Isaia 57:7 - Baibuli Ekibono kya Katonda 2014

⁷ Mwala obuliri bwaimwe ku nsozi endeeyi engungumavu, era eyo ye muja ni mughaayo emisengo, ni mukola n'obwamalaaya obw'omu masabo.

Isaia 57:7 ပူးပေါင်းရင်းမြစ်များ

Isaia 57:3

Aye imwe abalogo, n'imwe abenzi, n'imwe bamalaaya, museete ghano musalirwe omusango.

Isaia 65:7

olw'ebibi byaibwe ghalala n'ebya badhaadha baibwe kuba baaniokezanga obubbaani ku nsozi enene, era banvumiranga ku busozi obutono. Kale ni ndibabonereza, naabeesasuulizaaku nga njiira ku bye baakola. Nze Musengwa Katonda, ninze nkobye.”

Yeremia 2:20

Musengwa Katonda akoba ati: “Imwe Abaisiraeli, mwava ira nga muloba nze okubafuga, mwandheemera, mwakoba muti, ‘Titwidha kumusinzanga.’ Era mwasinzizanga emisambwa ku buli lusozi olugulumivu, na buli ghansi mu kinsense eky'omuti omuzibirivu.

Yeremia 3:2

Mulingirire ghaigulu ku nsozi edhiziraku kantu, mubone oba nga ghaligho waire olulala ku nsozi edho, lwe mutaakoleraku bwamalaaya. Mubwama ku mbali kw'enguudo, mwateega be munaayenda nabo, ng'oti n'abanhazi b'omu irungu bwe beeteega abantu. Mwonoine ensi n'obwamalaaya bwaimwe obutakobeka.

Yeremia 3:6

Yosia bwe yaba nga ni kyabazinga, Musengwa Katonda yankoba nti: “Oboine abantu abo Abaisiraeli abatali beesigwa ng'oti n'omukazi malaaya, kye baakola? Banvaaku ng'oti n'omukazi malaaya bw'ava ku iba, baajanga ku buli lusozi olugulumivu na buli ghansi mu kinsense eky'omuti omuzibirivu, baasinziza eyo.

Ezekieli 16:16

Watoola ku bivaalo byo waatimba amasabo go okugadholiga, waakolera omwo obwamalaaya mu nsambo etabangaghooku era etaja kubaagho kabiri.

Ezekieli 16:24

kabiri waayongeraku n'okwezimbira mu buli luya lwa kibuga, amasabo okukoleramu obwamalaaya n'ebifo ebigulumivu eby'okusinzizaamu ebintu ebyo ebitali nze Katonda.

Ezekieli 16:25

Olw'emboneka yo enungi, mu buli maagaanana ga luguudo wataagho ekifo okukoleramu obwamalaaya, weekubanga ku buli muntu eyabitangagho. Mu nsambo eyo obwamalaaya bwo bweyongerangaku buli lunaku.

Ezekieli 23:17

Era Abababilonia baidha baaba naye mu buliri. Baamumaliraku obwenzi bwaibwe, baamwonoona. Yaamala yaabeesinwa, yaakyuka yaabavaaku.

Ezekieli 23:41

Agho baatyama ku buliri obw'ekitiibwa, ng'emberi ghaabwo ghaligho emeeza kwe bataire obubbaani n'omuzigo ogw'ebibala eby'emiti emyoliva bye nabagha.

Ezekieli 6:13

Emirambo gy'abo abaitiibwa girigwa bw'agho gityo ghagati mu bisinzibwa ebitali Katonda, okwezunguluza alutaari dhaibwe. Era gityo bwe girigwa ku buli kasozi kagungumavu, na buli ku ngulu kwa lusozi lunene, na buli ghansi gha muti mukologho muzibirivu, na buli mu kifo abantu kye baajangamu okughaayo ebigheebwayo eby'obuwoowo obusangaaza. Olwo abantu boonaboona baamanha nga ninze Musengwa Katonda.