Isaia 57:13 - Baibuli Ekibono kya Katonda 2014

¹³ Kale ni bwe munandiriranga mbayambe, ebisinzibwa byaimwe ebyo bye musoloza n'ebibe bibawonienga. Aye empewo obuwewo eribifuumuula yaabitwala. Ate nga abo abaneesiga nze, n'abalitwala ensi yaaba yaibwe era bansizizanga ku lusozi lwange olutukuvu.”

Isaia 57:13 ပူးပေါင်းရင်းမြစ်များ

2 Bakyabazinga 3:13

Elisha yaakoba kyabazinga wa Isiraeli ati: “Nze ndi na nkolagana ki n'iwe? Ja y'abalanzi ba lata wo ni y'abalanzi ba inhoko.” Aye kyabazinga wa Isiraeli yairamu ati: “Busa, Musengwa Katonda n'atwese ife bakyabazinga abasatu okututa mu ngalo dha Moabu.”

Yobu 21:18

ni baba ng'oti bikaba ebifuuyibwa empewo, oba enkungu etwalibwa kiwunga?

Zabbuli 1:4

Aye ababi tibali batyo, bali ng'oti musinsi empewo gw'efuuwa ere.

Zabbuli 118:8

Okwesiga Musengwa Katonda n'ekisingaku okwesiga abantu.

Zabbuli 125:1

Abo abeesiga Musengwa Katonda bali ng'oti n'olusozi Sioni, olutatengeeseka era olutavaagho ebyanda n'ebyanda.

Zabbuli 37:11

Aye abo abawombeefu balitwala ensi, era baaba miraala ng'ebintu bibajiira bukalamu.

Zabbuli 37:22

Abo Musengwa Katonda be yagha enkabi dhe baja kutwala ensi, aye abo be yakolimira baja kuwaagho.

Zabbuli 37:29

Abatuufu baja kutwala ensi era bagibeeku ebyanda n'ebyanda.

Zabbuli 37:3

Weesige Musengwa Katonda era okole ebirungi, oidha kuba bukalamu mu nsi era ghabule ekikweraliikiriza.

Zabbuli 37:34

Weesige Musengwa Katonda okolenga nga bw'alagira, aja kukugha ekitiisa otwale ensi, era obone ng'ababi bawaagho.

Zabbuli 37:9

kuba ababi baja kuwaagho aye abo abasuubirira mu Musengwa Katonda balitwala ensi.

Zabbuli 58:9

Katonda agwana yaabasaaniagho amangu geene, nga n'entamu ekaali kuwulira muliro gwa mawa, ka gabe amabisi oba agali kwaka.

Zabbuli 84:12

Wo Musengwa Katonda Afuga Amagye, nga beesiimye abakwesiga.

Ensambo 28:25

Omuntu eyeeyendeza buli kintu asiikuula okusoola mu bantu, aye ole eyeesiga Musengwa Katonda aligheebwa obukombe.

Isaia 11:9

Ku Sioni olusozi lwa Katonda olutukuvu, tikulibaaku kintu kizikiriza kiinaakyo waire okukituusaaku obulumi; kuba ensi eriidhula okumanha Musengwa Katonda, ng'oti n'enhandha bw'eidhula amaadhi.

Isaia 14:32

Kale abakwenda b'eighanga ly'Abafilisiti abaliidha ye tuli tulibairamu tutya? Tulibairamu tuti, ‘Musengwa Katonda yataagho Sioni, era mu Sioni omwo abantu be abadaazibwadaazibwa mwe balirumukira.’ ”

Isaia 25:4

Niiwe obulumukiro abanaku n'abaavu mwe bafunira obuyambi, niiwe ekifo mwe beewogoma okuwona kiwunga, era niiwe ekiwoleeze ekibakingiriza ni bawona olwota. Kuba obuluukuuli bw'abakambwe buli ng'oti n'amaadhi agalimu kiwunga bwe gasaamira ebimante,

Isaia 40:24

Baba ng'oti n'ebimera bye baakasimba, ebikaali kusimba mizi ghala inho mu itaka. Musengwa Katonda oyo bw'asindika empewo ebifuuwa byaniala. Agho empewo erimu kiwunga yaabifuuwa ng'ebitwaliriza ng'oti isubi ikalu.

Isaia 41:16

Olibisensa, empewo yaabifuumuula yaabitwala, ni kiwunga yaabisansaania. Olwo waasagambira mu nze Musengwa Katonda, era wansaaka nze Omutukuvu wa Isiraeli.

Isaia 45:20

Musengwa Katonda akoba ati: “Mwidhe mwesolokeze ghalala, museete imwe abaawonagho mu maghanga. Abantu abo abaja nga bagemereire ebisinzibwa ebitali Katonda ebyakolebwa mu biti obuti, era ni basaba katonda atasobola kubalokola, baziramu magezi naire.

Isaia 49:8

Musengwa Katonda era akoba abantu be ati: “Ekiseera eky'okusaasiriramu bwe kirituuka ndikusaasira, naakuyamba ku lunaku olw'okulokolwa. Ndikulwanirira naakukuuma, era naabita mu iwe okukola endagaano n'abantu boonaboona. Oliizaagho ensi buyaaka, abantu bairamu okubanga mu biketezo byaibwe ebyazika buti.

Isaia 56:7

“Ndibatwala ku Sioni olusozi lwange olutukuvu, naabagha eisanhu mu ndhu yange ey'okusinzizaamu. Ebigheebwayo byaibwe ebyokebwa n'emisengo gyaibwe ndibiikiriza ku alutaari yange, kuba endhu yange enaayetebwanga ndhu ya kusinzizaamu ab'amaghanga goonagoona.”

Isaia 60:21

Abantu bo boonaboona balikolanga ebituufu, era baatwala ensi yaaba yaibwe ebyanda n'ebyanda. Baliba lusaga nze mwene lwe neesimbira era omulimo nze mwene gwe neekolera, nsobole okugheebwanga ekitiisa.

Isaia 65:11

“Aye embeera eriba yindi eri imwe abanvaaku nze Musengwa Katonda, ni mwerabira Sioni olusozi lwange olutukuvu, ni musinza omusambwa Gadi gwe bakoba mbu guleetera abantu okuba ab'enkabi, n'omusambwa Meni gwe bakoba mbu n'oguleetera ebyo ebituuka ku bantu okubaagho.

Isaia 65:25

Omusege n'entaama ento biidha kuliiranga ghalala, empologoma eryenga isubi ng'oti nte, n'omusota gulyenga enkungu nga n'emere yaagwo. Ku Sioni olusozi lwange olutukuvu, tikulibaaku kintu kituusa ku kiinaakyo bulumi, waire okukizikiriza. Nze Musengwa Katonda, ninze nkobye.”

Isaia 65:9

Nditaagho ku baidhukulu ba Yakobo n'aba Yuda, baatwala ensi eyo erimu ensozi dhange. Abantu bange abo be nalondamu era abagheereza bange abo baligitwala yaaba yaibwe ku bwaibwe, era baagibangamu.

Isaia 66:20

Baliiza baganda baimwe boonaboona nga babatoola mu maghanga goonagoona, baabaleeta ng'ekigheebwayo eri nze Musengwa Katonda, ku lusozi lwange olutukuvu Yerusalemu. Balibaleetera ku mbalaasi, ku nhumbu, ku ngamiya, ku bigaali eby'omu lutalo, ni ku bigaali ebindi, ng'oti n'Abaisiraeli bwe baleeta ebigheebwayo eby'emere ey'empeke mu isinzizo nga babitaire mu bintu ebirongoofu ebireeterwamu.

Yeremia 2:28

“Mpegaano emisambwa gyaimwe gye mwekolera giri gha? Kale ka gisituke gibalokole mu biseera ebizibu, bwe giba nga gisobola. Imwe abantu b'omu Buyudaaya, muli n'emisambwa egyagayaga n'ebibuga byaimwe obungi.

Yeremia 22:20

“Imwe ab'e Yerusalemu, muje ku nsozi dh'e Lebanoni mwasiikane, muje mu nsi y'e Bashani mulire; muje ku nsozi dh'e Moabu muwowoole, kuba abo be mwakolagananga nabo boonaboona bazikiriziibwa.

Yeremia 22:22

Abakulembeze baimwe boonaboona balitwalibwa ng'oti n'ebikaba empewo bw'ebifuuwa ere. Abo be mwakolagananga nabo balitwalibwa mu bunhage. Olwo ensoni dhaabagema mwaswala olw'ebibi byonabyona bye mwakola.

Yeremia 30:14

Abo be mwakolagananga nabo baabeerabira tibakaabafaaku naire. Nze nabalumba imwe ng'oti ndi bwa muzigu waimwe, naababonereza aghazira kusaasira naire, olw'ebibi byaimwe ebingi n'olw'emisango gyaimwe egitaloodheka.

Ezekieli 20:40

“Mu kifo eky'okusinza ebyo, mwenamwena mulisinzanga nze Musengwa Katonda waimwe, ku lusozi lwange olutukuvu, olusozi oluleeyi olw'omu nsi Isiraeli. Eyo ye ndibasangaalira, era naasiima ebirabo byaimwe ebisinga kuba birungi, ghalala n'ebigheebwayo byaimwe ebitukuvu.

Hosea 13:3

Kale ni abantu abo baliwaagho ng'oti lufu lwa ku nkyo, era ng'oti musulo ogukala nga bukaali na nkyo. Baliba ng'oti musinsi empewo gw'efuuwa okuva ghe bakubira engaano, era ng'oti mwosi ogufuumuukira mu kituli ni gubulagho.

Yoeli 3:17

“Olwo mulimanha nga ninze Musengwa Katonda waimwe, era nga mba ku lusozi lwange olutukuvu Sioni. Yerusalemu kiriba kibuga kitukuvu, era abagwira tibaliiramu kukighangula kabiri.

Zekaria 7:13

era olw'okuba baaloba okuwulira bye nabakobanga, zeena naalobanga okubagha bye bansabanga.

Abalamuzi 10:14

Muje mulirire bakatonda be mulonzeegho okusinza. Abo n'ababe babawonienga nga mugwire mu buzibu.”