Isaia 57:14 - Baibuli Ekibono kya Katonda 2014

¹⁴ Musengwa Katonda era akoba ati: “Muteegho oluguudo, muteegho oluguudo mangu, mutegeke abantu bange ghe banaabita. Mutoole ebitimuguunha byonabyona mu ngira y'abantu bange.

Isaia 57:14 ပူးပေါင်းရင်းမြစ်များ

Zabbuli 68:4

Mwembere Katonda, mwembe enhembo edhisaaka eriina lye. Mumutegekere engira oyo aseeyeeya ku bire, eriina lye ni Musengwa Katonda, musagambire mu maiso ge.

Isaia 35:8

Ghalibaagho oluguudo olulyetebwa “Engira ey'Obutukuvu.” Buli atali mulongoofu talibita mu ngira eyo. Era abaligitambuliramu ni bwe baliba abasiru einho, tibaja kubulira mu ngira eyo.

Isaia 40:3

Ghaligho amamiro g'oyo alangirira ati: “Mutegeke Musengwa Katonda gh'anaabita mu nsi enkalukalu, mutereeze oluguudo lwa Katonda waife mu irungu.

Isaia 49:11

‘Ensozi dhange dhoonadhoona ndidhitaamu engira, dhaafuuka enguudo abantu bange mwe balitambuliranga.

Isaia 62:10

Imwe abantu bange ab'omu Yerusalemu mufulume, mufulume emiryango gy'ekibuga. Muje mutegeke abantu ghe banaabita mutemegho oluguudo. Mutemegho oluguudo mangu, mulumalemu ebibaalebaale. Mughanikire abantu ebendera ng'akamanhiso,

Yeremia 18:15

Aye abantu bange baaneeyawulaku, baaniokeza obubbaani ebisinzibwa ebitali Katonda. Baajanga bwe beekontola mu nguudo dhe baatambulirangamu okuva eira, baalekerera enguudo enene; baatambulira mu bugira obw'omu nsiko.

Ab'e Roma 14:13

Kale ni tukange agho buli muntu okunenianga mwine. Era tutaleeteranga waluganda kugwa mu kibi.

1 Ab'e Korintho 1:23

Aye ife tubakobera ku Kurisito ye baakomerera, eyafuuka ekitimuguunha eri Abayudaaya, ate ekizira makulu eri abamaghanga agandi.

1 Ab'e Korintho 8:13

Kale oba nga eby'okulya bireetera muganda wange okugwa mu kibi, tiireyo kubirya ndobe kuleetera muganda wange kugwa.

1 Ab'e Korintho 8:9

Aye mwegendereze eidembe lino lirobe kusuula banafu mu kibi.

2 Ab'e Korintho 6:3

Titwenda kuta kitimuguunha mu ngira ya muntu yeenayeena, olwo ghalobe kubaagho muntu ayagaana kisobu mu mulimo gwaife.

Abaheburayi 12:13

Mutambulirenga mu ngira enkalamu, aghenhera alobe kulemalira irala aye awone.