Isaia 59:10 - Baibuli Ekibono kya Katonda 2014

¹⁰ Tuja nga tughaamanta ku bimante ng'oti n'abatulu abatabona. Era twaja nga twekontola ni mu kasana ghagati nga buli ng'oti bwire, twaba ng'oti n'abali mu nsi y'abafu.

Isaia 59:10 ပူးပေါင်းရင်းမြစ်များ

Yobu 5:14

Omusana baba bali mu nzikiiza, era baaghaamanta mu kasana ghagati oti bwire.

Ensambo 4:19

Aye obulamu obw'abakozi ab'ebibi buli ng'oti nzikiiza egemye bedimudimu; ni bwe bagwa tibamanha na kye beekontoireku.

Isaia 28:13

Kale ni, Musengwa Katonda ky'aliva n'abeegeresa eisomo ku isomo, ekiragiro ku kiragiro, n'akanhiriri ku kanhiriri. Olwo baje ekyeinhumainhuma bagwe enume y'ekigwo, olutuula lubagemye babatwale nga basibe.

Isaia 8:14

Ninze ekifo ekitukuvu mwe muliwonera. Aye ab'omu bwakyabazinga bwombi, obwa Isiraeli n'obwa Buyudaaya, nga kw'otaire n'abatyamye b'omu Yerusalemu, ndibafuukira eibaale kwe beekontola n'ekitimuguunha kwe beeguunha ni bagwa, era naabafuukira olutuula olubagemya.

Isaia 8:15

Bwenebwene bangi abalineeguunhaku ni bagwa, ni bategebwa olutuula ni lubagemya.”

Yeremia 13:16

Mughe Musengwa Katonda waimwe ekitiisa ng'akaali kuleeta nzikiiza ni mwekontola ku nsozi. Era nga n'obutangaavu bwe mwasuubira akaali kubufuula nzikiiza eri bedimudimu.

Okulira 3:6

Yanta mu nzikiiza yansibira omwo, naaba ng'oti n'abaafa eira.

Okulira 4:14

Abalanzi abo ni bakabona abo baatambulatambulanga eyo batyo mu nguudo edh'ekibuga ng'oti batulu, nga boonoonefu olw'omusaayi gw'abantu be baitanga, era ng'olw'ekyo ghazira muntu agema ku bivaalo byaibwe.

Ezekieli 21:15

Empiima eyo ereetera emyoyo gy'abantu okutekemuka, beekontola baagwa n'okugwa. Ngitaire mu kibuga nga bagizigwire, eri kumyansa ng'oti lukuba, ng'eteegereire okutirimbula.

Amosi 8:9

Ku lunaku olwo, ndiragira endhuba yaagwa mu kasana ghagati, era naasindika enzikiiza yaagema ku nsi.” Musengwa Katonda atyo bw'akoba.

Mika 3:6

Musengwa Katonda akoba abalanzi abo ati: “Abalanzi imwe, obwaimwe buli kuziba, endhuba eri kugwa! Olw'okuba mudaaliimya abantu bange, timukaayolekerwa, era timukaasobola kulanga kintu ni kituukirira.”

Yoanne 12:35

Yesu yaabairamu ati: “Ekimuliikirira kiriku mu imwe entangama. Mutambule nga mukaali n'ekimuliikirira, tomanha nzikiiza bw'ebaagaana. Kuba atambula mu nzikiiza tamanha y'aja.

Yoanne 12:40

“Katonda abatuluwaiza, era yaakalangusa emyoyo, balobe kubona na maiso gaibwe, waire kutegeera na myoyo gyaibwe. Ti kulwa nga bagaluka baira ye ndi naabawonia.”

Amateeka Agokubiri 28:29

Mwidha kughaamantanga mu kasana ghagati, ng'oti n'omutulu bw'aghaamanta mu nzikiiza, era timuubenga na nkabi mu bye mukola. Mwidha kutuntuzibwanga era munhagibwengaku ebyaimwe buli kiseera, nga ghazira ababeera.

1 Yoanne 2:11

Aye oyo akyagha muganda we aba mu nzikiiza era atambulira mu nzikiiza, era tamanha y'alaga; kuba enzikiiza eba emuzibye amaiso.