Isaia 58:12 - Baibuli Ekibono kya Katonda 2014

¹² Mulizimba buyaaka ebifo eby'eira ebyayonoonebwa, mwaizaagho emisingi egy'ebyanda eby'eira einho, era mwamanhibwa nga niimwe abaalongoosa ni mwiza obuyaaka endhu edhaayonoonebwa.”

Isaia 58:12 ပူးပေါင်းရင်းမြစ်များ

Nehemia 2:17

Agho naabakoba nti: “Mubona obuzibu bwe tulimu? Buti Yerusalemu baakizikiriza kyafuuka bifulukwa byereere, n'emiryango gyakyo baagyokya omuliro. Kale ni mwidhe tuzimbe ekimante ku Yerusalemu tulekere agho kuswala.”

Nehemia 2:5

memale naakoba kyabazinga nti: “Isebantu kyabazinga, bw'oba ng'osiima bye nkola era nga tikiikusungughaze, nkusaba ondeke nje e Buyudaaya, mu kibuga omuli amagombe ga badhaadha bange, ndhiremu okukizimba.”

Nehemia 6:1

Agho baakobera Saniballati, ni Tobia, ni Geshemu Omuwarabu, n'abazigu baife abandi boonaboona, bati namala okuzimba ekimante ekyo, era nga tikikaalimu bituli aye nga mu butuufu, mu kiseera ekyo nali nkaali kuta ndhigi mu miryango.

Yobu 3:14

ghalala ni bakyabazinga n'abafuzi abandi ab'oku nsi, abaazimbira obuyaaka ebisaagaati ebyabanga ebifulukwa.

Isaia 30:13

agho ni muliku omusango era gubaleeteire okuba ng'oti n'ekimante ekigungumavu ekyetemye ogutanda, nga kiruyiriire era nga kiri kugwa amangu geene, mu kaseera buseera.

Isaia 44:28

Ninze nkoba Kuro nti, ‘Niiwe omufuzi ye ntairegho otuukirize byonabyona bye nhenda.’ Naalagira Yerusalemu nti, ‘Oidha kuzimbibwa buyaaka,’ era naakoba n'eisinzizo nti, ‘Omusingi gwo gwidha kuteebwagho.’ ”

Isaia 49:8

Musengwa Katonda era akoba abantu be ati: “Ekiseera eky'okusaasiriramu bwe kirituuka ndikusaasira, naakuyamba ku lunaku olw'okulokolwa. Ndikulwanirira naakukuuma, era naabita mu iwe okukola endagaano n'abantu boonaboona. Oliizaagho ensi buyaaka, abantu bairamu okubanga mu biketezo byaibwe ebyazika buti.

Isaia 51:3

Ndisaasira Yerusalemu n'abantu boonaboona ababa mu bifo byakyo ebyayonoonebwa. Ebiketezo byakyo eby'eirungu ndibifuula byaba ng'oti n'enimiro y'Edeni, ng'oti n'enimiro yange yeene nze mwene ye neerimira. Okusangaala n'okusagamba n'ebiribanga eyo, nga kw'otaire n'enhembo edh'okuneebaza n'okunsaaka.

Isaia 52:9

Imwe ebifo bya Yerusalemu ebyayonoonebwa, mutimbuke mwembe enhembo; kuba Musengwa Katonda agumiiza abantu be, yaanunula Yerusalemu.

Isaia 61:4

Balizimba buyaaka ebifo eby'eira ebyayonooneka, era baizaagho buyaaka ebyo ebyali bifuuse ebifulukwafulukwa. Balirongoosa ebibuga ebyayonoonebwa ni bimala emyaka kamaala nga birekeibwa bw'agho bityo.

Yeremia 31:38

Musengwa Katonda era akoba ati: “Ekiseera kiri kwidha bairemu okuzimba ekibuga Yerusalemu, okuva ku kituuti ekyetebwa ekya Hananeli mu bugwandhuba, okutuuka ku gwetebwa Omulyango ogw'omu Nsonda.

Ezekieli 13:5

Tibakuuma mu bifo ebimante ghe byawomolwa ebituli, waire okuzimba obuyaaka ebimante ebyo, basobole okulwanirira abantu b'eighanga Isiraeli mu lutalo, ng'olunaku lwa Musengwa Katonda lutuuse.

Ezekieli 36:33

Agho Musengwa Katonda yaakoba ati: “Ku lunaku olwo lwe ndibanaazaaku ebibi byaimwe byonabyona, ndibaleetera okwiramu okubanga mu bibuga byaimwe, n'okuzimba obuyaaka ebifo ebyayonoonebwa.

Ezekieli 36:4

Agho ni, imwe ensozi edh'omu Isiraeli, muwulirise bino nze Musengwa Katonda bye ndi kukoba ensozi, n'obusozi, n'obwinhamo, n'ebiiko, n'ebifo bye baazikiriza ni bisigala agho bityo nga biri bifulukwa byereere, n'ebibuga bye baanhagulula ni babireka agho nga muzira bantu, buti ebyafuuka enseko eri amaghanga goonagoona agabaliinaine.

Danieli 9:25

Agho ni kimanhe era okitegeere ng'okuva ku kiseera ekiragiro eky'okuzimba Yerusalemu obuyaaka lwe kirigheebwa, okutuuka ku kwidha kw'omukulembeze omulonde wa Katonda, ghaja kubitagho emyaka nsanvu emikuzi musanvu. Olwo ghabeegho emyaka nkaaga n'ebiri emikuzi musanvu, egy'okuzimbiramu Yerusalemu obuyaaka, n'enguudo dhaakyo, n'ekimante ekigumu okukyezunguluza. Aye ekiseera ekyo kiriba kya bizibu.

Amosi 9:11

Musengwa Katonda akoba ati: “Olunaku lwidha kutuuka ndhizeegho obwakyabazinga bwa Daudi, nga bwe bwalinga mu biseera Daudi mwe yabeera kyabazinga kuba buti buli ng'oti n'endhu eyagwa. Kale nja kuzimba ebimante byayo buyaaka, ngiizeegho nga bwe yalinga eira.

Amosi 9:14

Ndidha kwirizaagho abantu bange Abaisiraeli ebirungi. Baidha kwiramu okuzimba ebibuga byaibwe ebyazikirizibwa era babityamemu. Baidha kusimbanga amasamba ag'emizabbibu, era banhwenga omwenge ogugivaamu. Baidha kulimanga emere era bagirye.

Mika 7:11

Abantu ab'e Yerusalemu, ekiseera kiidha kutuuka musobole okuzimba ekimante okwezunguluza ekibuga kyaimwe. Era agho Yerusalemu kija kugazigha ensalosalo dhaakyo.