Isaia 57:3 - Baibuli Ekibono kya Katonda 2014

³ Aye imwe abalogo, n'imwe abenzi, n'imwe bamalaaya, museete ghano musalirwe omusango.

Isaia 57:3 ပူးပေါင်းရင်းမြစ်များ

Amainhama 3:15

Ndidha kutaagho enzigu ghagati wo n'omukazi, ni ghagati gh'eizaire lyo n'eizaire ery'omukazi. Eizaire ery'omukazi eryo liidha kukubanga omutwe ligutentene, era weena oidha kulimoodhanga ebigere.”

Isaia 1:21

Kyewuunhisa okubona ng'ekibuga ekyalinga ekyesigwa, kifuuse ng'oti malaaya. Ate nga kyaidhulangamu abantu abakola amazima, era kyabangamu abantu abatuufu. Aye mperaano kirimu batemo beereere.

Isaia 1:4

Okagwireku iwe eighanga eikozi ly'ebibi, abantu aboonooni imwe, abaidhukulu ab'abakozi b'ebibi imwe, era abaana aboonoonefu. Muviire ku Musengwa Katonda, mwamunhooma Omutukuvu wa Isiraeli oyo, mwamwetooleraku irala.

Isaia 45:20

Musengwa Katonda akoba ati: “Mwidhe mwesolokeze ghalala, museete imwe abaawonagho mu maghanga. Abantu abo abaja nga bagemereire ebisinzibwa ebitali Katonda ebyakolebwa mu biti obuti, era ni basaba katonda atasobola kubalokola, baziramu magezi naire.

Isaia 48:16

Museete ghe ndi muwulire kino: Okuviira irala mu mainhama n'okutuusa mpegaano, tyogerangaku mu kyama. Era bye ndhogera bimala byatuusa ekiseera byabaagho. Mpegaano Musengwa Katonda antumye n'amaani ag'omwoyo gwe.

Isaia 57:7

Mwala obuliri bwaimwe ku nsozi endeeyi engungumavu, era eyo ye muja ni mughaayo emisengo, ni mukola n'obwamalaaya obw'omu masabo.

Isaia 58:2

Buli kaakyeire beekoza, baidha bansinza, era baayoleka nga bwe benda einho okumanha bye nkoba n'okugema ebiragiro byange; baaba ng'oti n'eighanga eriri agho erikola ebituufu, eritavangaku ku biragiro byange. Era bansaba mbaghe amateeka ag'okukola mu butuufu ni mu mazima, nga bakoba nga bwe kibasangaaza einho okunsinza nze Katonda.

Yeremia 3:6

Yosia bwe yaba nga ni kyabazinga, Musengwa Katonda yankoba nti: “Oboine abantu abo Abaisiraeli abatali beesigwa ng'oti n'omukazi malaaya, kye baakola? Banvaaku ng'oti n'omukazi malaaya bw'ava ku iba, baajanga ku buli lusozi olugulumivu na buli ghansi mu kinsense eky'omuti omuzibirivu, baasinziza eyo.

Yeremia 3:9

baaloba kugemwa na nsoni. Olwo baaleetera ensi okwonooneka, olw'obutaba beesigwa ye ndi, ni baja basinza obw'amabaale n'emiti.

Hosea 1:2

Omukuzi ogwasooka Musengwa Katonda okwogerera mu Hosea, Musengwa Katonda oyo yakoba Hosea ati: “Ja ofumbirwe omukazi atali mwesigwa malaaya, ozaale naye abaana ab'obwamalaaya, kuba abantu bange banviireku nze Musengwa Katonda, tibakaali beesigwa naire.”

Hosea 2:4

Tija kusaasira baana be naire, kuba baazaalibwa mu bwamalaaya.

Hosea 2:6

Kale ni ndidha kumukolera olukomera olw'amawa okumwezunguluza, era nzimbe ekimante okumwezunguluza abulwe gh'abita.

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Matayo 12:34

Imwe eizaire ery'emisota, musobola mutya okwogera ebikalamu nga muli babi! Ebiidhwire mu mwoyo, omunwa ti bye gwogera?

Matayo 16:4

Abantu ab'oluse luno aboonooni era abatatya Katonda benda akamanhiso! Ate nga akamanhiso tikaidha kubagheebwa, okutoolaku akamanhiso aka Yona.” Yaabavaaku yaaja.

Matayo 23:33

“Imwe emisota, abaana ab'emisota egy'obusagwa! Muliwona mutya okusalirwa omusango gwa geyeena?

Matayo 3:7

Bwe yabona Abafarisaayo kamaala n'Abasaddukaayo nga baidha y'ali okubatizibwa, yaabakoba ati: “Imwe eizaire ery'emisota naani eyabalabula okulumuka ekibonerezo ekiri kwidha?

Luka 3:7

Abantu kamaala beesomba okwidha ye Yoanne okubatizibwa. Kyeyava n'abakoba ati: “Imwe eizaire ery'emisota, naani eyabalabula okulumuka ekibonerezo ekiri kwidha?

Yakobo 4:4

Ye bano abatatya Katonda! Timwidhi ng'okuba bakagwa b'ensi kitegeeza kuba bazigu ba Katonda? Kiisi ayenda kuba mukagwa wa nsi aba yeefiire muzigu wa Katonda.

1 Yoanne 3:10

Ku kino kw'omanhira abaana ba Katonda n'aba Sitaani. Kiisi atakola bya butuufu oba n'atagonza muganda we oyo aba ti wa Katonda.