Isaia 58:9 - Baibuli Ekibono kya Katonda 2014

⁹ Bwe munandhetanga ndidha kuvugiranga, era bwe munandiriranga ndidhanga kubairamu nti, ‘Ndi ghano!’ “Bwe mulyetoolamu omuze ogw'okutuntuza banaimwe, okubanhoomerera, n'okuboogeraku ebibi,

Isaia 58:9 ပူးပေါင်းရင်းမြစ်များ

Amainhama 27:18

Yakobo yaaja eri ise, yaakoba ati: “Bbaaba!” Yaavugira ati: “Ndi ghano. Niiwe ani mwana wange?”

Yobu 22:27

Aidha kukuwuliranga ng'oli ni ky'omusaba, era oidha kutuukirizanga ky'onaabanga weeyamye okukola.

Zabbuli 118:5

Bwenali ndi mu kweraliikirira nalirira Musengwa Katonda yampulira, yantoola mu buzibu.

Zabbuli 12:2

Buli muntu aguya mwine, yaasuutiriza mwine ku munwa, aye nga mu mwoyo muguya.

Zabbuli 145:18

Abo abasaba Musengwa Katonda, Musengwa Katonda oyo tabasuulirira, abo ababa nga bamusabye n'omwoyo omulala.

Zabbuli 20:6

Buti ntegeire nga Musengwa Katonda aleetera kyabazinga we ye yasiiga omuzigo okughangula; awulira okusaba kwe ng'ali mu igulu lye eitukuvu, yaamugha obughanguzi obutaloodheka, ng'akozesa omukono gwe omusaadha ogw'amaani.

Zabbuli 37:4

Eisanhu lyo lyagalire mu Musengwa Katonda, aidha kukugha omwoyo gwo bye gwenda.

Zabbuli 50:15

Munsabenga nga muli mu bizibu, ndidhanga kubawonia, imwe muntengamu ekitiisa.”

Zabbuli 91:15

Bw'anandhetanga ndidha kumuvugiranga; ndidha kubanga ghalala naye mu buli kizibu. Mmuwonienga ebimunhigiriza, era mmugheesenga ekitiisa.

Ensambo 6:13

yaanhiiranhiira amaiso, yaasiita ebigere ku itaka, oba yaaghemya n'engalo dhe.

Isaia 1:15

Agho ni, bwe munaayandhuluzanga emikono gyaimwe nga muneeghemba, tiidhanga kubalingaku; ni bwe munansabanga einho mutya, tiidhanga kubawulirisa; kuba engalo dhaimwe dhisaabaine musaayi.

Isaia 30:19

Imwe abantu ababa mu Yerusalemu, timukairamu kabiri kulira maziga. Oluliba okulira muti, nga Musengwa Katonda abagemerwa kivunika ng'awuliire okulira kwaimwe, ng'abagha kye mumusabye.

Isaia 55:6

Munoonie Musengwa Katonda nga mukaasobola okumubona gh'ali, mumusabe ng'akaabali kumpi.

Isaia 57:4

Imwe aboonooni era abaguya, naani ye muli kuleetaku omuzaanho? Naani ye muli kwasamizaaku eminwa okumusungiriza?

Isaia 58:6

“ ‘Okusiiba nze kwe nhenda ni kuno: Musibule endhegere n'ebikoligo ebisibiriire abantu mu kutuntuzibwa. Abasibe abatuntuzibwa, mubalekule baje nga ba idembe. Mumaliregho irala ebikoligo byonabyona ebireetera abantu okutuntuzibwa.

Isaia 59:1

Mutalowooza muti amaani ga Musengwa Katonda gaakoma, yaaba nga takaasobola kubalokola. Oba okulowooza muti amatu ge gaasemba, gaaba nga tigakaabawulira, nga muli kumweta okubayamba.

Isaia 59:13

Twakudheemera twakuvaaku iwe Musengwa Katonda, twaloba kukunonereza iwe Katonda waife. Twatuntuza banaife era twakudheemera. Bye tulowooza bikyamu, ni bye twogera bya buguya.

Isaia 65:24

Banaabanga bakaali na kundheta nga nabawuliire ira, era banaajanga okumala okunsaba nga nabaizeemu ira.

Okulira 3:57

Bwe nakulirira waseeta kumpi ninze era wankoba oti, ‘Otatya.’

Ezekieli 13:8

Kale Musengwa Katonda akoba nti: “Olw'okuba okubonekerwa kwe mukoba mbu mufunie kuba kwa bulimba, n'ebyo bye mulanga byaba bya buguya, mbakyaye era buti nfuuse muzigu ye muli.

Danieli 9:20

Agho neeyongera okusaba, n'okwatula ebibi byange n'eby'abantu bange Abaisiraeli, n'okweghemba Musengwa Katonda wange, nga mmusaba aizeegho ekitiisa ky'olusozi lwe olutukuvu.

Abalevi 6:5

oba ekyo kyonakyona kye yeelayiriraku ebiziramu ati takibonangaku. Omuntu oyo, ku lunaku lw'anaagheerangaku ekigheebwayo kye ng'omutango, anaizangagho ekintu ekyo nga kiramba, era yaayongeraku n'omutango gwa kitundu kirala kirala ku buli bitundu bitaanu eby'ekintu ekyo era anaatoolanga ekintu ekyo yaakigemya ole mwene kyo.

Zekaria 10:2

Abantu beebuuza ku misambwa, ni ku balaguzi, ni ku bavuunuzi b'ebirooto, aye bye babairamu bya buguya byereere era bizira kye bibayamba naire. Kale ekyo kyaleetera abantu okutambulatambula eyo batyo ng'oti ntaama edhibuze. Olwo baadaazibwadaazibwa olw'okubulwa omukulembeze.

Zekaria 13:9

Era abo abaliba mu kitundu ekyo ekirala ndibatukuza ng'oti ni feeza bwe bamukenenula mu muliro, era naabagezesa ng'oti ni zaabu bwe bamugezesa. Balinsaba, era zeena naabairamu. Ndibeeta bantu bange, era boona bandheta Katonda waibwe.”