Isaia 57:9 - Baibuli Ekibono kya Katonda 2014

⁹ Mwebbaaka ebizigo n'obuwoowo kamaala, mwaja okusinza omusambwa Moleki. Era olw'okwenda einho okufuna bakatonda bye musinza, musindika abakwenda baimwe baaja eyo eghala einho. Mwatuuka n'okubasindika baje ghansi mu magombe.

Isaia 57:9 ပူးပေါင်းရင်းမြစ်များ

Ensambo 7:17

Era naamansiraku obuwoowo obwakolebwa: mu mirra, ni mu alowe, ni mu kinnamoni.

Isaia 2:9

Omuntu owabuliidho yaakuba amakiryaivu, n'omukungu yeena yeewombeeka. Kale ni, Wo Musengwa Katonda, otabasonigha naire.

Ezekieli 16:33

Kya buliidho nti abasaadha n'abatonera bamalaaya ebirabo. Aye kabiri iwe mwene niiwe otonera abagonzi bo ebirabo, okubagulirira olw'obwenzi bwo, baidhe okuva mu ndhuyi dhoonadhoona bakole niiwe obwamalaaya.

Ezekieli 23:16

Bwe yababona yaabeegomba n'omwoyo gwamudunguda, yaabatumira abakwenda mu Babilonia.

Ezekieli 23:40

“Era baatumanga n'abakwenda baaja mu biketezo eby'eghala baayetayo abasaadha, era abasaadha baidhanga. Olwo ng'aboluganda abo bombi banaaba, nga basiiga amaiso gaibwe kalaamu, era nga beewoomya n'ebyamadholobera.

Danieli 11:36

“Kyabazinga wa Siria oyo alikola nga bw'ayenda, yeegulumiza era yeekudumbaza ng'alowooza ati n'asinga bakatonda boonaboona. Alyogera ebintu ebitiisa einho ku Katonda asinga bakatonda boonaboona. Era ebintu birimujiira bukalamu okutuusa Katonda lw'alimumaliraku obusungu bwe kuba Katonda oyo kye yategeka kiri n'okutuukirira.

Hosea 12:1

“Abaisiraeli bye bakola biziramu muganhulo. Kuli ng'oti n'okwaya empewo eva e buvandhuba, n'ogibingirira olunaku lwonalwona. Beeyongera bweyongere kuguya na kukola bikolwa bya bukambwe. Bakola endagaano ni Assiria, era baasuubulagana ni Misiri.”

Hosea 7:11

Abaisiraeli bali ng'oti ighemba eisiru eriziramu magezi. Baasooka baayeta ensi Misiri eidhe ebayambe, baamala kabiri baaja baayeta ni Assiria.

Ab'e Kolosai 2:18

Ghatabangagho ababuza ng'akozesa okwewooya n'okusinza bamalaika. Omuntu ng'oti n'oyo yeefuula okuba ng'abasinga, mbu kuba yabonekerwa. Yeetuusa aghazira na nsonga, okutoolaku ebirowoozo bye ebiziramu.