:8

Timwidhi kyetebwa miraala, era bye mukola tibijiira ku mazima. Mutambulira mu ngira engodegode, era kiisi adhibitamu taba na miraala naire.

Isaia 59:9

Abantu bakoba bati: “Bwenebwene okukola amazima kutuli ghala, n'okukola ebituufu kutuziramu. Tunoonia obutangaavu, aye twabona bwa nzikiiza ndhereere eri bedimudimu.

Yeremia 8:15

Twasuubira okufuna emiraala, aye ghazira kalungi ke twafunamu. Era twasuubira okufuna ekiseera eky'okuwonezebwa, aye bona eno, twafuna bwa bitutiisa.

Yeremia 9:1

Nguli omutwe gwange gwali n'amaadhi mangi ng'oti kidiba, n'amaiso gange ni gaba n'amaziga mangi ng'oti maadhi agakuuluula okuva mu nhindo dh'ensulo, nandirizenga amaziga omusana n'obwire olw'abantu bange abaitibwa.

Okulira 3:17

Omwoyo gwange taguganha kufuna miraala, era nze neerabira ira ekyetebwa isanhu.

Ezekieli 7:16

Aye abaliwonagho balirumukira mu nsozi, baaba ng'oti n'amayemba ag'omu biiko agatiire ni galumukayo. Boonaboona baliba mu kulira maziga, nga buli muntu alira olw'ebibi bye.

Hosea 7:14

Tibansabangaku na mwoyo mulala, aye beetandigira bwa bigwo ku itaka baawowoola ng'oti n'abataidhi Katonda. Era bwebasaba engaano n'omwenge ogw'emizabbibu, beesalasala ku mubiri ng'oti n'abatatya Katonda bwe bakola. Aye nze bandheemera budheemere!

Nahumu 2:7

Inhebantu bamutoiremu ebivaalo era baaja naye nga musibe. Abaghala abamugheereza bali kugegenga, baalira ng'oti njiibwa, nga beekuba mu bifuba olw'okunakughala.

Nahumu 2:8

Abantu bali kulumuka okuva mu kibuga Nineve ng'oti n'amaadhi bwe gayoolooka okuva mu kidiba ekyabiike. Omuduumizi ali kukanda kweta ati: “Mwemerere! Mwemerere,” aye nga ghazira akyuka kwira.