Isaia 58:7 - Baibuli Ekibono kya Katonda 2014

⁷ Abo abali endhala mubaghenga ku mere yaimwe, n'abaavu abazira maka mubaingizenga mu maka gaimwe. Abo ababita amadu mubaghenga eby'okuvaala, era mutalobanga kuyamba bantu babaliku luganda.

Isaia 58:7 ပူးပေါင်းရင်းမြစ်များ

Amainhama 19:14

Agho Loti yaafuluma, yaakoba abasaadha abaali ab'okubayiza baghala be ati: “Musitukiremu, muve mu kifo kino, kuba Musengwa Katonda ali kumpi okuzikiriza ekibuga.” Aye bale baadhuuba bati ali kudhondha budhondhe.

Amainhama 19:2

yaakoba ati: “Basengwa bange, mbeeghembye mwidheku ewange nze ndi mugheereza waimwe. Munaabeku ku bigere era musule ghano. Munaawuuna ku nkyo mweyongerayo.” Aye bairamu bati: “Busa, ife twidha kusula ghano mu ngira.”

2 Ebyomubyanda 28:15

Agho abasaadha bale ab'omu kika kya Efuraimu aboogeirwaku baasituka, baatwala abasibe abaali amadu, baabagha engoye nga batoola ku munhago baabavaaza era baabagha n'engaito. Baabafunira eby'okulya n'eby'okunhwa, era baabasiiga omuzigo ogw'ebibala eby'emiti emyoliva. Abo abaali nga baziramu maani baabatwalira ku ndogoyi, baabatuusa mu boluganda lwaibwe e Yeriko, ekibuga eky'emiti eminaazi. Agho Abaisiraeli bairayo e Samaria.

Nehemia 5:5

Ate nga twena tuli ba musaayi mulala ni Bayudaaya banaife abo. Abaana abaife, boona baana ng'oti n'abaibwe bwe bali. Aye ife tukaka batabane baife ni baghala baife okuba abairu. Era baghala baife abandi twabatunda ira mu bwiru. Ate nga ekyo titughanga kukyebeera, kuba enimiro dhaife, n'amasamba gaife ag'emizabbibu, biri mu buyinza bwa bantu bandi.”

Yobu 22:7

Abakooye tiwabaghanga maadhi kunhwa, era waimanga abayala emere.

Zabbuli 112:9

Agabira abaavu na mwoyo mulala, era ekisa kye tikimuwaaku, aidha kusiimibwanga Katonda era agheebwenga ekitiibwa ebyanda n'ebyanda.

Ensambo 11:17

Omuntu ow'ekisa akifunamu omuganhulo, aye akola eby'obukambwe yeerumya mwene.

Ensambo 22:9

Wa nkabi oyo omugabi, kuba agha abaavu ku mere ye.

Ensambo 24:11

Owonianga abantu be bali kutwala okwita, era waaloberanga abantu okubaghaluudhania, okuja okubatirimbula.

Ensambo 25:21

Omuzigu wo endhala bw'emulumanga omughanga eky'okulya, era bw'abanga endiwo omughanga eky'okunhwa.

Ensambo 28:27

Omuntu agabira abaavu taja kwavughalanga, aye ole ababona n'atabafaaku alikolimirwa inho.

Isaia 58:10

ni mugha abali endhala emere, n'abo abadaazibwadaazibwa ni mubagha bye beetaaga, olwo enzikiiza egemye bedimudimu ebeezungulwire imwe, erifuuka ng'oti n'obutangaavu obw'omu kasana ghagati.

Yeremia 22:3

Musengwa Katonda oyo akoba ati mukolenga amazima n'ebituufu. Omuntu ye batuntuza mumuwonienga ole amutuntuza. Era mutakolanga kibi kyonakyona oba ekikolwa eky'obukambwe ku basenze, oba bamulekwa, oba banamwandu, oba okwitanga abantu abaziraku musango mu ighanga lino.

Ezekieli 18:16

era nga ghazira muntu yeenayeena y'akolaku kibi. Nga tatwala musingo gwa muntu yamwewolaku, waire okunhaga ekintu ku muntu yeenayeena. Aye ng'agha abayala eby'okulya, n'abali amadu yaabagha eby'okuvaala.

Ezekieli 18:7

Atafufunkiriza muntu yeenayeena, era atanhaga kintu kyonakyona ku muntu. Airiza eyamwewolaku omusingo gwe, n'agha omuyala eky'okulya, era n'agha ali amadu eky'okuvaala.

Danieli 4:27

Agho ni, Isebantu kyabazinga, ganha amagezi ge nja okukugha: Lekera okukola ebibi okole ebituufu, era olekere okwonoona oyoleke okusaasira eri abo abanhigirizibwa. Oba katyo, olwo ebintu binaakujiiranga bukalamu.”

Luka 11:41

Ebiri munda mubigabirenga abaavu, era agho byonabyona lwe binaabanga ebirongoofu.

Luka 19:8

Agho Zakkayo yaayemerera yaakoba Musengwa ati: “Musengwa, ndidha kwawulamu ghagati ebintu byange, ekitundu ekindi nkigabire abaavu era oba nga ghaligho omuntu yeenayeena ye nakupankupaniaku ekikye kyonakyona, ndidha kukimuliyira emikuzi ena.”

Luka 3:11

Yaabairamu ati: “Ali n'ebivaalo ebibiri agheeku azira, n'oyo ali n'emere yeena akole n'ekirala.”

Ebikolwa by'Abatume 16:15

Ono n'ab'omu ndhu ye bwe baamala okubatizibwa, yaatusaba ng'akoba ati: “Oba nga muboine nga ndhikiriza Musengwa bwenebwene, mwidhe mube ewange.” Yaatwikirizisa twaja.

Ebikolwa by'Abatume 16:34

Agho yaatwala Paulo ni Sila mu ndhu ye, yaabagha eby'okulya. Yaasangaala ghalala n'ab'omu ndhu ye boonaboona, olw'okuba baikiriza Katonda.

Ab'e Roma 12:13

Mutoolenga ku byaimwe mughenga abantu ba Katonda. Musangaalirenga abageni.

Amateeka Agokubiri 22:1

“Otabonanga nte ya mwino oba ntaama ye, ng'eri kubula, n'ogireka buleke. Ogiizanga y'ali.

1 Timotheo 5:10

Namwandu oyo ateekwa okuba nga amanhiibwa olw'ebikolwa ebikalamu: nga yakuza bukalamu abaana be, nga yasangaaliranga abageni, nga yanaazanga ebigere eby'abantu ba Katonda, nga yayambanga abali mu buzibu, era nga yeeghaayo inho okukola obukalamu mu buli nsambo.

Filemoni 1:7

Muganda wange, okugonza kwo kundeeteire okusagamba einho era n'okwiramu amaani, kuba ku lulwo emyoyo gy'abatuukirivu, giize buyaaka.

Abalamuzi 9:2

“Mubuuze abantu ab'e Shekemu boonaboona muti, ‘Kye mwenda n'ekiri gha ku bino: okufugibwanga batabane ba Gideoni boonaboona ensanvu, oba okufugibwanga omuntu omulala yenka?’ Mwidhukire nga nze ndi musaayi gwaimwe.”