Isaia 58:1 - Baibuli Ekibono kya Katonda 2014

¹ Musengwa Katonda era akoba ati: “Kaabuka era oyasiikane nga bw'osobola, obe ng'oti kuvuga kwa igwala. Okobere abantu bange okusobya kwaibwe; oyatulire ab'endhu ya Yakobo abo ebibi byaibwe.

Isaia 58:1 ပူးပေါင်းရင်းမြစ်များ

Isaia 2:5

Kale ni, imwe baidhukulu ba Yakobo, mwidhe tutambulire mu butangaavu bwa Musengwa Katonda.

Isaia 27:13

Ku lunaku olwo, eigwala lirivuga n'amaani, okweta Abaisiraeli boonaboona abaliba mu Assiria ni mu Misiri, baidha baasinza Musengwa Katonda ku lusozi olutukuvu mu Yerusalemu.

Isaia 40:6

Agho naawulira amamiro nga gakoba gati: “Langirira!” Nze naabuuza nti: “Kiki kye mbe nangirire?” Amamiro gandhiramu gati: “Langirira oti buli ekiri n'omubiri kiri ng'oti isubi, n'omunhiriro gwakyo guli ng'oti kimuli kya mu nsiko.

Isaia 43:27

Dhaadha waimwe eyasooka yakola ebibi, n'abakulembeze baimwe boona baayonoona bansungughaza.

Isaia 50:1

Musengwa Katonda era akoba ati: “Imwe abantu bange mulowooza muti nababinga, ng'oti n'omusaadha bw'abinga mukazi we? Bwe kiba kityo, memale embaluwa ey'okubabinga eri gha? Oba, mulowooza muti nabatunda mube bairu ng'oti n'omuntu bw'atunda abaana be? Aye naani eyali ammandha memale mmubaguze? Busa naire, mwatwalibwa mu bwiru lwa bibi byaimwe, era ebyonoono byaimwe n'ebyababinza.

Isaia 56:10

Abakulembeze b'abantu bange bali ng'oti batulu beene. Tibakaalimu magezi, bali ng'oti n'embwa edhitaboigola. Baba mu kuwongera, na mu kutenduka ndoolo, na mu kuloota.

Isaia 57:12

Imwe mulowooza muti bye mukola bituufu, aye nze ndyerula ebikolwa byaimwe, era ebyo bye musinza ebitali Katonda biriba tibikaabagasa naire.

Isaia 59:12

“Wo Musengwa Katonda, twakola ebibi kamaala y'oli, era okusobya kwaife okwo kwene kutulumiriza kuba ebibi byaife tubibona, n'okusobya kwaife tukwidhi bukalamu.

Yeremia 2:2

“Ja olangirire eri ab'omu Yerusalemu boonaboona, oti Musengwa Katonda akoba ati, ‘Ndidhi nga bwe wali omwesigwa ng'okaali muto, era nga bwe wali n'okugonza ng'okaali mugole. Waanonerezanga nga tuli mu irungu, mu nsi ezira kintu kisigibwamu naire.

Yeremia 36:9

Mu mwezi ogwomwenda ogw'omwaka ogwokutaanu nga Yehoiakimu ni kyabazinga wa Buyudaaya, baalangirira ekisiibo olw'okusaba Musengwa Katonda. Abantu boonaboona ab'omu Yerusalemu, n'abo boonaboona abaidha nga bava mu bibuga eby'omu Buyudaaya ebindi, baasiiba.

Yeremia 6:17

Agho Musengwa Katonda yaabateeragho abakuumi, yaabakoba ati: “Muwulirise eigwala bwe banaalifuuwa okubalabula.” Aye baakoba bati: “Titwidha kuwulirisa.”

Okulira 2:14

Abalanzi baimwe, mu kifo eky'okubakobera okubonekerwa okuva ewa Katonda, baabakoberanga bya buguya, ebibi byaimwe baabighembaku bughembe okubafiiriza enkabi. Obukwenda obuva ye Katonda baabubakobera mu busobu, bwabaleetera okudaaliima.

Ezekieli 11:4

Kale ni, iwe omuntu, langirira obavumirire.”

Ezekieli 16:2

“Iwe omuntu, manhisa Yerusalemu ebyenhinhalwa bye kikola,

Ezekieli 20:4

“Iwe omuntu, oli mwetegefu okubasalira omusango? Bwenebwene oli mwetegefu? Kale ni baidhukize ebyenhinhalwa badhaadha baibwe bye baakola.

Ezekieli 22:2

“Iwe omuntu, onaasala omusango? Onaasalira ekibuga ekyo omusango ekiidhwire abatemo? Kale ni kimanhise ebyenhinhalwa byonabyona bye kikola.

Ezekieli 23:36

Agho Musengwa Katonda yaayogera ninze, yankoba ati: “Iwe omuntu, onaasalira Ohola ni Oholiba omusango? Kale bakobere ebyenhinhalwa bye baakola obalumirize.

Ezekieli 33:3

Bw'abona ng'olutalo luli kwidha, afuuwa eigwala okulabula abantu.

Hosea 8:1

Musengwa Katonda akoba ati: “Mufuughe amagwala agalaalika olutalo! Abazigu bali kwidha okugwa ku nsi yange Isiraeli ng'oti nsega; kuba abantu bange Abaisiraeli baamenha endagaano ye nakola nabo, baadheemera amateeka gange.

Yona 1:2

“Situkiramu oje okobe abantu ab'omu kibuga Nineve, ekibuga ekikologho ekyo, oti, ‘Mboine okwonoona kwaibwe.’ ”

Tito 2:15

Yegeresanga ebintu bino ng'olamba era ng'onenianga abantu bo n'obuyinza bwonabwona. Ghatabangagho muntu yeenayeena akunhoomanga.

Okwolekebwa 1:10

Ku lunaku lwa Musengwa, Mwoyo yandidhaku, naawulira e mugongo wange amamiro ag'amaani nga gali ng'oti ndeka.

Okwolekebwa 4:1

Ebyo bwe byawa, naabona olwigi olwigule mu igulu. Era n'amamiro ge nali nsoose okuwuliraku agaali ng'oti ndeka gankoba gati: “Niina ghano, nkwoleke ebiri n'okubaagho oluvainhuma lwa bino.”