Isaia 58:10 - Baibuli Ekibono kya Katonda 2014

¹⁰ ni mugha abali endhala emere, n'abo abadaazibwadaazibwa ni mubagha bye beetaaga, olwo enzikiiza egemye bedimudimu ebeezungulwire imwe, erifuuka ng'oti n'obutangaavu obw'omu kasana ghagati.

Isaia 58:10 ပူးပေါင်းရင်းမြစ်များ

Yobu 11:17

Obulamu bwo bwidha kwakayakana okusinga obutangaavu obw'omu kasana ghagati. Ebizibu eby'omu bulamu bwo biidha kukyuka ng'oti n'enzikiiza bw'efuuka obutangaavu ku nkyo.

Yobu 31:31

Abantu boonaboona ababa mu maka gange baidhi bati kiisi muntu eyaidhanga ye ndi, yagabulwanga eby'okulya yaiguta.

Zabbuli 112:4

Obutangaavu bwidha mu nzikiiza bwamuliikirira abo abatya Katonda, era bwayakira abo ab'ekivunika, abasaasizi era abatuufu.

Zabbuli 37:6

Aidha kwoleka nga bw'oziraku omusango, n'obutuufu bwo bumesunkane ng'endhuba ey'omu kasana ghagati.

Zabbuli 41:1

Wa nkabi oyo afaayo ku baavu, Musengwa Katonda aidha kumutoolanga mu bizibu, ng'ali mu biseera ebizibu.

Ensambo 14:31

Omuntu atuntuza omwavu aba ali kuvuma Katonda eyamutonda, aye ole agemerwa omuntu ali mu bwetaavu ekivunika aba atya Katonda.

Ensambo 28:27

Omuntu agabira abaavu taja kwavughalanga, aye ole ababona n'atabafaaku alikolimirwa inho.

Isaia 29:18

Ku lunaku olwo, abaasemba amatu baliwulira ng'ekitabo kiri kusomwa, n'amaiso g'abatulu ababaire mu nzikiiza etiisa einho, galimoga gaabona.

Isaia 42:16

Ndikulemberamu abatulu, naababisa mu ngira dhe bataidhi. Enzikiiza ye balimu ndigifuula butangaavu, naasaania aghali ebikonko, baabita aghatereevu. Ebyo ndibibakolera, era tiribalekulira agho.

Isaia 60:2

Bona eno, enzikiiza erigema ku nsi, enzikiiza eri bedimudimu yaasandikira amaghanga. Aye Musengwa Katonda alivaayo ng'oti ndhuba yaakwakiraku, n'ekitiisa kye kya bonekera ku iwe.

Ezekieli 18:16

era nga ghazira muntu yeenayeena y'akolaku kibi. Nga tatwala musingo gwa muntu yamwewolaku, waire okunhaga ekintu ku muntu yeenayeena. Aye ng'agha abayala eby'okulya, n'abali amadu yaabagha eby'okuvaala.

Zekaria 14:7

Era teribaayo nzikiiza. Bulibanga musana ekiseera kyonakyona. Ni mu kiseera eky'obwire, ghalibangagho butangaavu ng'oti musana. Aye Musengwa Katonda yenka naidhi ekiseera ekyo ghe kiribeeragho.

Zekaria 6:15

Abantu ab'eghala baliidha baayamba mu kuzimba obuyaaka eisinzizo lya Musengwa Katonda, olwo mwamanha nga Musengwa Katonda Afuga Amagye n'eyantuma ye muli. Ebyo birituukirira, bwe muligondera n'omwoyo omulala ebyo Musengwa Katonda waimwe by'alagira.

Luka 18:22

Yesu bwe yawulira ekyo yaamukoba ati: “Okaabuzaayo ekintu kirala. Ja otoole by'oli nabyo byonabyona ogabire abaavu, eby'obukombe oliba nabyo mu igulu era oidhe obitenga ninze.”

Amateeka Agokubiri 15:4

“Musengwa Katonda waimwe aidha kubaghanga enkabi mu nsi y'ali kubagha okutwala, ebe obutaka bwaimwe. Era mu imwe timuubengamu mwavu,