Isaia 57:6 - Baibuli Ekibono kya Katonda 2014

⁶ Mutoola eyo amabaale amaseene obukalamu mwagasinza ng'oti bakatonda. Mugafukira ebigheebwayo eby'okunhwa era mwagaleetera ebigheebwayo eby'emere ey'empeke. Mulowooza muti munampooyawooya nga mukola ebyo?

Isaia 57:6 ပူးပေါင်းရင်းမြစ်များ

Isaia 65:11

“Aye embeera eriba yindi eri imwe abanvaaku nze Musengwa Katonda, ni mwerabira Sioni olusozi lwange olutukuvu, ni musinza omusambwa Gadi gwe bakoba mbu guleetera abantu okuba ab'enkabi, n'omusambwa Meni gwe bakoba mbu n'oguleetera ebyo ebituuka ku bantu okubaagho.

Isaia 66:3

“Ghaligho abantu abasalagho okukola ebintu nga bwebenda, nga tibataagho ndhawulo naire ghagati gha kino ni kire: Ole okughaayo ente ng'omusengo, akibona nga n'ekirala n'ole aghaireyo omuntu. Ole okughaayo entaama ento ng'omusengo, akibona nga n'ekirala n'ole amenha enkoto y'embwa. Ole okuleeta ekigheebwayo eky'emere ey'empeke, akibona nga n'ekirala n'ole aghaireyo omusaayi gw'embiidhi. Ole okuniokeza obubbaani, akibona nga n'ekirala n'ole asaba enkabi eri ekisinzibwa ekitali Katonda. Abantu abo kye benda kye bakola, era basanhukira inho ebyenhinhalwa bye bakola.

Yeremia 19:13

Endhu edh'omu Yerusalemu, n'edha bakyabazinga ab'omu Buyudaaya, ghalala n'edho dhoonadhoona abantu dhe baaniokezangaku obubbaani ghaigulu ku busolya bwadho nga babuniokereza emuunienie edh'oku igulu, era mwe baafukiranga ebigheebwayo eby'okunhwa eri bakatonda abandi, dhoonadhoona dhiriba nga ti nongoofu ng'oti n'ekifo ky'e Tofethi.”

Yeremia 3:9

baaloba kugemwa na nsoni. Olwo baaleetera ensi okwonooneka, olw'obutaba beesigwa ye ndi, ni baja basinza obw'amabaale n'emiti.

Yeremia 32:29

Baidha kukikunaaniaku omuliro bakyokye kyonakyona, ghalala n'endhu edho abantu mwe bansungughalizanga nga baniokeza obubbaani ghaigulu ku busolya bwadho nga babuniokereza omusambwa Baali, era nga bafukira bakatonda baibwe ebigheebwayo eby'okunhwa.

Yeremia 5:29

Musengwa Katonda akoba ati: “Nsobola ntya obutabonereza bantu abo olw'okukola ebintu ebyo? Era nsobola ntya obuteesasuuliza ku ighanga eryo?

Yeremia 5:9

Musengwa Katonda akoba ati: “Nsobola ntya obutabonereza bantu abo, olw'okukola ebintu ebyo? Era nsobola ntya obuteesasuuliza ku ighanga eryo?

Yeremia 7:18

Abaana bagherera enku, baiseibwe baakuma omuliro, bainhaibwe baakanda engaano okufumba emigaati. Nga bafumbira omusambwa gwe beeta Kyabazinga Omukazi ow'Eigulu. Baafukira emisambwa egindi ebigheebwayo eby'okunhwa, bansoononkereza bandeetera okusungughala.

Yeremia 9:9

Nze Musengwa Katonda nkoba nti, nsobola ntya obutabonereza bantu abo olw'okukola ebintu ebyo? Era nsobola ntya obuteesasuuliza ku ighanga eryo?”

Ezekieli 20:39

Musengwa Katonda era akoba ati: “Mperaano imwe Abaisiraeli, oba nga timwenda kumpulira, buli muntu aje agheereze ebisinzibwa bye ebitali nze Katonda. Aye mbalabula obutairayo kwonoona liina lyange eitukuvu, eno nga mumpa ebigheebwayo ate ere nga bwemusinza ebitali nze Katonda.

Habakkuku 2:19

Mukagwireku imwe abakoba ekiti muti: “Zuuka,” oba eibaale eritaghanga na kwogera muti: “Situka.” Ghaligho okwolekebwa kw'oghanga okufuna okuva y'ekintu ng'oti n'ekyo? Ni bwe baba nga baakirimbyaku kyonakyona feeza ni zaabu, era kisigala nga kiziramu bulamu naire.